Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Carita Seuri Cimata 1

Kénging Dadang Soekanda
Dipidangkeun dina lapak 19 Désémber 2011 14:41:59

Asih, siga moal bisa pukah deui. Niat ngahiji, najan kumaha carana. Kolotna ngati ngati, teu satuju. Satékah polah manéh nepungan kuring. Ni’mat pareng paamprok. Aya seuri, najan cimata leuwih loba murubutna, batan carita. Pamisah, kunaon hidep béda anggeman? Manéhna wakca, “ Kang palih dieu mah wios Néng ngiring ka Akang, mugia énggal nepangan sepuh”. Bungah, gedé haté, satengah harepan kahontal. Ngan édas nepungan kolotna, asa nyanghareupan ratuna dedemit. Ngawani-wani karep. Malem jumaah ka imahna. Malem Ahad, nampa béja manéhna diwalimahan, kanu sapamadegan jeung kolotna, cenah inohong pamaréntahan. Peunggas harepan. Gering nangtung ngalanglayung. Eta 15 taun ka tukang.

Carita seuri cimata 2
Haseup meledug kaluhur. Seuneu ngabebela. Imah, kantor jadi suluh ngebyarna silalatu. Jelema pating alabring. Sirahna dibeungkeut lawon maké tulisan “Tegakkan Keadilan “. Pating gorowok “Tukang tipu, koruptor, turun teu pantes sia mingpin! “.
Mobil geus di wates kota. Maju lalaunan, nyupiran bari mikir kajadian. Braakk! Mobil ngajedud. Reg eureun. Panto dibuka, turun muru ka tukang. Hulu sédan mebes kana bujur mobil jéép anu dijangkungan. Panto sédan nu hareup dibuka lebah kénca. Nyampak supir keur rénghapranjug. Pias. Barang sup ka jero, kedewek supir nyekel leungeun. “Kang, ngahaja nyusul Akang. Kuring rék masrahkeun diri kanu berwajib. Mihapé Enéng jeung 2 budak, warugana ku kuring, ari haténa mah tetep ka Akang”. Rét ka jok tukang. Gebeg. Jantung ratug. 2 budak keur narangkeup ka indungna. Geuning aya seuri, najan cimata leuwih loba murubutna, batan carita.
Selengseng bau bensin. Pletak! Buurrr seuneu hurung dina hulu mobil.
“Néng! Énggal kaluar lumpat ka handapeun mahoni!”
“Kumaha si Ayah?”
“Ieu pageuh, sampéanna ka gencét”
Husss! Seuneu ngabebela dibarengan aya nu ngajius. Sukuna angger teu bisa lésot.
“Sok wé Kang sarengan si Enéng”. Antukna kuring lumpat. Bari ngababétkeun jakét kulit nu kaduruk.
Ukur lima léngkah, bledug! Eundeur nakeran. Héabna seuneu karasa kana beungeut. Budak jeung indungna pageuh tipepereket nangkeup kuring.

Komentar (69)

Rudi Riadi
Semeg maosna Kang Dang...paingan atuh lami teu mikmin, sihoreng nuju meuyeum heula fikmin heded...Lumayan kenging paket hemat, beli satu dapat tiga .duh,,..nyaan, asa dina nongton film barat maosna ge..
Yadi Fathur
Naha judulna bet seuri cimata Wa?... Palebah mana kuring kudu seurina?... emh... sedih ah..
Cassa Grande
Fiksi periode ahir taun. Husus nyalegruk. Fiksimini sadnes. Sae Kang. Menoél pisan
Dadang Soekanda
Etang etang pangbeberah manah Kang Rudi Riadi, diantawisna aya nu kaalaman ku simkuring. Seuseut geuning ayeuna mah kang, seueur baraya anu aronjoy fikminna. Kabita ku Kang Deden Abdul Aziz, mani kembar pas babar teh, ngan teu aribalas ngaregog we bade mostingkeun teh, Hatur nuhun kang Rudi.
Dadang Soekanda
Kang Yadi Fathur Berkata, tah eta anu kaalaman ku kuring mun pareng panggih dihiji tempat, meunang ngajangjian taanggalna, manehna seuri, can ge beres nyarita, cipanon murubut manten.. ulah ka kuring, kolotna nyaram..
Shohiba Nu'man
Edaaas... fikmin kayas di bungbuan ku eksen.. waah! kakara yeuh! jempol kahaturkeun Kang Dadang..
Apila Haspita
emh....aya ku nyentug kana angen......ari abi kdah ngiring seuri?? atanapi kedah murubut cimata????
Ahmad Fawzy Imron
nyanggakeun lima jempol, kang...
Dadang Soekanda
Kabita Kang Haji Muhammad Shohiba Nu'man, maosan nu kayas mani nyacas, nyobian tungtungna rada bulao kolo duka beureum nu kieu teh, mung punten purek ku reka basa, hoyong nurutan pangersa teh, nyanggakeun, hatur nuhun Kang.
Iwan Hanjuang
dun dun suredun ih..
Dadang Soekanda
Kang Ustad Ahmad Fawzy Imron, keueung yeuh, neda pitulung pilampaheun, kedah kumaha ieu 2 putra katut ibuna, ari nyuhunkeun cai aqua botol ti syeh Hadi Aks, lembang, boa nu nabrak ge mulih ti lembang. Duh ... tulung Kang AFIl, Hatur nuhun kan jempolna.
Ahmad Yani
Aduh rada abot rupina, di pihapean si eneng jeung dua budak mah ! heu heu . Perkawis jaket kulit nu kaduruk, teu kedah di emutan teuing. Langkung sae, gera enggal tiiskeun manah salira ! ( Tegep ...Ang !, Resep Ku alurna nu luar leor tapi pungkil .)
Dadang Soekanda
Cassa Grande, ieu mah nyaluyuan sarakan nu teu weleh ngarandapan kasedih, ngigelan ahir taun masehi ku kasedih supados teu kamalinaan teuing dina mapagna, hatur nuhun Kang, baktosna ka kulawargi
Dadang Soekanda
Kang Iwan Hanjuang, hun nuruhun, alhamdulillah, sakieu buktosna nyanggakeun tambi gado ngagayot.
Dadang Soekanda
Kang Yan, puguh rada rempan ngalengkah, mangkaning cocngoan, ku eta mah 'No problem', mung ieu pion dua. Di bumi lima, leuh janten tujuh. Beu... Ari henteu da heueuh lebar bogoh keneh. Lah lahan we Kang Ahmad Yani, Allohumma paksakeun.. Hatur nuhun parantos kersa sindang.
Teti Taryani
Ehemh.... Kang Dadang... asa nongton pilem drama eksen. Kumaha terasna? Dirawatan nyah? ari barudakna ka manakeun? pan Kang Dadang mah kersa soteh ka nu teu buntutan... Ning ayeuna kersa ka nu buntutan? huhuhu...
Nanang Sahbana Afnani
Nuhun Ang..janten rus ras..ieu teh.!
Dadang Soekanda
Bu Teti T, puguh janten pugag kieu, manawi tiasa masihan bongbolongan, kedah kumaha nya lampah? Jabi bogoh keneh, inbokkeun we Bu. Hatur nuhun seteuacanna..
Dadang Soekanda
Kang Nang, simkuring mah asa teureugeus, hoyong tiasa ngayun ngambing saportos salira. Nu karaos ngayun nganbingna sapertos oyagna jambatan Cirahong. Hatur nuhun kang Nang wilujeng wengi.
Heni Sumarni
kang Dadang Soekanda...
Dadang Soekanda
Aya pikersaeun naon Teh Heni Sumarni, leres simkuring anu disauran teh?
Heni Sumarni
fikminna eung!...
Dadang Soekanda
Mani nyeredet disauran ku salira Teh Heni Sumarni, pan waktos ngdamelna kuduaan, mani lali. Nuhun nya tos kersa nyarengan..
Heni Sumarni
samisami kang, abdi nu kedah ngahaturkeun nuhun, kang Dadang parantos kersa nyarengan...muhun! waktos harita teh urang mung duaan..sasarengan ngadamel fikmin calik pagegeye payuneun lektop......laah meni endah nya kang?
Dadang Soekanda
Duh mani nyeredet, ngintun fikmin sakali ewang, teras dijempolan sakali ewang, dikomen sakali ewang, heg bari silih gumujengkeun komen, dunya asa nu duaan, nu sanes mah ngontrak,. upami aya waktos mah urang deui yu...
Heni Sumarni
kantenan, hayu atuh kang!...moal mindo ngajak!..abdi mah sakali ge langsung haget!
Dadang Soekanda
Beu! mobok manggih gorowong, keur mah kahayang tos teu kaampeuh. Antos Neng Heni, akang datang...siapkeun we..
Nana Sukmana
Seueul, asa eungap, sesah ngarenghap maos ieu fikmin. Seep ieu rasa. Asa kawakilan, Kang. Jempol duanana, nyanggakeun!
Dadang Soekanda
Panuhuna Pangersa Bapa Nana Sukmana, parantos ngersakeun anjeun sindang. Alhamdulillah, namung rumaos seueur keneh kakirangan, utamina dina reka basana, mugia luntur galih, teu petot-petot masihan pepeling dina ieu rohangan. Hatur nuhun pangersa.
Dadang Soekanda
Kanggo neng Vivil mah teu kedah murubut cimata, cekap murubut cinta...
Dadang Soekanda
Reugreug dilongok ku Pangersa Kang Tatang Sumarsono, tapi asa aya nu kakantun upami teu ngalungsurkeun komenna. Hapuntenna meredih...
Tatang Sumarsono
Nembé wangsul ti KIBS ieu téh. Gok jeung Godi. Kalah terus ngobrol di lulurung Gedong Merdéka. Pami ieu fikmin dipeureut deui, bakal langkung tegep, Ang. Punten, asa kalangkungan teuing bungbuna, dugi ka imajinasi nu maca asa kasungkeret, da sagala rupina tos seueur anu dijelaskeun. Punten, néwo-néwo, Ang.
Dadang Soekanda
Tah geuning, ieu anu dipiharep, leres Kang ngaraos guligah dina manah waktos bade ngagambarkeun kajadian, asa nongerak teuing. Karisi aya nu ngawaler, Hatur nuhun kang Tatang Sumarsono, kade oleh-olehna gundem catur sareng kang Perbu Godi Suwarna, disaripatikeun, dokumentasikeun. Hapuntenna ngaganggu..
Nana Sukmana
Kang Dadang Soekanda: Halaaah, janten ngalageday, yeuh. Apan prinsip di nagara fikmin mah silis asah silih asuh téa. Seukeutna teh ku bteras silihgésék (dina hartos nu positif tangtosna ogé).
Apila Haspita
Rupina carita cinta 15 taun katukang...........anu masih kneh maneuh dina jerona hate, aya ku hese dibangbalerkeun. Emhhhh.......... ngiring bingah kang Dadang Soekanda.
Dadang Soekanda
Kayungyun Pangersa Nana Sukmana, matak betah di ieu lapak teh, silih simbeuh ku kadeudeuh, silih toel ku kaasih, sepuh jembar ku pangaweruh lungsur galih teu kedah diperedih, ngemutan tebih tina maksad ngaguruan... reueus simkuring mah ka para inohongna, dalah pami pendak mah duka kumaha kedah dedepeannana..
Endah Dinda Jenura
ti kamari bade komen tapi komen naon, tos kawakilan ku nu sanes. tegep pokona mah...
Dadang Soekanda
Wios atuh Neng Vivil ... janten panghudang nyurungkuyna fikmin anu salami ieu mah mung tiasa noongan nu sanes, .. Engke mah manawi carios basa kabentar kahudang deui...
Irman N Dimyatié
bingung bade komen teh. Tos kapiheulaan batur hahahaha... pokona mah .... jempol 5 siki nyanggakeun ka salira.
Dadang Soekanda
Puguh Ceu Endah D J asa aya wae nu kirang upami salira teu ngomen teh, sapertos neda teuacan eueut. nuhun nya Ceu. Eueueu..teurab ayeuna mah.
Dadang Soekanda
Nu ngomen bingung kang Irman Nurhapitudin Dimyatie, komo abdi nuju ngadamelna bingung sieun teu payu (jujur we ah) kana jempol sareng komen. Kantampi kang mugia barokah sareng kagentosan deui kalayan aya langkungna, hatur nuhun.
Heni Sumarni
dupi kang Habib Irman Nurhapitudin Dimyatie..sareng nu sanesna pameget wargi fiksimni bet kagungan jempol lima?..moal berjamaah senggehan mah kitu?
Dadang Soekanda
Teh Heni Sumarni, upami tiasa teu kenging nyoksok jero,bilih teu kiat abdi nutup rusiahna..
Heni Sumarni
abdi mah rumaos bodo kirang kanyaho atuda kang, saurna kedah alewoh, namung upami kaabotan mah teu sawios, kantenan pami rusiah mah teu kengeng di ucah-aceh.
Dadang Soekanda
Tapi ketang Sareng salira mah, Teh Heni Sumarni, asa tos teuaya rusiah deui, mung kumaha nya ngaharewosna?
Heni Sumarni
wakakakak...hahaha..kana se-eng kang!
Dadang Soekanda
Naha geuning kana seeng? Moal ah bongan bujurna hideung siga nu...sahanya?
Nyimas Rengganis II
komen ah.. hihi.
Dadang Soekanda
Sanaos bari ngalangkung bingah we dlinggihan ku Neng Nyimas Rengganis II, moal kalebet heula atuh, aya cai cai wae mah..hatur nuhun nya, salamna we ka manah kagungan..
Nyimas Rengganis II
hoyong bajigur anis mah sono..
Nyimas Kanjeng Ratu Yuyu
moal kamana geuning ari tos jodona mah nya Kang. Leres ieu mah carita seuri téh, seuri bungah katungtungnakeun...hebring pisan Kang.
Dadang Soekanda
Mangga atuh calik heula, perkawis bajigur mah gampil, namung punten amisna moal tiasa ngalangkungan keueutna Neng Anis Nyimas Rengganis II, wios..?
Dadang Soekanda
Hatur nuhun, manawi bahan katampi Teh Nyimas Kanjeng Ratu Yuyu, sim kuring ge sok asa ngaheruk, rusiah Ceu pedah ka toel ku kaayaan di Garut, ka Ceuceu we ieu mah ngawartosan teh.
Nyimas Rengganis II
Kang dadang ih fitnah eta mah[rada atoh] anis ampir ngapung ngan kahalangan ku 4 lantai.. hi hi hi..
Nyimas Kanjeng Ratu Yuyu
rusiah nya? mana atuh kanggo panyocokna supados teu betus kanu sanés?
Dadang Soekanda
Enggal atuh nyepengan Neng Anis Nyimas Rengganis, bilih teu cios ka mall bari pakaleng-kaleng, tuh nya mani pahibut bade mulung nu ngapung.
Dadang Soekanda
Ih Ceuceu mah dipercanten kalah nyuhunkeun panyocok, Bilih aya nu wera. Tuh ka caroge aya cocok anu ngepas,
Nyimas Rengganis II
ieu ge nuju muntang kang kana cepil hi hi..
Nyimas Kanjeng Ratu Yuyu
ah..barina gé sanés panyocok nu éta..
Dadang Soekanda
Atuh teu kenging dipurilitkeun, ieu mah cepil akang Neng Anis Nyimas Rengganis ..nyeri ...tapi deui lah..Syahdu..
Dadang Soekanda
Duh punten simkuring mah teu gaduh seueur panyocok..Hapuntenna Ceuceu..rumaos sagala kirang..
Nyimas Kanjeng Ratu Yuyu
oh kitu..sawios atuh teu aya mah ulah maksakeun dugi masihan cocok botol kanggo panyocok
Dadang Soekanda
Numawi cocok botol ge teu gaduh Ceuceu, mangga atuh bilih peryogi mah atuh ieu botolna we, lumayan kanggo nines kutu.
Nyimas Kanjeng Ratu Yuyu
seueur mah botolna sok wé lumayan urang ical ka tukang kindeuw
Dadang Soekanda
Ceuceu geuning teu teubih ti simkuring sami sok babanda..paingan atuh...
Nyimas Kanjeng Ratu Yuyu
paingan naon kang?
Dadang Soekanda
Rusiah ah, bade diwartosan asal aya leuleueurna...
Irman N Dimyatié
Kumaha rasana upami cimata dijantenkeun kuah baso?
Dadang Soekanda
Kang Irman Nurhapitudin Dimyatie, anu atos atos mah kantun nyaledrian, saos bawang, kecap sakedik. Tah upami nu gurih mah saur nu tos nyobian ci soca anu nuju belekan, cileuhna asa sumsuam....gareuleuhah...hayang..