Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Sari Nu Munggaran

Kénging Ya Soebarta
Dipidangkeun dina lapak 28 Désémber 2011 13:35:09

Ku kabeneran. Panggih téh di paméran, keur bébérés dagangan. "Akang! Geuning di dieu..? ih mani téga ka néng téh, basa akang nikah mani teu wartos-wartos!". Gebeg! "Nunuy...?!" pok téh. Leng! Pangacian mulang mangsa ka tukang. Basa manéhna dilatih PBBAB. Resep ari nyiksa adi kelas téh. Dipoé di tengah lapang nepika pipina beureum. Beuki nambahan wé nyarina, matak pogot nu neuteup. "Hormat grak!". Api-api menerkeun leungeunna. Inget manéhna ceurik basa dititah 'skot jump', atuh pundung teu latihan deui. Gering! cenah ceuk Nunuy, adina. Kapaksa kuring ngagidig ka imahna nyorén gitar. "Hoyong lagu 'kasih tak sampai'!" pokna. Tepika tibrana dina lahunan. Salamina. "Akang, aya salam ti ambu..!" pok Nunuy rada ngagareuwahkeun. Gusti, caah dina haté beuki nyéah. cipanon mimiti merebey. "Sari! Hampura akang, geulis..!!". Bumi alam ngariut. Langit mureleng, curukna nunjuk pisan kana cukang irung.

Komentar (46)

Mahpudin
kabita galindeng-na.. hartos galindeng ge abdi mah nembe di rarampa.. hiks..
Nana Sukmana
Uleuh, nuju palid ka alam panineungan, yeuh! Nostalgula, lah! Amis sari-sari peuheur he he he...
Ya Soebarta
Ssssst ang Apoedy Sarah Ihsan, kang Nana Sukmana tong gujrud..!! saurangeun we nya, ieu ge maling-maling ti satpam di rorompok, dina dokumen word ge langsung dihapus..!! rusiah ieu mah jempe nya, ieu hoyong ji sam su atanapi sampurna mild..?!!
Godi Suwarna
:"Realis. Siga nu ngan saheulay. Tapi horeng sababaraha lapis. Tokoh-tokohna kudu dipernahkeun heula. karek lalakonna ngagebray. Nembe uing mah maca fikmin siga kieu. Nyolong bade. Siiip dekh...!"
Nana Sukmana
Ah, abdi mah cekap disuguhan ciherang asak, nganggo madu disusuan, upami aya atuh endog hayam kampung beubeuruemna dua siki mah. Supados henteu hanyair, nganggo jahe sakedik.
Ya Soebarta
Edaaaas ku kang Perbu mah sagilek ge ngagebray, leres aya sababaraha lapis pantona teh kakang..! jurus dina mikmin mah geuning seueur pisan, ah matak abdi mah bade nyandak jurus dewa abok we ah, sakaparan-paran, sakapendakna manawi moal dibenduan ku neng itil dulceu..!! hatur nuhun kang perbu Godi Suwarna, tabe sun. ( tos sabaraha rewu kali uing hahatur nuhunan, tapi moal bosen ah, tos kumaha deui atuh da mung tiasa nyarios hatur nuhun we..!!)
Shohiba Nu'man
Tibra dina lahunan. Salamina.. Haduh.. Romantis tragis..
Ya Soebarta
Kang Nana Sukmana, mangga kakang ke cuang ngagoreng heula uyah dipurulukan daging...!!!
Kokom Komariah
Kayas deui . Jempol wae mangga teraskeun tibra.
Ya Soebarta
Ang Muhammad Shohiba Nu'man, bade nurutan salira tadina mah kakayasan, tapi kalakah geuneuk geuning..!! teu acan kataekan ka Fikmin aang mah..!!
Ya Soebarta
Hatur nuhuuun aceuk Kokom Komariah jempolna, hoyong kakayasan heula sakedap mah ah..!! heuheu.
Saefull Atk Archiva
mun laguna kasih tak sampai mah mereun janten cinta bertepuk sabeulah angin kang....
Ahmad Fawzy Imron
fikmin pangkayasna nu kantos kabaca ku abdi...sugan we aya sequelna.. :)
Ya Soebarta
Kang Saefull Atk Archiva@ heuheu, upami saur Padli 'Padi' mah "tetaplah menjadi bintang di langit agar cinta kita akan abadi" kitu cenah...!!
Yanti Sri Budiarti
Duuuh ah...nalangsa...hiks!
Saefull Atk Archiva
enya kang Ya Soebarta...* abadi nu teu janten momongan hehehe...
Ya Soebarta
Kang Haji Ahmad Fawzy Imron@ masih tetebiheun sareng Fikmin kagungan saliera mah sun, ieu mah semu geuneuk meuleukmeuk..!! untung teu eueut racun ge, alim sakali-kali deui ditinggalkeun hate teh ang...!!
Irman N Dimyatié
Tidak ada rotan, akar pun jadi. Teu aya Neng Sari, Neng Nunuy pun oke.......
Ya Soebarta
Matak abdi mah teu teras ngaleueut baygon aceuk Yanti Sri Budiarti, pami nalangsa teh sok mindo deui we...!!hehehehe.
Ya Soebarta
Hahahahaaa, tah eta anu namina lalaki sajati teh panginten kang Irman Nurhapitudin Dimyatie, tiasa ningali sikon...!! heuheuheu.
Yanti Sri Budiarti
Mangga we bade mindo tuang mah Kang Ya , nyandakan we nyalira. Abdi mah hoyong nyegruk keneh..hiks..hiks!
Saefull Atk Archiva
naha seer guru nikah ka murid nya??...di Jonggol ie mah kang gakgakgak...
Ya Soebarta
Aceuk Yanti Sri Budiarti, tos tong kateterasan nya, muhunbade mindo tuangna ka nunuy we ah saur kang Irman mah...!! heuheuheu.
Rin Riani
Ku sasangkleng atuh kang Ya Soebarta,....
Ya Soebarta
Kang Saefull Atk Archiva, duka tah abdi mah teu kataekan hoyong janten Guru teh, janten kuli we sim uing mah...!!!
Ya Soebarta
Muhun aceuk Rin Riani, biasa geuning abong ka adi kelas sok resep we ngaheureuyan teh, kantenan ieu mah pipina ge burahay pami boneka mah berbi tea kitu...!!
Iwan R Jayasetiawan
Bentik curuk balas nunjuk !
Nazarudin Azhar
Fikmin nu geregetna karasa lantip, neundeun geter dina rasa panganteb sakur implengan... Nyanggakeun jempolna...
Ya Soebarta
Curuk nu mana tah kang Iwan R Jayasetiawan, nu luhur atanapi nu handap nu bentik teh...!? heuheuheu.
Iwan R Jayasetiawan
Kang Ya Soebrata dua nana mung benten waktos hahahahha
Ya Soebarta
Hatur nuhun kang Nunu Nazarudin Azhar duh katampi pisan jempolna, bade dipiguraan disimpen dihade-hade..!!
Ya Soebarta
Kang Iwan R Jayasetiawan@ Hahaaaaa, tergantung situasi rupina mah nya..?! haturan kang.
Dadi Arya
Hoyong sagala pok..tapi, laguna "kasih tak sampai"? kalahka nyelek! ah pokona mah da kayas, Kang Ya Soebrata.... nyanggakeun jempolna.
Ya Soebarta
Sanes teu hoyong nyerat Fikmin kayas teh ang Dadi Arya, ieu ge langsung dipupus dina dokumen teh bilih kapendak ku pun madam di bumi, sok rada alim nyangu pami nyerat kakayasan teh, kantos abdi ngiring antologi Fiksi temana teh kayas,atuuuuuh sasasih jamotrot we..!! tapi da nagri Fikmin mah disumputkeun ngahaja, teu terangeun..!! tapi tong gujrud nya, sssssssttttt...!! hehehehehe, haturan ang.
Jejen Jaelani Wargadipura
gentos atuh ku lagu Cintaku Jauh Di Pulau..... hehehe....
Ya Soebarta
Tah sae rupina pami ku eta mah kang Jejen Jaelani W, janten Cintaku Iseng Sendiri weh panginten...!!! hehehehehe.
Hena Sumarni
emh........panineungan mangsa lawas, saha nu bisa ngejat ti dinya?
Ya Soebarta
Moal, aceuk Ambuna Kaka! gembokna ge tohaga, moal aya nu tiasa hojah ku panineungan mah matak minuhan hate ku kakayasan..!!haturan aceuk.
Rudi Riadi
Ngagalindeng ti kawit maos dugi ka tungtung, mani lir gradasi warna kayas semu kayas,semu pias, pias. Mangga Jempolna Kang, nyanggakeun..
Ya Soebarta
Haturan ang Rudi Riadi, numawi moal bosen nyarioskeun kakayasan mah, teu kalaput ku jaman, teu kapatri ku wanci...!! hatur nuhun jempolna.
Teti Taryani
Ari Kang Ya Soebarta, rajeun teh CLBK... endah ngagalindeng... ning ditungtungan ku cisoca... aduuhh janten sedih kieu...
Ya Soebarta
Abdi mah sedihna tos tipayun aceuk Teti Taryani, numawi titatadi muter lagu 'kasih tak sampai' dugika 10 uihan, atuh clak deui clak deui, cai hujan...!! heuheu,haturan aceuk.
Yadi Sutomo
Kacipta kaduhungna,...
Ya Soebarta
Uhun kang Yadi Sutomo teu manggih tungtung, asa dibeberik kunti sabatalion...!!
Rohaendi
ngagorolang pisan, ari nyaritakeun jadi senior dina opspek teh nyah??
Ya Soebarta
Heuheu, jiga pilem 'cintaku di kampus biru' geuning Aka Rohendi Pandeglang, matak pami natar junior teh teu kengeng sasangkleng ngaheureuyan teh...!! hehehehe, haturan aka wilujeng wengi.