Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Tamu Nu Teu Dipiharep Datang

Kénging Wangsa Urang Subang Pituin
Dipidangkeun dina lapak 03 Désémber 2011 08:49:24

"Ké heulaanan atuh kami masih kénéh betah, kami masih kénéh loba oméaneun, cing kami ménta témpo barang sapoé mah". Géréwék jalma nu keur aduglajer deudeukeut kana sakaratulmaot. "Teu Bisa...! geus waktuna kami ngalaksanakeun tugas, pikeun mungkas kahirupan andika" Ceuk hiji jirim nu ngabedega, pangawakan jalugjug jangkung lir ngajul lalangit imah, beungeutna pikasieuneun, taya riuk-riuk méré budi ningali nu keur aduglajer. "Jeung deui naha meni teu méré iber ti anggalna atuh anjeun rék datang téh". "Yeuh manusa !, najan kami henteu datang ngajirim pikeun méré iber, satemenna tanda-tanda kami rék datang geus aya nyampak, tengetan ku andika, buuk anjeun nu hideung jadi bodas, awak anjeun nu kuat jadi rémpo, huntu anjeun nu lengkep jadi rogol, cacarita anjeun nu ceta jadi balélol, mata anjeun nu awas jadi lamur, ingetan anjeun nu kuat jadi pikun..tah éta kabéh mangrupakeun tanda-tanda kami rék datang".

Komentar (10)

Godi Suwarna
:"Walah, asooooy...! Aya Mang Wangsa Urang Subang Pituin, euy..! Bagea, Amang..! Lawas ti lawas. (Atawa sim uing nu kirang gaul, kitu...?) Tapi, teu panasaran ngampleng teu maca fikmin Mang Wangsa oge, da ari jebul nu ieu ari karaos puridingna. Benten ti nu sasari ieu mah. Benten ari fikmin kenging tatapa mah...."
Maspri Dkc
Teu dipiharep oge nu ieu mah pasti datang.....emh naon pibekeleun balik yeuh....??
Wangsa Susena
haturnuhun Mang Yaya !...hapunten mang ! teu aya maksad sindir sampir seun... he he
Wangsa Susena
Kang Godi Suwarna: haturnuhun kang prabu !nyanggakeun sakieu buktosna seun !...ha ha..muhun apan nuju alak-ilik bae nitenan bari diajar ti kanca baraya FBS nu beuki deui teh beuki sarae tur araheng.. ras ka diri ..na teu menyat-menyat heu heu muhun dasar belet abdi mah ... nu aya kalah ka lebeng ideu teh ngaracleng duka kaman.. ieu oge bubuhan .. kenging luut-leet kesang seun... he he
Wangsa Susena
Kang Maspri Dkc:... muhun kang !..yaktos... pasti datangna... ngan nyaeta ..bekelna nu janten pasualan teh... teu acan cekap... nu matak abdi mah wios ..engkin bae.. kasumpingan eta tatamu teh... he he
Ya Soebarta
Cobi etah pami tos kitu bade lumpat kamana..?? Ajiiiib kang..!!
Wangsa Susena
duka tah kang Ya Soebarta ! abdi oge bingung mun seug enya sumping teh..kedah lumpat kamana..?... haturnuhun kang !
Ahmad Fawzy Imron
Katampi pisan kang..maos fikmin salira teh bari ngeunteung dina wadah wedak oriflame nu pun bojo..katingal aya huis sanaos nembe puluhan lambar. Waos tos punglak tilu. Emutan tos sering hilapna. Kantenan tanagi mah, pami mangtaun-taun kapengker sosonoan srg pun bojo teh sok dugika paudag-udag sareng tarhim..ayeuna mah, dikawitan ti adzan isya, pas qomat ge tos atosan.. Nuhun fikminna kang..
Wangsa Susena
Duh meni muringkak kieu Mang ! kabayang pating koceak dengekna jalmi-jalmi mun seug ngarandapan eta kajantenan.. tobat gusti !
Wangsa Susena
sami-sami kang Ahmad !...heu heu.. sami kang teu benten sareng abdi .. tapi percanten akang mah.. tos seueur sasayagian bekel panginten...janten upami katatamuan oge tos siap sapuratina... he he...