Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Udud

Kénging Yanti Sri Budiarti
Dipidangkeun dina lapak 14 Désémber 2011 16:02:43

Deudeuh anaking, sabelas poé ngendong di rumah sakit katarajang ISPA. Karék ogé eungkeut-eungkeut cageur kudu dibabawa miang. Aya panumpang, gék diuk gigireun. Kuring ngised, méré tempat. Ngan édas, ngelepus ngudud bari haseupna nyerebung nampeu ka budak. Kuring luak-lieuk néangan tempat nu rada nenggang. Pinuh. Ngawanikeun manéh sanduk-sanduk, ”Pa, punteeen…haseupna, pun anak udur”. Teu nembal ngan panonna mureleng. Gejlig, manéhna turun tina angkot. Supir ngutruk. Ngarasa rugi panumpangna turun deui. Sindir sampir sajajalan bari mawa mobil sakarepna bakating ambek. Kuring teu genah cicing. Kesang ngoprot. Inggis nu séjén milu cilaka, antukna ngagorowok,”Kiriiiii…!!!!”. Song ngasongkeun duit gedé teu nungguan pamulangan. Ngahaja, minangka parurugi. Budak ditangkeup pageuh pisan. Haté jumerit ”Gustiiii, abdi hoyong beunghar!”.

Komentar (40)

Yadi Fathur
Didungakeun cing sehat, sawios bari beunghar oge..
Ya Soebarta
Hayu atuh cuang beunghar sasarengan aceuk...!! kacida nya, saha ta teh supirna...!!
Nana Slamet Tresna Aji
cobi ngadamel pabrik ududeun beunghar geura sapertos ... jalmi pangbeungharna di Enonesa tea
Mahpudin
hiks...
Godi Suwarna
:"Wayahna kana angkot we lanan. Ke, ku uing dikintun. Avanza we, nya..? Lumayan kangge taralang-torolong di dayeuh. Da uing mah cukup numpak permadani bae ka mamana gen..."
Teti Taryani
Kitu puguh ge Teh Yanti... nu udud tara nampi pami dihulag... nya kedah ngawayahnakeun...
Saefull Atk Archiva
di do'akeun ku sim abdi ti kaangganganTeh Yanti Sri Budiarti........sing sukses naon wae nu dipimaksad.........amin ah.
Wida Waridah
Mudah2an mah sanes raden nu teu damangna, teteh. Iqbal oge pan yuswa 6 sasih nembe kadeteksi, paru2na teu sehat. Janten kedah pengobatan salami 6 sasih, teu kenging liren. Alhamdulillah ayeuna tos rengse. Mung, ayeuna teh janten hese ageung. Berat badan sesah naekna, pdhl tos sagala cara dicobian.
Sarjang
Allohu Akbar....
Pipin Dasripin
Hmmm.. dugi ka kitu nya..???
Yanti Sri Budiarti
Kang Yadi Fathur:"Amiiin...Hatur nuhun pido'ana. Alhamdulillah, beunghar abdi mah pun anak tos aya 4.
Yanti Sri Budiarti
Kang Ya : Hayuuuu!!! Beunghar manah langkung utami, ulah kaeunteupan iri dengki, siksik melik. Duka saha tah supirna, da teu ditelek-telek, ongkoh kahalangan ku cisoca harita teh janten teu sidik... Wios we Kang, teu kedah dikakalakeun...Hampuraeun!
Yanti Sri Budiarti
Kang Nana Slamet Tresna Aji: Sieun kahuruan ah Kang...Sawios teu beunghar oge abdi mah asal pas-pasan, pas butuh, pas aya. Komo bari aya langkungna kanggo mere maweh...:)
Yanti Sri Budiarti
Kang Apoedy: Nalangsa abdi oge Kang...hiks...Di dieu mah listrik ti sonten tos dua kali pareum, jabi hujan ngagegebret. Lah, matak ketir...
Nyimas Kanjeng Ratu Yuyu
amin...
Yanti Sri Budiarti
Kakang Prebu Godi : Mobil sejuta umat tea? Nu kaluaran enggal sigana gaya tah...Tapi abdi mah hoyong ngiring kana permadani we sareng akang. Pasedek-sedek moal? Tapi sieun murag nya...Ahhh, mending kana angkot deui we ah!
Ibnu Hijar Apandi
sering kajantenan nu kitu teh... padahal dina angkot mah liren heula we.. abdi ge tukang udud sok ambek pami ningal nu udud dina angkot teh..
Yanti Sri Budiarti
Teh Teti Taryani: Sumuhun Teteh, sakitu meni depe-depe nyarios teh, da bilih kasigeung. Upami teu nyandak murangkalih mah abdi tara gurah-geureuh, paling oge sok batuk ngehkeh satungtung anjeunna teu acan ngusek mareuman roko mah hehehe
Yanti Sri Budiarti
Kang Saefull: Amiiin...Hatur nuhun. Sami Akang oge dido'akeun ku abdi mugia laksana sapaneja...:)
Endah Dinda Jenura
--meungpeun ah. icin. xiixixi!
Yanti Sri Budiarti
Neng Wida : Sanes Neng, si raden mah sehat, nuju obo. Ieu mah nyawang deui lalakon kapengker, nuju si cikal yuswa 9 sasih. Radang paru-paru sareng ISPA. Malih dokter nu benten deui mah nyebat panyawat asma ongkoh. Landongna ku susu kedele formula bayi. Deudeuh, Ade Iqbal enggal damang nyaa....Cobian ku pijat bayi...:)
Yanti Sri Budiarti
Abah Sarjang: Allohu Akbar...!!!
Yanti Sri Budiarti
Kang Pipin Dasripin: Sumuhun Kang..Ah ulah kaalaman kunu sanes mah... Mugia silih eledan, runtut raut sauyunan. Sok komo pada-pada peryogi mah ulah paaing-aing.
Yanti Sri Budiarti
Nyimas Kanjeng Ratu Yuyu: Amiiin...Hatur nuhuuuun...:) muach!
Yanti Sri Budiarti
Neng Endah: Meungpeunna sing kerep atuh, eta mah meungpeun carang...hi hi hi
Nyimas Kanjeng Ratu Yuyu
sami-sami urang silih du'akeun
Endah Dinda Jenura
kan supados tiasa ngetik komen meungpeun carang teh, hehhehe! muhun nuhun pisan diemutan, saena tukang udud memang teu ngebul di tempat tertutup, utamina angkot...
Yanti Sri Budiarti
Wartawan Leupas: Akang sok kana angkot? Geuning tara tepang? Padahal harita teh kana angkot jurusan Lembang da. Cobi upami aya Akang mah pasti aya nu melaan abdi...Eh tapi ketang kajantenan ieu tos lami pisan, taun 1993. Tos lahir acan?
Yanti Sri Budiarti
Nyimas Kanjeng Ratu Yuyu: Mangga, insyaallah dido'akeun pisan. Mugia sehat lahir tumekaning batin...Ageung tanagi kanggo mikmin...:)
Yanti Sri Budiarti
Neng Endah: Duuuh etah, keur geulis teh calakan deuih...Piraku we A Deden masih keneh kedah luak-lieuk...hehehe
Moh Syarif Hidayat
Sanes abdi eta mah teh, da taun sakitu mah teu acan ngaroko.
Nyimas Kanjeng Ratu Yuyu
amin
Yanti Sri Budiarti
Moh Syarif Hidayat: hehehe...Moal nyangka ka Akang da...:) Nuhun!
Dayat Iskandar
Kutan teh hoyong beunghar? Beu! Cilaka! Entong Teh! Entong hoyong beunghar! Aeh, ketang beunghar ku naon heula ieu teh? Piraku beunghar ku panyakit mah? hehehehe..
Jajang Arohmana
kuring mah udud bari dihelm...
Shohiba Nu'man
Hapuntenna ka teh Yanti, rehna sim uing ngaos ieu fikmin bari.... ngudud! *) kabuur...!
Yanti Sri Budiarti
Kang Dayat Iskandar: Alim beunghar ku panyawat mah, ih narah! Tos beunghar ayeuna mah abdi teh...Beunghar ku anak. Di rorompok tos aya 4. Di sakola mah kantenan tos ngarebu da tugas ti kawit taun 90. hehehe
Yanti Sri Budiarti
Kang Jajang Arohmana: Sae, sae...:) Seuseup we ku nyalira nya da ududna oge kenging meser nyalira, komo meni sesah milari artos teh geuning ayeuna mah...hihihi
Yanti Sri Budiarti
Kang Nu'man: hahahah...Paingan meni mulek kieu! Tina layar aya nu ngelun, aya ha...ha...seup! Tuuuuh ah beresin wee...:)
Yanti Sri Budiarti
Leuh, reuteum jempol geuning? Hatur sewu nuhun ka sadayana...:)