Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Jodo Ti Sawarga

Kénging Ya Soebarta
Dipidangkeun dina lapak 30 Désémber 2011 15:12:17

Utah téh getih. Lalambaran. Balas tadi peuting nginum beling tina botol. "Saur néng gé lirén, akang..!" ceuk Dini bari ngelapan getih nu ngalémbéréh. Dunya muter. Panon karasa tibalik. Gejlok! Gejlok! Getih, hideung. "Gusti! Mun pareng Gusti masihan kakiatan kanggé abdi teras hirup, teu aya deui jalan kasaéan iwal ti Anjeun, Pangéran abdi sadaya…!". Les! dunya tilelep dina peteng. Alloh! Alloh! Titingalian ranyay laju ka cékas. Lieuk ka katuhu aya mukena keur sujud. Lieuk ka kenca, Surat Yassin norolang. Berebey cinyusu dina panon mudal. Hek! Genggerong asa kapengkek, nyelek. "Dini geulis, aya di mana ieu..?" pok téh. "Sssst! Tong waka seueur nyarios akang, ambu gé aya di dieu nuju netepan..!" témbalna. "Gusti, ieu pisan pijodoeun abdi téh, ambu! Enggal tikahkeun uing..!!". Dokter anu titadi mariksa nyelengkeung "Alhamdulillah, 2 taun kulem téh ujug-ujug hoyong nikah nya, hehehe..!" pokna tuluy nyuntik.

Komentar (30)

Irman N Dimyatié
2 taun koma.... Masya Allah!!!
Iwan Hanjuang
nyuntik sare deui 2 taun da Dini di kawin ku dokter...
Godi Suwarna
:"Yaktos, memang bahaya notor beling mah...! Tapi sakinten, koma teh aya hasilna ari teras palay nikah mah...'
Ki Hasan
Karek nepi ka koma, can nepi ka titik kang Irman Nurhapitudin Dimyatie.
Iwan Hanjuang
Irman Nurhapitudin Dimyatie.. da enya kitu,unggal lilir suntik deui. sare deui 2 taun... he he he he
Irman N Dimyatié
Ki Hasan: manawi teh dugi ka tanda tanya, pan tadi teh naros.... "dimana ieu?" Teras disuntik deui ku dokter sina kulem 2 taun da neng Dini rek dikawin ku dokter. Beu......!!!! naha Kang Iwan Hanjuang, caritana jadi mengkol?
Ahmad Fawzy Imron
edass kang Ya...carios nu panjang tiasa diringkes sapertos kieu...jempol pisan..
Iwan Hanjuang
pan Irman Nurhapitudin Dimyatie.. dokterna,sok nganglés lah..
Irman N Dimyatié
wakakakakakak..... halah naha jadi malendes deui ka uing, sarkaaaang!!!
Cassa Grande
Pangaruh botol mah sok saé.
Ya Soebarta
Kang Irman, ieu teh Fakmin rada diFikminkeun..!!
Ya Soebarta
Kang Iwan Hanjuang, hahaaaa tiasa dipengkolkeun ka dinya ge, namung bakal nyambung dugika ratusan episode pami kitu mah, tiasa disinetronkeun judulna 'Menunggu Bangun dari Koma', moal tamat-tamat pami dokterna teu acan capeeun nyuntik mah...!!!hehehehehe.
Ya Soebarta
Leres ang perbu Godi Suwarna, dugika ayeuna janten calon Indung budak di rorompok, nyeta jodo mah sok jorok geuning cenah saur sepuh mah...!!
Ya Soebarta
Teu acan Ki Hasan, masih panjang keneh lalakonna, mugia...!!
Ya Soebarta
Nuhuuuun jempolna kang Haji Ahmad Fawzy, mulih jumaahan disampakeun jempol mani ngaleut kieu, nuhun...!! numawi abdi mah alim sakali-kali deui koma teh...!!
Ya Soebarta
Ang Cassa Grande, numawi abdi mah alim sakali-kali deui eueut beling teh ang, ripuh kukituna...!! alhamdulillah Gusti Alloh masih keneh masihan kapercantenan...!!
Endah Dinda Jenura
teleb...
Ahmad Yani
Ambuing... aya ku satiana nya, ari putra si Ambu !, kayungyun !, pasti moal teu gelis da ! he he he !
Ya Soebarta
Heuheu, nuhun aceuk Endah Dinda Jenura...!!
Ya Soebarta
Numawi ayeuna teh janten punbojo kang Ahmad Yani, asa dituduhkeun manawi, kitu da geuning jodo mah teu disangki-sangki..!!haturan kakang..!!
Dadi Arya
Haruuuuuh!...édun surédun dugi ka ngajodo kieu mah. Fikmin abdi nu bocor jajantung kasmaran gé, ngoléséd ah... nyaggakeun jempolna Kang Ya Soebarta
Ida Nurulhuda
Saé hikmahna atuh dipasihan koma téh..,
Ya Soebarta
Hatur nuhun ang Dadi Arya jempolna mani sae kieu duh,..!! tapi pelem keneh Fikmin salira ang, langkung anteb..!! haturan ang.
Mahpudin
Beurang2 panas mentrang mentring geus nginum beling. Peuting hudang sirah ngalayang. Borolo utah di kamar mandi. Gebeg jiga getih ngagebleg hideung. Di koeran ku suku hayang mastikeun. Ras inget kana sosin dina mie ayam. Lain gening.. Heuheu...
Ya Soebarta
Aceuk Ida Nurulhuda, tah eta leres aceuk, seueur pisan hikmahna tina kajantenan eta teh...!! panginten jalan ti Alloh, haturan aceuk...!!
Ya Soebarta
Apoedy Sarah Ihsan@ Panasaran keneh, dikoer ku curuk "aeh heueuh da jiga sosin". Tuluy di ambuan "tuh nya sosin". masih keneh panasaran terus diletak "ah bener ieu mah sosin" tuluy disamual keun deui da lebar....!! hehehehehe.
Yanti Sri Budiarti
Gustiiii...dua taun?! Teu acan dugi kana pati, masih dikersakeun kenging jodo sagala. Bagja..:))
Eel Nurlaela
Panginten Allah teh nuju mintonkeun salah sawios kakuasaan nana nya Kang ! Hehe
Ya Soebarta
Aceuk Yanti Sri Budiarti@ Numawi bagja pisan aceuk, gugah obo teh dipayunan ku nu geulis maos Yassin, asa tingtrim kana manahna teh....!!
Ya Soebarta
Leres kitu aceuk Eel Nurlaela, jalan ti Alloh mah anu pangsaena...!! haturan aceuk.