Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pileuleuyan, Eulis…

Kénging Dadi Arya
Dipidangkeun dina lapak 07 Désémber 2011 16:34:12

Cai sésa mandi tingkaretip, muntang dina taktakna. Kuring surti, ngudar anduk tina awakna. Baragadal. Diusapkeun lalaunan. “Emhh…” halon bari ngalieuk. “Nganggo ieu?” kuring némbongkeun krim. Tuluy diulaskeun kana pigeulangna, mapay kana peupeuteuyan. Anjeun ukur imut, waktu dampal leungeun incah kana dadana. Karasa, aya nu ngageter ngabarung ratug jajantung. Oyag saawak-awak waktu disalusur sikluk-siklukna. Kuring beuki pogot. Héabna awak ngondang késang mairan galura nu méh bedah jeroeun dada. Anjeun neuteup. Teuteup nu mulangkeun deui sakur panineungan.
“Ieu nu rék dijual téh, Kang?” Jang Entis norojol ngagareuwahkeun. Kuring unggeuk ngemu bangbaluh bari mérénan pakakas urut ngamandian Si Eulis, véspa kameumeut kuring.

Komentar (23)

Yadi Fathur
Dupi si eulis teh vespa jalu atanapi bikang? heheh
Dadi Arya
hehe....'istri', Kang Yadi. kelahiran '64 mah pan imbitna ge 'bahenol'.
Is Tuning
saking nyaahna, vespa gé dbulen ku anduk ! ha ha *ngahaturkeun jempol, ka sasama tukang nipu
Ade Rahmat
Oooooooooooooooh,,,,,,,,,,,mio kaleng.
Dadi Arya
haha....nuhun Kang Is Tuning. ngicip2 'elmu panemu' ti Kang Is sareng Kang Rudi Riadi.. Nyi vespa mh sok asa diapilainkeun tuda, ari wengi tara diajak ka bumi, cekap di teras..numawi asal 'dibulen' anduk we ah bilih kabulusan ibun..
Ratna Amalia
Boro rek hiksikhiks..........
Rudi Riadi
Rumaos katipu Kang Dadi..hehe. Kacipta geulisna eta vespa. Sok sanaos ayeuna mah geuning klub vespa teh, sok araneh, beuki butut beuki "membanggakan" katingalna mah...hehe.
Jojo Johari
Vespa. Emh, kari waasna. Pileuleuyan kasep. Hidep loba yasana. Nganganteur ka kuliah, ka ulin, ka apel, ka mana mendi. Lantaran kapaksa ku pangabutuh, kapaksa kudu pileuleuyan.
Ahmad Yani
" Kunaon atuh ari nyaah mah, Uing teh bet rek di jual?" ceuk manehna, bari ngabekok beungeut ku hasep knalpot . Heu heu !
Dadi Arya
Kang Ade Rahmat....ulah disamikeun sareng mio atuh, hehe...sebagainyah skuter mania, meni asa getek tah mio kaleng mh :)
Dadi Arya
Teu kenging asa-asa, boro bade naon th Ratna Amalia...? ning teu kebat :)
Dadi Arya
Kang Rudi Riadi, berkah ditipu wae, nya rada terap tah elmu teh hehe.. Sumuhun aya madzhab klub vespa sprtos eta, malih aya nu tolak ukurna teh caludihna jaket...beuki caludih, beuki katangen jam terbang touring-na
Dadi Arya
Kitu pisan Kang Jojo Johari, malih dugi ka rengse dirapalan ge, teras diiringkeun ku rombongan vespa. Numawi awis teh sanes wngkul ku jinisna, namung ku 'ngical panineungan'...duh, janten ngaheruk ieu teh, hiks...
Dadi Arya
Kang Ahmad Yani, numawi kapisek tea. Kapaksa ku kaperyogian sanes tea... bade ngical nu kelahiran '80-an, pangaosna kirang keneh.. benten dibanding vespa klasik mh, lumayan nyekapan.
Ella Wargadinata
ha ha ha ha.......katipu ....manawi bade xxx..........
Dadi Arya
Sae Teh Ella Wargadinata, berarti maosna dilenyepan, seurieusss.... heuheu
Nana Sukmana
He he he..... Engke deui mah, maos fikmin teh bade langsung ti pengker bae, supados teu ngajulaeu.... Halah, hanas tos.... ngiring eundeur, yeuh!
Gundah Senja Menjelang
hadduuhhh....hanas tos setengah mateng ah
Dadi Arya
Ih teu kaci atuh Kang Nana...panan fikmin mh nikmat ku ngajulaeuna, hehehe. lumayan atuh eundeur-eundeurna ge
Dadi Arya
haha...naonna nu setengah mateng teh Kang Gundah?
Undang Saipul Rochman
hanas udud ge dilesotkeun..sugan teh carita jaman kiwari.. ari heg carita jaman baheula.. kasebelan ah kang dady mah..ha..ha..ha
Dadi Arya
wahahaha....ieu atuh digetosan rokona.....*ngasongkeun djisamsoe
Gundah Senja Menjelang
moal wartos2 ah...hihi