Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Korma Sukabumi

Kénging Ki Hasan
Dipidangkeun dina lapak 08 Désémber 2011 11:36:02

Di Masjid Raya, mangsa ngadago buka puasa. Bray lawon bodas dikebatkeun, keur amparan pangsujudan. Burudul pamuda masjid naranggeuy baki, ngabagikeun dahareun pikeun tajil. Jamaah ngaguruh, tinggerenyem mapatkeun do'a salawat. Di hareupeun geus sayaga, sagelas ciherang, bubur hayam, jeung tilu guruntul korma. Korma! Anteng dipelong! Digular-gilir! Disidik-sidik! Ukur tilu guruntul, tapi lampar lalampahanana. Datang ti nagri padang pasir bulistir. Nu jarakna ampir tujuh ribu kilometer. Mun lain alatan sunnah Kanjeng Nabi, biheung kuring baris ngasaan legitna. Melong korma tambah anteng. "Lengser panggil sakabeh mantri!" Gutrut manehna nulis parentah: 1. Pikeun mantri industri jeung dagang, kudu bisa ngolah cau emas jeung raja cere, sangkan nepi ka ngaguruntul jiga korma. 2. Pikeun mantri agama, kudu bisa nyieun fatwa, yen tajil ku sele cau raja cere, teu eleh pahalana jeung tajil korma. Heong sirene ngaheong, tanda mangsana buka. Plak! Kang Daud Pamungkas gigireun nepak taktak. "Geura tajil euy geus waktuna!" pokna. Lamunan buyar sapada harita.

Komentar (13)

Ki Hasan
Info panambih. Di kawasan Banjarmasin, Kalimantan Kidul, upama bulan puasa, keur mahasiswa nu kos, teu hese keur buka puasa. Tiap masjid nyayagikeun keur tajil. Pangsujudan umumna teu make sajadah, sok make lawon bodas nu dikebatkeun. Gaganti kurulungna kohkol, sok ku sirene nu ngaheang ti Masjid Raya. Masjid sejenna nga-relay ti Masjid Raya. Nuhun ah jempolna.
Dayat Iskandar
Waah, korma ajaib yeuh?!
Is Tuning
korma, ayeuna mah tingguruntul di Tanah abang :) ngahaturkeun jempol ka pangersa Ki Hasan. Masih kénéh di Malaya tanapi di lembur Ki ? asa lawas tilawas, gok deui di ieu lapak ....
Ki Hasan
Hehehe, Kang Is Tuning uing mah darma ngatroks we. Kumaha ditakdirkeunana.
Is Tuning
ngatroks to epriwér nya Ki Hasan ? heu heu.. kumaha, kumis masih kénéh kandel ?
Daud Pamungkas
Cacak ngan ting gereyem oge, bisa ngaguruh nya ari nyanghareupan sale cau cere mah. Ho3
Ki Hasan
Kang Is Tuning eta mah warisan nini-aki, moal kungsi dikurud najan nepi ngeplak ge
Ki Hasan
Kang Daud Pamungkas, atuda urang mah eleh wae dagang teh. Geura we toong Cina jualan enteh. Manehna mah dibungkus ku ritual ngnum enteh. Najan mahal ge diberuli we. Korma ge dikirim ti jauhna, da kabita ku pahala sunnah. Tah mun hayang sele cau nepi ka jiga korma, urang kudu nyiptakeun ritual tajil ku sele cau raja cere. Numatak perlu fatwa ulama. Hehehe
Is Tuning
Ki Hasan, apan tajil mah mah ngarupakeun sunah téa anu unina : "Berbukalah dengan yang manis", tah kukituna, buka puasa jeung uing gé sunah, da ceuk cnah mah uing téh manis... hi hi
Mahpudin
sareng anu masih aya di kalimantan tapi tos langki aya di jawa, nyaeta sujud tilawah, tiap solat subuh dinten jumaah....
Ki Hasan
Tah sujud tilawah. Salian ti eta, usum puasa mah di masjid teh witir sok dijanarikeun. Mangsa janri ting kurumuy ka masjid, ngadon itikaf, witir. Da tuang sahur disayagikeun
Daud Pamungkas
Eleh wawanen siga na MUI-na
Rohaendi
Panya teh di sukabumi aya nu manen korma.