Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Rotinan

Kénging Dadang Soekanda
Dipidangkeun dina lapak 14 Désémber 2011 16:03:00

Hujan, najan teu gedé, tapi matak horéam ingkah ti imah. Malem rebo, di tajug Léngkob biasa rotinan, matuh diwuruk ku Ajengan Darjo. Nu ngaji benang diitung ku ramo, tapi Ajengan Darjo tigin kana janji. Dimimitian jam 8 peuting. Toa anu ngorok sorana, mik huluna geus di bungkus ku lamak, lampu buleud 15 watt, teu daya nandingan sora hujan anu ngagebrét. Bubuka, diteraskeun kana tawasul. Mustami masih curinghak. Muka hanca kana fiqih toharoh, saurang ngeluk. Barabat ngabahas tayamum, kumaha susuci teu make cai. Di luar hujan siga menang nyicikeun. Mustami kabéh ngeluk nu curinghak kantun Ajengan. Jam 10, Ajengan ngeluk, mik curinghak, noél ka Ajengan bari ngaharéwos “ tos réngsé”. Ngarénjag. Uluk salam. Taya nu ngajawab. Tungtungna bébérés nyalira. Ajengan nepangan mustami, musapahah, sakantenan seja pamitan. Hujan diluar raat. Di jero tajug, mustami papuket nampi panangan Ajengan sareng nyusutan dahdir.

Komentar (45)

Heni Sumarni
hehe...kang Edi Warsidi di aos heula henteu?...laju ngadedetkeun siki kibod wae?
Yadi Fathur
Fikmin rereligisan
Mahpudin
waktos nu tepat, suasana nu tepat kanggo kulem.. heuheu...
Dadang Soekanda
Teh Heni Sumarni, Kang Edi Warsidi, tos uningaeun sateuacan dipostingkeun ge margi ngarendeng calikna sareng simkuring.
Ade Rahmat
mun lembur uing mah eta lain fikmin, fakmin tah tadi peuting pisan.
Edi Warsidi
Tah geuning tos dibalakakeun ku kang Dadang Soekanda.
Maspri Dkc
Tolab elmu teu disarengan ku bala-bala teh kieu balukarna...nundutan!
Dadang Soekanda
Kang Yadi Fathur Berkata, ieu mah lulumayana tatambi huhujanan, nutupan kawerit ku fikmin.
Godi Suwarna
:"Karaos pisan kumaha suasana-na, simpena, kaayaan di tajug Lengkob. Bet ras ka lembur sim uing mah...."
Teti Taryani
Asa jaman keur budak Kang Dang, ajengan geus sepuh, h.. sumanget we ngawuruk. Ari barudak bari ngantosan bagean teh ngadon lulumpatan bari nambul goreng sampeu
Dadang Soekanda
Asa diparende ngupingkeun wejangan anu ngaharewos,biasana Kang Apoedy Sarah Ihsan, lep weh emut teh tos beres.
Dadang Soekanda
Sanes ngalelewe Kang Ade Rahmat, tadi wengi pisan pangaosan teh, ari nu masihan wejangan rada gagap, kalah geregeteun, tungtungna mah lep weh, nyaring soteh pedah ngaguruh nu maos sholawat beres ngaos..
Dadang Soekanda
Kalem Kang Edi Warsidi, piraku teu dibela, Teh Heni Sumarni mah bisa sok rada sirik upami aya nu resepeun ka simkuring teh..teu ketang Teh..teu ..bohong..
Edi Warsidi
hhh, kedap deui ceu Heni Sumarni, ngapungkeun fikmin romantisna...
Ya Soebarta
Ajeuw, ieu Fikmin ngajakan abdi mudik...!! duh, sok janten rus ras ieu teh...!! duka kumaha rupana ayeuna tajug di lembur...!! deudeuh teuing..!
Ya Soebarta
Ajeuw, ieu Fikmin ngajakan abdi mudik...!! duh, sok janten rus ras ieu teh...!! duka kumaha rupana ayeuna tajug di lembur...!! deudeuh teuing..!
Jojo Johari
Hsdduh! Hadena teu ngahadiran. heuheuheu
Heni Sumarni
waaah, haben! kuriak di sangki nuju beger mindo wae..
Dadang Soekanda
Lah timana atuh lembur sakitu nyingkur Maspri Dkc, upami aya hakun pakun mah moal teu ngaronyok nu ngaosna ge, hayu ah urang balakan ngompreng nu ngaos.
Dadang Soekanda
Ngalalanyah Kang Perbu Godi Suwarna, bet mikmin teh 'mentok' wae manawi ari nganjang kasarakan mah aya keneh nu tasa digutak gitek. Hatur nuhun ang Perbu kersa ngalongok.
Ahmad Fawzy Imron
Abdi mah teu aya nu ngagugahkeun, kang.. Ayeuna masih calik we di tajug. Bd uih hujan keneh.
Dadang Soekanda
Kang Ya Soebarta, Tajug tempat salira ngaos teuacan dilalangitan, masih duduk jandela, meja anu ngahiji sareng panyimpenan Qur'an beyetuk reksak ku geget, tempat abdas masih tina pancuran mung ayeuna mah tos ku paralon, mangga geura longok.
Dadang Soekanda
Kang Edi Warsidi, saur Teh Heni Sumarni, pajarkeun teh, kuriak disangki beger mindo, Teh kuriak mah ngadamel bumi, sareng moal aya nu nyangki beger mindo ari begerna ka 4 kali mah. Huhuyy..
Edi Warsidi
hhhh
Dadang Soekanda
Lah aya wae jampena kang Jojo Johari mah, nu puguh mah harita teh ngadon gapleh di garduh.
Dadang Soekanda
Tah Pangersa Ustad Ahmad Fawzy Imron, ieu teh kedah janten emutan mubalig lembur, sok aya ngabahas tayamum nuju ngijih, masalah kahaji bari tos aruih, kautamaan shaum tos lilikuran, shaum muharam tos kaping 10 nembe diuningakeun. Gugah Kang tuh aya randa weuteuh...
Ahmad Fawzy Imron
Kang dadang..ari numutkeun abdi mah, teu janten masalah upami aya ajengan ngabahas tayamum nuju ngijih atanapi ngabahas saum asyuro pas dina dintenan 10 muharam..teu kedah dilereskeun, da randa oge seueur keneh..kitu tah kang..
Dadang Soekanda
Leres Pa Ustad Ahmad Fawzy Imron, henteu ari masalah mah mung upami bade praktek elmu kirang pas waktosna, kabujeng hilap deui. Margi moal tiasa nyumponan sunnah saupami randa anu kersa diwayuh, pamundutna nyeepkeun nu sepuh. kitu numutkeun anu terangeun..nemrak pisan dina kitab sanajan
Kokom Komariah
Manawi teh di lembur simkuring we anu rotinan kitu teh sapertos usum hujan ayeuna, sihoreng di kampung fikmin ge teu sami..
Dadang Soekanda
Teh Kokom Komariah, di Garut, komo daerah tiis ngaos bari carinutnut ngan henteu we calik bari nyoo asbak mah, waas marurengked sadaya. Matak sing surti istri teh pang ninyuhkeun kopi wios ku gula beureum ge..
Ahmad Fawzy Imron
Maksad abdi mah dina kalimah nu ahir kang.."da randa oge seueur keneh".. Eta teh dina kitab mah disebatna 'majaz istiaroh bilkinayah' anu ngawengku kana 'qodiyah hainiyah mutlaqoh' atanapi 'makniyyah indassaki'.. Tangtos akang langkung waspaos
Kokom Komariah
K. Dadang S, saur saha di garut tiris, cobi ka cipanas geura ka sabda alam haneut..
Dadang Soekanda
Nyaan jero ngaguar istilahna tina kitab ti Pondok Pangersa mah, rupina kalebet Al Maksoem panginten nya? Mugia lungsur galih tiasa nguningakeun teu kapendak di kitab jalalen mah, khususson Arrandhawiyyah..
Ahmad Fawzy Imron
Sumuhun kang..sagedengeun tina kitab al maksoem, oge tina kitab al bhasyiyyah sareng kitab al jawakur.. :)
Dadang Soekanda
Teh Kokom Komariah, eta mah iwal, sareng piraku cipanas matak tiris. sapertos teu sadaya nu legok nyilakakeun, teu sadaya nu renjul ti pikaraoseun, komo upami ka Garutna bari ngaliwet mah..
Yetti War
mani waas nyusutanana ..... he he he
Endah Dinda Jenura
abi mah kabayang srot... srooottt... nyeuseup dahdir nu ampir ngeclakna, hahahha!
Dadang Soekanda
Teh Yetti War, anu aday teh biasana lambey ableh waos handop ompong sakali melenguk teh burusut,,, Ajengan di Sukabumi mah disebatna Mua'lim nha Teh.
Yetti War
hiii hiiiii hiiii iiiiiiyyyyyyyyyy
Dadang Soekanda
Nyaan Teh Endah Dinda Jenura, asli teu katahan ha..ha...ha.. ari lungsur mani alon,tos 5 cm pas bade ngeclak sroooot di sedot, ngusap gado, kareunang, bari angger aya ngaramat dina janggot anu pasiksak. Aman. luk deui....
Ahmad Yani
kayungyun ku Ajangan Darjo, " Propesional " banget !!! ! heu heu heu !!
Dadang Soekanda
Ujung tombak agama, nu pangpayuna janten conto sareng anu nyontoan, Pawaris Nabi, tapi ayeuna, kirang-kirangna mah seueur anu perhetangan kana amplop. Wilujeng wengi Kang Ahmad Yani, mani nembe nonghol, mulih timana?
Ahmad Yani
Haduh !!! nuju kukurilingan heula nyeta Ang Dadang , biasa!, milarian nu saleterer- saletereun tea ... ha ha ha !!, haduh ... resep pas muka lapak fikmin ,,, tos di sampakkeun dahdir ! ha ha ha ha ha ha !! kaangseu .... melenghirna , dugi ka Cimahi !!!! wakakaakkkkkkk !!!
Dadang Soekanda
Teh Teti Taryani, di lembur abdi mah kapungkur ngaos dicaangan ku patromak teh asa pang gayana, upami ajengan telat der eong-eongan di Masjid, uih dicaangan ku obor.. kacipta..
Dadang Soekanda
Mugia we sing hasil pamaksadan Kang Ahmad Yani, cekap sadinten saleter minyak wangi mah. Pedah wengi tadi ngaos minggonan, keur mah ajengannana sepuh, hujan, asa langkung ti nengah narundutan, upami dikempelkeun dugi saleter mah Kang Yan aday teh.