Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dihianatan

Kénging Dadang Soekanda
Dipidangkeun dina lapak 05 Désémber 2011 16:44:35

Lila cinutrung di luar. Paroman alum. Teu reureuh mikiran nasib diri. Pangrasa kurang kumaha satia. Teu ngukur jauh, teu nolih kacapé, teu apal dimangsa, kamana baé teu sirik diudag. Tujuan hayang hirup bareng . “Naha anjeun beut hianat ?” gerentesna, hareugeueun. Berebey cimata kaluar ngaléméréh mapay pipi. “Sidik anak téh teu jiga kuring, jeung euweuh keureut ka indungna” haténa sabil, merangan kanyataan, antara nolak jeung sadrah narima. Pareng kitu, aya budak ngagorowok “ Pa endog japati paméré Kang Edi megar, buluna kopi duanana”. Gebeg, reuwas, ngagarapak, ngapung ngapak méga. Hanjelu. “ Naon hartina kasatiaan , ari ukur dihianatan “ pokna. Tiluhur nyirorot, muru jagad, nyemprung tarik naker. Bles! Mubus kana sawah . Mebes ukur nyingraykeun dapuran paré saeutik. Paéh taya nu nganyahoankeun.

Komentar (22)

Mahpudin
duh ku tiasaan di lalakonkeun kana japati.. hiks... pasti buluna borontok tah nu mebes ka sawah teh.. hiks..
Dadang Soekanda
Damang Kang Apoedy Sarah I ?, sono puguh teu muka lapak yeuh, nyobi nyobi wireh kamari ningal nu ngapungkeun japati, hatur nuhun.
Dadang Soekanda
Haturan Mang Yaya, simkuring sanes teu emut nu janten katangtosan, tos dirautan tapi tos purek ieu teh. Hapuntenna wae pangersa.
Yadi Fathur
Duh aya ku kituna etah nu tunggara
Dadang Soekanda
Hatur nuhun kanu ngajempolan, didu'akeun sing seueur bandana anu barokah, rongkah, kalayan salawasna kersa ibadah, teu elat amal jariah. Mugia lebet surga sadayana.. Aminn
Yadi Fathur
Kanu nulis status-na cing gaduh bojo deui... kanu ngomentaran cing kenging hadiah pulsa.. heheh
Hadi Aks
Tong boro manusa, nya Mang Dang. Japati ge gdh timburu!
Godi Suwarna
:"Fikmin dongeng sato teh kaetang langka. Jebul ieu nu karaos nyastra. Sae, yeuh..! Mugia janten pangdorong kangge fikmin fabel salajengna...'
Dadang Soekanda
Asa reueus, bingah dilongok ku sesepuh, haturan wilujeng sumping kasadayana.
Dadang Soekanda
Atuh eta mah Kang Yadi Fathur B, perkawis gaduh bojo deui tos janten urusan lalaki sajati. Mangga langkung jelasna mah sumpingan Ustad Ahmad F I, Insya Alloh bakal daria ngulasna..
Ahmad Yani
" Kangge Salira nu nyirorot muru jagad, teras mubus ka sawah !,K araos pisan peurihna ati salira nu tos di khianatan!. Namung bawi raos sim kuring, upami salira ikhlas manah, tangtos ajen salira bakal langkung nyongcolang !" heu heu heu !!, haturan wilujeng Sonten ! Kang Dadang !
Dadang Soekanda
Wilujeng sonten Kang Ahmad Y, damang Kang ?, Hatur nuhun kana apresiasina, bingah maos nami salira aya dina koran. Mung simkuring nembe tadi maosna, kaleresan uihna tadi enjing. Asa kawakilan sakali deui wilujeng..
Teti Taryani
Emh... deudeuh teuing nu mubus kana sawah.., padahal mah tong bibilasan... jaba mani belok kitu kabulen ku leutak... heg ka dieu wang peuncit, digoreng garing... uennakkk...!! hehe...
Ahmad Fawzy Imron
Fikmin jawara ieu mah..dugika niruk kana jajantung..peurih kang..peurih..
Dadang Soekanda
Sato ge sok garelut marebutkeun bikang, kitu rupina Kang Hadi Aks, Numutkeun panalungtikan anu teu tiasa ditanggengwalerkeun, bogoh raket pisan urusannana sareng timburu, bogoh taya timuru ngeplos, timuru tapi teu bogoh bohong, lamun teu timuru teu bogoh, kanggo naon diteraskeun.
Shohiba Nu'man
eduuun...! resep pisan.. Hatur nuhun..
Dadang Soekanda
Hatur nuhun Kang Perbu Godi Suwarna, milari nu rada benten manawi aya nu senengeun. Pun Guru kapayun mah wayahna teu kenging janten juri pinilih, karaosna aya anu nu kakantun, ieu simkuring ge ngaraos asa ngagenduk. Hatur nuhun kana panglayadna.
Dadang Soekanda
Alah punten Ceu Teti Taryani, hilap padahal mah nya lumayan kanggo praktek Tata Boga, atuh bilih bade ieu bugangna..?
Dadang Soekanda
Kang Ahmad Fawzy Imron, upami saur pa Ustad ieu peurih, niruk kana jajantung, rupina tiasa dianggo ngabandingkeun nyerina upami pun bojo dipangwayukeun...
Dadang Soekanda
Mangga nyanggakeu Kang Haj. Muhammad Shohiba Nu'man, manawi ka anggo, teuacan dugi kana hasil padamelan pangersa mah.
Shohiba Nu'man
yey, tibalik panginten.. Sim abdi nu kedahna nyarios kitu mah..
Dadang Soekanda
Tah kitu pangersa Kang Hji mah, simkuring kayungyun ku tawadu na, asal bakal panjang upami simkuring nyarios deui kitu, sasalaman we Kang Hji Muhammad Shohiba Nu'man, Visss ahhh