Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Tamaha

Kénging Teti Taryani
Dipidangkeun dina lapak 26 Désémber 2011 11:25:07

Balik ngantor, kareret dina pelak kembang aya hileud bulu sapasang keur tingarukey. Teu diengkekeun, hileud diduruk laju dipiceun sekarna dibebeskeun kana pot. Diteangan bisi aya deui, tetela ngan eta-etana. Teu ku hanteu, awak bet ararateul jeung karasa nyongkab. Dibalur ku talek kalah mingkin panas. Tengah peuting gulinggasahan, teu kawawa ku ateul jeung panas. Tina sela-sela panto, tingseleket hileud bulu, abring-abringan, tingarukey naraek kana pangsarean. Gancang pisan muru awak nu teu bisa hojah. Hileud beuki ngalobaan, mulen awak, teu kaampeuh pareurih jeung nyanyautan. Jerit jempling taya soraan. Memeh les, hawar-hawar soanten Emah, “Gustiii... kaligata teh kabina-bina teuing.. gareuneuk jeung garetihan kieu…”

Komentar (31)

Jejen Jaelani Wargadipura
panyawat kintunan ti nagri sakura kaligata teh, numawi landongna ge ayana di Jepang...
Rin Riani
Boa-boa,....
Annisa Rahman
mni tega ngabakar ih, hem...
Teti Taryani
Kang Jejen Jaelani W kaligata dilandongan ku arigato...gozaimas... hehehe...
Teti Taryani
Muhun Teh Rin, rupina mah gara-gara eta... bilih nerekab tuda Neng Annisa Rahman numawi dibasmi ge...
Teti Taryani
Haturan Kang Yadi Fathur Berkata...
Yadi Fathur
Mangga Bu... Cobi nang obat CTM.. ngagaleuh ti apotek ki joko bodo.. heheh sipp bu jempol lah
Godi Suwarna
:"Taaah, assssoy dekh, Bu Neng..! Nu kieu fikmin pisan. 'Kuring'-na disamunikeun. Teu disabit najan sakecap. Lantip. Tapi teras karaos ayana. Sesah eta teh. Karaos pisan ateulna. Boa kadituna mah Si Kuring teh tuluy jadi hileud bulu. Diantos deui fikmin kaliber kieu, Bu...!"
Jojo Johari
Pajah teh kaligata mah supata? Wadul! Nu puguh mah kakurangan pitamin C. Nuang saratus gram jengkol saban dinten. Mangga cobian. Orokaya jamban jadi hangseur ..heuheuheu
Teti Taryani
Ang Godi, puguh kawitna mah bade janten hileud bulu, tapi teu acan kateuleuman 'kedah kumaha rasa nu nyurup tur nyaliara dina jirim eta'... Mudah-mudahan ka payun iasa ngadumaniskeun jirim sareng rasa... Mugi ulah bosen masihan bongbolongan...
Teti Taryani
Beuh, horeng teh kitu Kang Jojo? Taluk ah pami kedah ku jengkol mah... matak birat batur sadapur... kantenan batur sakasur... matak kabuurrr...!! heuheu...
Godi Suwarna
:"Upami tea mah fikmin teh, candak gampilna, aya nu realis sareng aya nu absurd. Tah, fikmin Bu Neneng ieu salah sawios puncakna tina fikmin realis. Teu aya kecap nu mubah, mokus teras kana masalah, kalimahna beuki lami karaos beuki muncak muru klimaks. Sapertos Bu Neneng upami nuju moro Yahudi dina malem Juma'ah tea geuning...hehe...! Pokona sip dekh dong ah we...!"
Teti Taryani
Ang Godi... pun lanceuk ngiring kagugu ku cariosan Kakang... wahahah ada-ada ajjahh ari sastrawan.... surna teh... hhehe..
Godi Suwarna
:"Wartoskeun ka Tuang Raka, bilih peryogi kadal Mesir, atanapi Hajar Jahanam, aya di Kyai Haji Ahmad Fawzy Imron. Anjeunna importirna pisan. hehe..."
Teti Taryani
Tuh, geura Ang Godi, mingkin ngehkey, tangka kabesekan...
Heni Sumarni
nembe terang kadal mesir ubar kaligata, cik mesen ang, dua kontener mah.
Godi Suwarna
Heni Sumarni:"Kadal Mesir mah obat kangge 'hileud bulu' nu sanesna tea geuning, Neng..! Sami-sami matak ateul sareng getek.. Hehe..."
Shohiba Nu'man
Edas pisan fikmin teh, Aceuk.. nyanggakeun jempolna, sok sanaos janten asa hileudeun itu teh.. rupina mah alatan maos fikmin aceuk nu matak ngabarialkeun kana manah.. heuheu..
Teti Taryani
Kang Muhammad Shohiba Nu'man, nuhun katampi ... deuh resep mani arageung kieu jempolna gen... kade bilih kateterasan hileudeunna... heuheu...
Nana Sukmana
Halah, moal ngomen ah. Hileud téh sato nu pangdipiajrihna ku pun uing. Bakating ku ajrih, tara wantun pacaket. Sérab, nun. Mangga baé, nyanggakeun!
Acep Zoni Saeful Mubarok
tangtos KALI Gata mah matak mangkin kabina-bina,,, aya dua cara ngubaranana nyaeta ku BAGI Gata atawa KURANG Gata kahade lepat bilih TAMBAH Gata...heeee...
Irman N Dimyatié
Naaaa atuh ari Aceuk. Boa eta dua hileud teh keur 'bulan madu', naha diganggu? Beu... doraka versi hileud ieu mah.
Teti Taryani
Kang Nana Sukmana sami atuh sapamendak sareng aceuk, ajrih pisan ku hileud teh numawi sok hoyong ngaduruk hhehehe...
Teti Taryani
Kang Acep Zoni Saeful Mubarok wahahaha... cerdaasss....! Kang Irman Nurhapitudin Dimyatie.. puguh muhun asa ngaraos hanjakal... ngaganggu nu nuju sukan-sukan... matakna kaligata...
Irman N Dimyatié
Enggal ngangkat du'a supados dua arwah hileud nu tos palastra sing ditempatkeun dina tempatna. Aamiin...!!!
Teti Taryani
Amiin... ntos, Ang, ditempatkeun dina pot, dibebeskeun!
Irman N Dimyatié
Aceuk Teti Taryani: hahahahahaha......... teu kiat ieu beuteung simkuring seuri bae. halah......
Samidjo Dwidjosukarto
na dongeng wayang purwa kasebatkeun yen Pandu teh kungsi nandasa kijang sajoli nu nuju ocon. antukna pandawa lima teh sanes putra teges pandu da kasiku ku kijang tea. ceunah...
Endah Dinda Jenura
kacipta uteyna, hiiiyyy...
Nyimas Kanjeng Ratu Yuyu
meni kukurayeun ngabayangkeun nu arutey
Teti Taryani
Kang Samidjo Dwidjosukarto, euleuh.. horeng kitu sasakalana teh Ang? Muhun Teh Endah Dinda Jenura, Nyimas Kanjeng Ratu Yuyu mani tariris ku uteyna...kade ah, tebihan buluna matak atteul...