Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Carita Biasa

Kénging Tatang Sumarsono
Dipidangkeun dina lapak 05 Désémber 2011 15:00:45

“Geus jinek aya béja, uing bakal meunang remisi. Elat-elatna, minggu hareup geus bisa bébas. Moal ka mana deui balik, mun lain ka kulawarga nu geus lawas ditinggalkeun,” omong kuring ka Sambas, waktu besuk panungtungtungan ka LP. Kuring laju muji-muji Tinah anu salila genep taun jadi gaganti kapala kulawarga.
Sanggeus ngadéngé omongan ki sobat kitu, kuring buru-buru nga-SMS Tinah: “Gancang balik. Minggu hareup, Bambang bébas. Ulah loba pikiran, sanghareupan waé salaki sing gumati. Popohokeun nu enggeus-enggeus.”
SMS ti Sambas ngalantarankeun kuring gesat-gesut bébérés. Tapi, ukur saminggu salaki aya di imah. Tacan cacap sosonoan, mana komo jeung barudak. Saterusna kuring kudu besuk ka kantor pulisi, sabab Bambang kabaud deui rajapati. Enya, rumasa kuring téh héngkér, ari jalan nu rék disorang kacida rumpilna. Eta pangna sabulan ti harita, kuring balik deui ka tempat nyiar kahirupan. Geus loba nu robah, da geus ganti dunungan. Ukur dibagéakeun ku patugas parkir anu sasari,”Teu kedah salempang, sadaya langganan Tétéh ku abdi badé dikontak hiji-hiji.”

Komentar (127)

Jojo Johari
Haduh, enyaan tegep yeuh dongeng teh. Tepi ka lieurna macana oge. Sihoreng uing jeung kuring didinya teh, nya kuring tea.
Budi Muhammad
Abong2 maèstro
Ahmad Fawzy Imron
Meni sami caroge sareng garwa teh..teu lami pangsiunna..
Nazarudin Azhar
sadaya tokoh utama kabagean jadi jalma kahiji. asik...
Maspri Dkc
Ké rada pabaliut yeuh...Kuring 1= Bambang..Kuring 2= Sambas (nga SMS ka Tinah)....Kuring 3= Tinah......Rada lieur merankeun tokoh Ang?
Tatang Sumarsono
Muhun. Nuju eksperimen. Sadaya tokoh utama janten jalma kahiji. Ngahaja pikeun tatarucingan: 1) saha nu dipaéhan ku Bambang? 2) naon pagawéan Tinah? 3) naha dunungan Tinah ganti? sareng patarosan sanesna. Nuhun.
Tatang Sumarsono
Ka Maspri Dkc: Lieur, Mang Nung? Punten atuh. Saran ti nu nyerat, cobi aos deui, dugi ka kajawab tatarucinganana. Punten ah, mani mapatahan.
Maspri Dkc
Hahaha...paingan atuh ari kitu mah...aya hadiahan?
Tatang Sumarsono
Aya, di admin. Papaykeun ka Mang Nazarudin Azhar geura.
KUSWANDA
lieur....can maqom na rupina abdi mah heuheuheu..
Tatang Sumarsono
Ka Pa Kus Wanda: Ngahaja didamel kitu, supados ieu fikmin teu salancar, boh ngaosna boh ngahartoskeunana he-heh ... (*bari rada kumasép)
Mahpudin
anu di paehan sambas, pagawean tinah duka, dunungan tinah nu maot nya sambas tea... manawi.. heuheu.. dungdeng kieu...
Tatang Sumarsono
Ka Apoedy Sarah Ihsan: Calakan, Ang, ngan tacan peunteun saratus. Pagawéan Tinah teu acan kawaler.
Maspri Dkc
Tinah= PSK....Ang Apoedy Sarah Ihsan duakeun hadiahna nya...?!
Tatang Sumarsono
Ka Maspri Dkc: Calakan deui waé. Ngan naon pangna jadi kitu?
Ya Soebarta
Aw aw aw...1 x 1 = 3 ieu mah, duh kedah ngaleueut puyer heula yeuh...!!!
Iwan Hanjuang
Eta Bambang sakitu karek kaluar ti pangberokan teu kuat nya nahan diri nempo nu reureujeungan jeung maru mah [mun lalaki maru keneh kitu]
Maspri Dkc
Katalangsara batin Ang, bayangkeun 6 taun ditinggalkeun ku salaki...can keur urusan waragad rumah tangga.....rék ngalamar gawé da manéhna téh ukur lulusan SKP...
Ahmad Yani
Kataji Ku ketak Bambang !, Tegep " Lalaki" pisan!
Tatang Sumarsono
Saha nu ngajak (atawa boa ngagebruskeun) Tinah ka jalan éta?
Yadi Fathur
Aduh aya SMS ti Teteh yeuh
Tatang Sumarsono
Ka Ahmad Yani: Boa Bambang téh personifikasi ti kaum samurai?
Mahpudin
kieu jalan caritana teh, bambang mah teu apaleun yen pamajikana dijadikeun PSK ku sambas anu jadi mucikari-na, pas balik ka imah karak apalna teh, laju ambek maehan sambas, ayeuna sambas geus paeh salaki oge balik deui ka bui, eweuh jalan deui pikeun nyorang kahirupan anu rumpil kalayan nelponan deui langganan baheula.. heuheuheu....
Tatang Sumarsono
Ari pagawéan Bambang nu sabenerna, naon?
Saefull Atk Archiva
pas lieur na kang...............azibzz.
Tatang Sumarsono
Punten ah. ieu fikmin téh kawas sual AUS kanggo mahasiswa. Ari pangpangna mah ngarah pun uing mikir.
Iwan Hanjuang
security di srtm bareng jeung Jejen Jaelani W jeung Ahmad Yani.. heuheu
Maspri Dkc
@Iwan Hanjuang: Hahahahaha
Saefull Atk Archiva
saritem jl kebon tangkil tea sanes??
Èka Anggiani Iman
kawitna mah teu wantun ngomen, da manawi teh sim kuring hungkul nu lieur teh... Soal UAS mah sok aya bocoran ti kaka tingkat, kang! Hee
Ahmad Yani
@ Kang Iwan Hanjuang : Ha ha ha ha ha ha !!!, benten ari pelanggan setia mah, meni apal ka security na sagala ! ha ha ha ha ha !!
Ade Rahmat
ah, lieur,lieu, lieur.......
Iwan Hanjuang
SRTM= Saya Rugi Tadi Mayar....heuheuheu,,,
Iwan Hanjuang
Punten Yi[Saefull Atk Archiva.. sanes, nu di jln kebon jati ieu mah caket sasak mengkol ngenca].
Jejen Jaelani Wargadipura
Kang Iwan Hanjuang security di srtm bareng jeung Jejen Jaelani W ari kepalana apan Kang Iwan nyalira, abdi sareng Ahmad Yani..mung saukur kabagean capena..... heuheuheuheu.....
Abdul Hamid M. Sastra I
Tegep Ang Tatang Sumarsono eksperimenna sae. Abdi kedah maca tilu kali, nembe unggut-unggutan.
Ahmad Yani
Aduh !, Bahan sa Novel leun, di riutkeun jadi sa kaca !, eta rupina nu ngajantenkeun aheng na Fikmin teh? , sok komo ieu mah, caritana asa dengdek ka carita detektif ala Agata Christie, Tos ngebul titatadi ari sirahmah !, namung edas mingkin di baca, mingkin tambah panasaran. Komo ngemutan patarosan kang Tatang nu panungtung mah " Naon pagawean Bambang nu sabenerna ? " Ajoooowwww , tiap hurup, tiap kecap, ku uing tos di kotektak, tapi angger can bisa jka jawab, tapi hiji nu pasti, uing mah teureuh Musashi, moal taluk, samemeh di bejaan mah ! heu heu heu heu !!
Iwan Hanjuang
Abdul Hamid M. Sastra.. unggut-unggutan bari gagaro sirah teu ateul tea nya..he he he he geus ka jeueung da...xixixixi
Jejen Jaelani Wargadipura
Kang Tatang, rada uleng oge ngemutannana.... asa seueur pisan tatarucingannana.... walerannana....hehehe....nuju dihulengan keneh...
Tatang Sumarsono
Sip, Pa Abdul Hamid, pami tiasa dugi ka unggut-unggutan mah. Hartosna imajinasi urang seueur nyambungna. Enya Mang Ahmad Yani: pagawéan Bambang kudu kabuka heula. Ku Akang moal dibéjaan, apan Mushahi mah boga pedang sakitu seukeutna.
Abdul Hamid M. Sastra I
dina sastra indonesia tos seueur boga lalakonnya aya sababaraha urang. tadina mah nganaha-naha, bilih lepat nulis, nya kapaksa diaos deui. heuheuheu
Maspri Dkc
Bambang mah réman banguna pagawéanana téh.
Iwan Hanjuang
susuganan ieu mah Yi ngaharewos..[grmo] nya...
Abdul Hamid M. Sastra I
heuheuheu nampi artosna, nyanggakeun ateulna tea atuh
Ahmad Yani
Duh ..tos muruluk yeuh buuk !! heu heu !!
Ahmad Yani
@Kang Iwan Hanjuang : Tong sok haharewosan sagala lah !! ha ha ha ha , da ku abdi ge moal di wartoskeun ka sasaha !! ha ha ha ha ha ha !!!
Tatang Sumarsono
Ka Ang Iwan Hanjuang: germo mah Sambas, sakumaha saur Ang Apoedy Sarah Ihsan. Ka Maspri Dkc: langkung ti réman, Mang Nung.
Ahmad Yani
Tah tah tah tah ...tos rada nyingray yeuh ..... !!!
Maspri Dkc
Dihukum 6 taun mah Bandar Narkoba lah....
Jejen Jaelani Wargadipura
Moal kitu mucikari.... Ahmad Yani, numatak Kang Iwan haharewosan teh isineun bilih kaboker rusiahna....
Iwan Hanjuang
tukang ngala cai lain,nu dagang elap lain,grmo lain,da piraku ari bupati mah los-los kadinya..
Iwan Hanjuang
Jejen Jaelani W... sesama konsumen dan pelanggan tidak boleh saling mendahului...
Yayan Bedog Supriatna
Uwa Tatang Sumarsono, ari 'kuring' téh saha?
Ahmad Yani
Sambas teh Germo!, tapi kacida pisan sieunna ku Bambang. Terus Bambang teh siga nu boga akses ka "luhur", meni apal kana beja ngeunaan Remisi sagala!, tangtu Bambang teh Hubungan lega, nandakeun lain jalma jore-jore . Kukituna abdi tegas bade neguh Yen pagawean Bambang teh nyaeta ................... ???
Iwan Hanjuang
Centeng,,!!
Ahmad Yani
Bade pok tadinamah , mung rada sieun ku Kang Iwan Hanjuang ! heu heu heu !!
Iwan Hanjuang
Yayan 'Bedog' Supriatna..piraku teu ka bade,ny anu nulisna atuh.. heuheu..
Ahmad Yani
@Kang Tatang : Moal kitu Bambang teh : Gembongna Preman ??
Tatang Sumarsono
Bambang téh pembunuh bayaran.
Abdul Hamid M. Sastra I
ulah diwartos-wartos atuh Ang. Keun we nu maca sina mikir. heuheuheu
Iwan Hanjuang
tah rek saempok-empokeun leres eta maksad teh..
Mahpudin
pertanyaan anyar : saha anu dibunuh bambang nepi ka asup penjara jeung meunang remisi... heuheuheu....
Ahmad Yani
Duh .., bented sa uted ! heu heu heu !!
Tatang Sumarsono
Saleresna, pun uing anu nyerat ieu fikmin teu kedah ngabéjér-béaskeun dugi ka sapertos nembé, margi bilih nyungkeret ka anu maraos. Badé disurahan kumaha, badé ditapsirkeun naon waé, sagemblengna hak anu maraos. Anu nyerat teu kedah bendu pami aya tapsiran anu dianggap papalingpang pisan, margi éta nuduhkeun warna-warni apresiasi. Pami téa mah nembé jiga ngahaja dibuka-bukakeun lolongkrang, éta mah étang-étang silih simbeuh kaweruh. Leres, eusi carita ieu fikmin téh ku émutan bakal cekap sanoveleun. Mangga, badé diserat ku saha? Kadé hilap, royaltina bagi dua sareng pun uing. Nuhun ka sadayana.
Saefull Atk Archiva
benten kana nu kieu mah.........meuni atra comentna oge..
Hadi Aks
Wah, nembean maca, Ang! Seueur nu araheng kieu! Dina fikmin ieu galur srg plot carita teh karaos anteb, picontoeun nu lian!
Godi Suwarna
:"Upami Bambang pembunuh bayaran. Kecap atanapi kalimah nu mana nu nuduhkeun eta, Ang Tatang Sumarsono...?"
Ahmad Fawzy Imron
Kang godi..saur kang tatang mah dina kalimah 'kabaud deui rajapati'..saurna..
Godi Suwarna
:"Kalimah 'kabaud deui rajapati' mah kirang 'meyakinkan' reh Bambang profesina maehan. Tiasa wae ditapsirkeun yen Bambang psikopat. Pembunuh tanpa bayaran..."
Ahmad Fawzy Imron
Kang godi..upami kitu mah, rupina abdi lepat dangu..he
Godi Suwarna
Ahmad Fawzy Imron:" Haha..! Janten, cek sim uing mah Bambang teh psikopat. Najan bobolokot getih, ari ka kulawarga mah angger nyaah. Wios benten tapsir sareng maksad pangarangna oge, da ka sim uing mah eta nu dugina tina teks sabada bulak-balik ngaos fikminna..."
Ahmad Fawzy Imron
Kang godi..tah dina perkawis tapsir mah, abdi mah teu patos tiasa ngudag..hehe
Nyimas Kanjeng Ratu Yuyu
muji ka Tinah nu sakitu satiana ka Bambang bari kaayaanna siga kitu...sigana Tinah sieun jadi korban Bambang sejenna?
Tatang Sumarsono
Ang Godi Suwarna leres. Tiasa ditapsirkeun psikopat ogé. *ngaharéwos: Apan satadina mah, pami ieu carita diperalkeun jadi panjang (carpon pamina), Bambang maéhan Sambas téh henteu mung saukur pédah ngagebruskeun Tinah wungkul, tapi deuih aya kasang tukang sanés. Aya nu ngéngkén ku pihak séjén, tur dikasangtukangan ku hal anu bénten deui. Eta pangna kalimahna gé "kabaud rajapati". Dina logika pun uing, ku disebat "kabaud", éta nuduhkeun sanés palaku tunggal. Kitu tah, Ang. Hanas teu sapamendak, ih apan ngarah ramé ieu lapak téh.
Godi Suwarna
:"Sigana, bakal rada kalacak profesi Bambang lamun dina paguneman awalna kieu :" Geus jinek aya béja, uing bakal meunang remisi. Elat-elatna, minggu hareup geus bisa bébas. Moal ka mana deui balik, mun lain ka kulawarga nu geus lawas ditinggalkeun, bari rek ngajaran ganti pacabakan” . Tah, 'ganti pacabakan' tiasa jadi kecap konci sejen pikeun nguatan 'kabaud deui rajapati". Kitu cek sim uing mah..!" (Ke, na ieu teh bet pakeukeuh-keukeuh jeung nu ngarangna)
Abdul Hamid M. Sastra I
kumaha pami kabaud digentos ku kaemur atuh atanapi kaobeng? heuheuheu
Iwan Hanjuang
Abdul Hamid M. Sastra.. ha ha ha ha ha....
M Dada Bz
"Rame eung, resep ngaosna oge. Wios, Juragan Prabu pakeukeuh-keukeuh sareng nu damelna oge, nu penting mah sim kuring nuju "sorogan" di dieu. di para jawara sareng jendralna Basa Sunda ...mangga dilajeng Ang Tatang......."
Abdul Hamid M. Sastra I
Karunya nu maca. Mana komentator mana pamaen cenah. Ras emut ka alm. Muhammad Rustandi Kartakusuma dina Mangle.
Iwan Hanjuang
M Dada Bz.. prung lah toroktok jrek..lir kuda papasangan,munding rarakitan ,Papag kadia binendrong batur... jrek....
Godi Suwarna
Abdul Hamid M. Sastra:"Aya nu nyebat yen pangarang teh kawasa. Cek sim uing, kawasa soteh waktos ngarangna. Upami tos janten karya mah nya nu maca nu kawasa napsirkeun naon anu aya dina teks. Kitu, sanes? "
Evi Anwar
Karunya teuing si teteh teh...
Tatang Sumarsono
Ngiringan kana pamendak nu maraos.
Edi Warsidi
Pengarang sudah mati tea Kang Godi Suwarna.
M Dada Bz
"Sumuhun kitu, Ang Iwan. Kanggo sim kuring mah asa lawas pisan atuh da teu nguping atawa ningal anu sapertos kieu deui teh... heuy deuh........." Sono lah."
Iwan Hanjuang
Asa sarua jeung nyieun lagu.geus jadi komposisi geus direkam jadi kumaha nu ngadenge we ngeunah jeung henteuna mah bebas..
Tatang Sumarsono
Sip, Ang Iwan Hanjuang.
Tatang Sumarsono
Kumaha kasauran Kang Rustandi dina Manglé téh, Pa Abdul Hamid M. Sastra?
Teti Taryani
Wah, nembe kapendak... ning di dieu mah mani rame kieu... janten seuseur kekenginganana, nya fikminna... nya elmuna... hatur nuhun Ang Godi sareng Ang Tatang... Sip sip sip!
Iwan Hanjuang
Edi Warsidi.. pengarang jeung komponis mah moal bisa mati,karya nu alus mah terus aya,sanajan jelemana sudah mati ge...
Ahmad Yani
Waktos tadi tatarucingan sareng kang Tatang, sim kuring dugi ka asa murudul buuk, balas ku hantem ngemutan, Pacabakan tokoh Bambang !, ieu sanes, itu lain, kantos ngawaler teh Gegedug Preman !. Eta teh saparantos tiap kecap di ungkab, tapi edas tetep sim kuring teu mendekan hiji kalimah oge nu tiasa nungtun kana arah jawaban nu leres. Matak waktos kang Tatang nyebatkeun " Pembunuh Bayaran" teh, Sim kuring teh rada hareugeueun !. Tadinamah bade tumaros, ngeunaan kasang tukangna . mung edas hate ngadak-ngadak ngariut ! heu heu heu !!
Godi Suwarna
Iwan Hanjuang:"Nu disebat ku Kang Edi Warsidi ku 'pengarang sudah mati' teh hartosna pangarang teu kaci ngabejer beaskeun naon nu nyangkaruk dina karanganana..."
Ahmad Yani
Mung nu jelas , fikmin model kieu teh, kangge sim kuring mah, teu kinten ahengna, terutami dina perkawis penokohan, sareng alur carita, nu teu kinten ngogona kana imajinasi nu maca !
Abdul Hamid M. Sastra I
Anu dimaksad de wraiter is det teh, saleresna nalika tulisanna tos dipasrahkeun ka pembaca, harita keneh pangarang tos salin jirim janten panafsir.
Tatang Sumarsono
Ceuk sapamendak "teu kaci ngabéjér-béaskeun naon nu nyangkaruk dina karanganana", ceuk sapamendak deui "tos salin jirim jadi panafsir". Ah, nyanggakeun waé éta mah.
Iwan Hanjuang
Oh kitu Lo,hampura we emang teu apal da,ari sugan teh kawas nyieun komposisi lagu,kunaon pindah kana G7-teu kana Fm7..punten tah ka ayi Edi Warsidi.. he he he he
Edi Warsidi
Kang Iwan Hanjuang, leres kasauran Kang Godi Suwarna. Sapagodi eh sapagoso sareng kasauran (mun teu lepat) Roland Barthes, Pengarang Telah Mati sareng cerpen Sapardi Djoko Damono (nu jejerna sami). Dua karya ieu ngeceskeun hiji dunya nu otonom=karya (kakuasaan pangarang). Karya nu tos lebet lapak mangga ‘disalome’ (saliang dirame-rame) kubalarea. Hakekat anu disamunikeun ku pangarang, eta pisan lenyeupeunna.
Tatang Sumarsono
Lega Jang Edi Warsidi, pangulinan téh mani tepi ka lebah dinya.
Iwan Hanjuang
he he he he Agata cristie ripuheun tah mun nyieun fikmin,,,
Ahmad Yani
@kang Edi Warsidi : Bawi raos Sim Kuring, naon nu di dugikeun ku Roland Barthes "Pengarang Telah Mati", tangtosna teu tiasa diterapkeun dina sagala rupi situasi.Kumargi masyarakat pembaca ge, tangtos warna-warni pisan latarna. Dina kondisi Masyarakat pembaca anu tos "beunta Sastra", rupina hal eta teh tangtos tiasa di terapkeun. Namung dina situasi dimana masyarakat pembaca masih " Deet Wawasanna" lajeng amanat peryogi pisan kadugikeun, rupina " Sikep kompromistis" janten hiji hal nu wijaksana kangge di terapkeun, dina raraga nyambungkeun rasa sareng harti antawis penulis sareng nu maca .
Tatang Sumarsono
Aya ku calakan Mang Ahmad Yani. Mulih ditawajuh di mana? Akang hayang, ah.
Iwan Hanjuang
Ahmad Yani..hetereogen tea sigana teh,sigana... sigana ieu ge...
Gus Manz
:"Beu, ku fikmein anu ngandung misteri mah nyaan tiasa nyaingan Ang Prabu Godi Suwarna, 100 komen langkung. Khusus kanggo Kang Ahmad Yani, -komen nu ka 100, - mangga kantun nyandak kalkulator di sekretariat Rektor" :)
Iwan Hanjuang
eehh teu apal nya,murid akang eta teh,diajar ngahitar...
Ahmad Yani
@ Kang Tatang : Heu heuy deudeuh ! @Kang Iwan Hanjuang : Persis Ang!, rupina sanes kanten teori ge, tangtos kedah merhatoskeun situasi. @Kang Gus Manz : Heu heu heu !, baku ari tos ngabubungah teh ! Ha ha ha ha !!
M Dada Bz
"sihapunten kasadayana, sim kuring mah teu tiasa "komen" anu langkung. Mung nuju ngudag-ngudag sangkan jadi ngarti anu janten paguneman ayeuna meni hebat surebat kieu. Sakedik panginten anunembe kahartos teh nyeta : Hebatna hiji karya teh dimana masyarakat masihan apresiasi, antawis "mati sareng "hidupna" eta pangarang teu patos janten persoalan. Hatur nuhun yeuh kasadayana. mangga kang Tatang oge anu sanesna diantos karya-karya anu lianna...... Prung deui we......"
Rudi Riadi
Fikmin teh euyeub pisan ieu mah, euyeub ku elmu....
Tatang Sumarsono
Ka Mang Ahmad Yani: Akang milu aub kana ieu lapak téh paling gé nembé sabulan. Prosés diajarna karék semet cacarakan. Mun dina diajar Cimandé mah, karék surang-sérong dina kuda-kuda. Jauh tangéh kana ririkesan. Eta jigana pangna satuju kana pamendak Mang Yani: sikep kompromistis. Cacak mun geus jadi mah, jigana bakal nyekel pageuh adagium "pangarang tos tiwas, yayi ...."
M Dada Bz
"Sumuhun Kang Rudi, abdu oge teu hararayang pindah cenel yeuh. Sakalieuh hayang pipis oge di tarzan, eh ditahan maksad teh, tuh dugi kalemat nyerat oge........"
Iwan Hanjuang
Ahmad Yani.. sabab hetereogen tea ari ku akang mun aya baturna mah paeh teh paeh nyaan da pereum,tapi ceuk nu beunta mah paeh teh papaehan..
Edi Warsidi
Sapuk Kang Ahmad Yani! Ceuk panoong simkuring, prinsip 'pengarang sudah mati' jutru tiasa nyuburkeun buah karya sang pangarang. Makna karya nu manglapis-lapis makna, tiasa kapangkas jeung justru ngerdilkeun nalika pangarangna turut campur sareng maksakeun pamaknaan. Pangarang ngonci kamungkinan panafsiran tina ragemna pambaca. Pangarang nu kitu tos ngerdilkeun karyana nu saleresna beunghar makna. Pangarang nu 'tidak mau mati' eta, sapertos ngjelaskeun alesan tertentu atanapi masihan arahan nu bade disasar ka tindak-tanduk tokoh rekaanna. Tina taraf tertentu, pangarang alim dugi ka teu ngahargaan panikmat karyana. Pangarang lir indung nu moal was-was ninggal anak kandungna dewasa, ngalaman pasang-surut kahirupan, tambih dewasa, lajeng jauh tina aisanna.
Godi Suwarna
Ahmad Yani:"Kieu, Mang Yani. kalan-kalan tapsir pembaca teh sok langkung jembar batan nu dimaksad ku pangarangna. Sim uing kantos sababaraha kali ngalaman hal ieu. Tur, nu napsirkeunana teh nu ku sim uing sama sakali teu dianggap 'beunta sastra'. Bawiraos, urang kedah ati-ati ngajen pembaca. Ulah nganggap 'deet wawasan' ka pembaca. Kantenan dina lapak ieu mah. Sadayana nuju diajar ngasah 'kapekaan' dina napsir. Upami bade 'kompromis', paling oge pangarang mung ukur tiasa masihan rambu-rambu atawa isarah. Ulah dugi ka nerag muka rusiah karyana. Upami nerag mah hartosna pangarang teh sami sareng diktator anu ngakabrak hak pembaca dina napsir..."
Gus Manz
:"Mang Edi Warsidi, atuh mun kitu mah pangarang teh siga indung téré. Keur Sim Uing mah, khusus dina karang mengarang Fikmin, fikmin téh di ibaratkeun Mercon : ngabeledug !, terus komen-komen nu aya siga Kembang Api anu matak mawa kaendahan jeung kanikmatan deungdeuleueun."
Edi Warsidi
Kang Gus Manz,muhun indung tere mun bapa pangarangna ngawayuh.HHH. Kumaha ka Nyi Randa tea orang Cikeumeuh? Tapi, leres Kang Gus Manz naon wae wanda karya,
Abdul Hamid M. Sastra I
Tah naon anu disaurkeun ku Ang Godi Suwarna ka Ahmad Yani teh, dialaman ku Muhammad Rustandi Kartakusuma anu ngabolekerkeun Mercedez 190 dina Mangle. Tapi sanes diktator. Onani panginten kasebatna.
Iwan Hanjuang
promosi,mun ieu enya jadi novel geus 113 tah nu pasti meuli...he he he he aya samotoreun...komisi ah...
Edi Warsidi
Punten ka pencet enterna. Kang Gus Manz,muhun indung tere mun bapa pangarangna ngawayuh.HHH. Kumaha ka Nyi Randa tea orang Cikeumeuh? Tapi, leres Kang Gus Manz naon wae wanda karya, resep mun dijiwaan. Sanes ukur wae bebeludang tina karya, mung eta karya kedah ngahudangkeun pikir, ngalelempeng pekerti. Endah henteuna karya mah kumaha nu maos. Sok emut ka sayang nyiruan, seeur nu barolong, kawasna kitu nganinikmat karya teh (saur pun uing). Numaos mardika bade lebet kana liang numana!
Ahmad Yani
@Kang Godi Suwarna : Kahartos pisan Kang Perbu !, muhun rupina tetep watesan mah kedah aya, Kompormistis terbatas , panginten disebatna ? hatur nuhun Ang !, sok sanaos rada eungap ieu napas, Syukur alhamdulillah , sim kuring tiasa nambihan elmu, tina sanes kanten komentar nu tos di dugikeun !, hatur nuhun pisan ka sadayana !
Gus Manz
:"Mang Edi Warsidi, sanes dina keterangan nu mantek, kenging pan ngawayuh dugi ka-4. Nu kantos ku sim uing di sidik-sidik mah di Nagri Fikmin aya pengarang nu atos ngawayuh dugi ka 4: 1. Trijata, 2. Citraresmi, 3. Kangjeng Ratu Nyi Rorokidul, sareng 4 :Jupé eh Dépé. Kitu nun."
Iwan Hanjuang
Gus Manz.. ngawayuh sadinten ,maksadna..??
Tatang Sumarsono
Ka Ang Iwan Hanjuang: 113 téh jumlah koménna, da ari jalmina mah henteu sakitu.
Gus Manz
:"Mang Iwan Hanjuang , sanes. Ngawayuh dina fiksi. :) "
Edi Warsidi
Ieu Fikmin Kang Tatang Sumarsono dijejeran deui: #Carita Ruaaaar Biasa#
Iwan Hanjuang
maksud akang mah tiap nu komen kudu meuli,resiko eta mah,ngan akang wayahna teu kontan,nganjuk we piraku teu ngahampura Yi.. heuheuheu..
Tatang Sumarsono
Ka Edi Warsidi: Der atuh ku salira.
Edi Warsidi
Eh, kedah ku pangersa Kang Tatang Sumarsono, supados Jaro Bantahan, si Paser, atanapi Demung Janggala gaduh balad nu enggal
Tatang Sumarsono
Baladna mah tos kaétang jenuk, tapi kadon nyileungleum di penerbit.