Update: 20 Novémber 2012 16:00:15

Eunteung

Ku Nana Sukmana

Kembang téh apik pisan dipetikan. Hiji-hiji. Sagagang-sagagang. Sarupa-sarupa. Lebar ku seungitna. Saban metik, diseuseup leleb tipeureum-peureum. Dina saban-saban angseu, lalangit haté kuwung-kuwungan. Hiji-hiji , widadari anu tujuh piligenti. Ngaléndotan, nyariuman. Ti luhur satungtung buuk, ti handap sahibas dampal. Raga mimiti pasiksak disasaak rasa. Téténjoan lalaunan jadi samar basa maranéhna beuki nalalaktak dina sela-sela rénghap. “Wengi ieu mung kanggo salira Engkang,” ceuk maranéhna bari henteu reureuh imut. Haté tibra. Wanci janari leutik, kuring ngulisik. Lalangit kamar jadi pinuh ku eunteung. Dina saban eunteung tingjénggélék aya jirim. Dipelong bet malik melong, dirényohan ngarényohan, disentak malikan nyentak,. “Lain, éta mah lain aing! Aing mah lalanang jagat. Aing mah lalaki langit nu diabring-abring ku peuting,” ceuk haté nu ngabeletrak.Teu antaparah, eunteung ditonjok satakerna. Jirim kalah ngabegégan. Enteung dibeubeutkeun, jirim anggur nyeungseurikeun. Enteung tuluy dileyek nepi ka remuk. Sanggeus simpé sajongjongan, aya sora nompo pisan, “Poé isuk umur manéh geus jejeg satengah abad!” Gap kana pipi karasa kanyos.**

Koméntar kana ieu Fikmin:
  1. Deden Abdul Aziz: Matak kagagas fikmin teh, Ang. Ras ka diri...
  2. Nana Sukmana: Mang Deden Abdul Aziz: nuju ngeunteungan diri ieu teh Mang Den. Horeng ari rasa leuwih lila umurna manan raga.
  3. Ceef Ones: muni sae pisaaaaaan,..' matak sing sareblak kana raga nyangsayana sukma nu taya tanganpangawasa,.pikuen nyinglar sagala nu tos di cutat di louhul mahfudz,.jangji pasini jeung gusti,.nu tos patri,.nyatana kumelenang di ieu alam mah moal aya,,nulawas,obahgingsir,pinasti,.kalayan lalawananna nu bakal meungkheut page
  4. Godi Suwarna: :"Nyaan, Mang Na...! Hade, yeuh, fikmin teh. Tebih tangeh ti fikmin-fikmin munggaran Mang Nana Sukmana. Ari ku keyeng bari daria mah proses teh bisa leuwih gancang. Ukur dina etangan mingu, fikmin Mang Nana tos hade kieu..."
  5. Yayan 'Bedog' Supriatna: tétéla pangalaman mah guru nu saéstuna, sim uing mah geus méh juh bulan mikmin tacan népi ka kos kieu da, jempol Ua
  6. Nana Sukmana: Kang Godi Suwarna : Emut keneh kana kasauran akang, sual motor GP. Abdi hoyong ngudang nu tos tingbelesat ka payun. Mung hat teu acan gembleng, aya kasieun keneh, Kang. Sakama-kama teuing mah inggis sapertos Simoncelli. Leres ari risiko tea mah, da upami lebet ka pakalangan balap mah tigubra teh parantos biasa, mung ulah dugi ka pajaran we. Nuhun kana sagala rupi jampe pamake sareng pakaang anu paantos dilungsurkeun. Mung abdi teu acan gaduh katineung. Bad masihan gurame atanapi lauk emas apan aya dina balong salira. Anu mawi nuju ngemut naon anu sakintenna pas disanggakeun ka salira. Piraku ku aspel gading sareng gelung kakantun pun nini mah (nuju jumeneng keneh, pun nini ngaharewos : eta teh panganggo anjeuna, dugi ka seueur anu galungan di buruang marebutkeun anjeunna.)
  7. Nana Sukmana: Kang Yayan 'Bedog' Supriatna : Saur Kakang Perbu ulah boboleh ngasahna. Lajeng ulah lali kana pangwawadi ti Begawan Basa Sunda Fikmin Kang Tatang Sumarsono, Jaro Hadi Aks, sareng nu almukaromun sanesna....
  8. Nana Sukmana: Ceef Ones : ting sareblak teh rupina emut ka patilasan, nya?
  9. Ceef Ones: emut sieun ka bujeng,.di mangsa,.*patilasanna,.hehehheh
  10. Yanti Sri Budiarti: Euhhhh... naha meupeus keuyang kana eunteung?
  11. Rukmana Master: Payus pisan Ang..! siip..!
  12. Nyimas Kanjeng Ratu Yuyu: dua jempol nyanggakeun kang
  13. Nana Sukmana: Teh Yanti Sri Budiarti : Bongan tingpecenghul jirim pikasebeleun! Apan upami meubeutkeun salira, komo bari teras dileyek mah, bilih ingkang raka bendu.
  14. Nana Sukmana: Rukmana Master : Hatur nuhun. Langkung payus upami di gedengeun aya si heueuh....
  15. Nana Sukmana: Nyimas Kanjeng Ratu Yuyu : Bade tega bae ieu teh, mung masihan jempol? Nu sanesna kumaha? Piraku henteu kabahankeun!
  16. Muhammad Shohiba Nu'man: wilujeng milang kala..
  17. Ganjar Kurnia: Eunteung, sae kangge Latihan pingpong
  18. Nyimas Kanjeng Ratu Yuyu: nya mangga atuh jempol saréng réméh nu narapel...héhé
  19. Endah Dinda Jenura: wilujeng tepang tauuuuunnn...
  20. Nana Sukmana: Pa Ganjar Kurnia : Siang Prof. Insya Allah dinten Salasa minggu ieu mah bade maksakeun ka Dipatiukur. Hoyong dipaparin spin nu muih pisan.... Kamari ge tos bade jung pisan mung kabujeng patingguludug, inggis aya caah cileuncang.
  21. Nana Sukmana: Nyimas Kanjeng Ratu Yuyu : Mung ukur remeh? Halah pameng atuh. Kahoyong mah sareng goreng guramena, wios karedokna mah ti pengker oge....
  22. Nana Sukmana: Muhammad Shohiba Nu'man, Endah Dinda Jenura : (luak-lieuk ka pengker bilih aya jalmi nu ulang taun, bade ngiring ngawilujengkeun). Ke, ka abdi eta teh?
  23. Yanti Sri Budiarti: Kang Nana Sukmana: Sanes!
  24. Nana Sukmana: Teh Yanti Sri Budiarti : Sanes naon tea. Jol-jol sanes we...
  25. Yanti Sri Budiarti: Kang Nana Sukmana: Sanes ngeunteung nuju tepang taun da yey, nanging nuju kumasep! hihi
  26. Nana Sukmana: Teh Yanti Sri Budiarti : Saha nu ulang taun? Kintun kuehna atuh!
  27. Nyimas Kanjeng Ratu Yuyu: manawi di dieu mah teu aya guramé, upami karédok mah seueur
  28. Nana Sukmana: Nyimas Kanjeng Ratu Yuyu : Tah, tah, tah.... Aya paripaos tidak ada rotan akar pun berguna, teu aya gurame karedok ditumpangan beuleum hayam oge jadilah! Diantos!
  29. Nyimas Kanjeng Ratu Yuyu: ke atuh manawi aya hayam tatangga nu sasab urang tewak kanggo akang
  30. Nana Sukmana: Nyimas Kanjeng Ratu Yuyu : Tah kitu sae atuh. Da biasana oge "Ayam tetangga itu selalu lebih baik dari ayam sendiri". Leres?
  31. Nyimas Kanjeng Ratu Yuyu: ahahahaha...teu ngiringan ah..
  32. Nana Sukmana: Nyimas Kanjeng Ratu Yuyu: Haaaar, salira anu mitembeyan, bet salira nu medal sila. Pamali ieu eta teh. Bilih tibalik letah! Bilih kadangueun ku Kang Haji Rhoma Irama.... Kau yang mulai kau yang mengakhiri... Hi hi hi
  33. Nyimas Kanjeng Ratu Yuyu: nembé émut, tatangga nu gaduh hayam téh jawara galak, paur ku ambekna Kang
  34. Nana Sukmana: Nyimas Kanjeng Ratu Yuyu: Namung sanes tatangga sabeulah anu ngawur hayam tea? Anu Recooook, recoook? Aya tatangga sabeulah! hawatos teuing!
  35. Nyimas Kanjeng Ratu Yuyu: asa émut ka Wa Képoh éta mah
  36. Nana Sukmana: Nyimas Kanjeng Ratu Yuyu : Teu kenging nonggerak teuing atuh ngefans ka Uwa Kepoh teh. Saur Kang Tatang Sumarsono mah, Wa Kepoh teh tegaan. Piraku tatangga dikaniaya dugi ka kantun sabeulah!
  37. Nyimas Kanjeng Ratu Yuyu: hahahaha....
  38. Nana Sukmana: Nyimas Kanjeng Ratu Yuyu: Duh mani reuwas. Manawi teh moal ngabarakatak...
  39. Nana Sukmana: Kang Nana Sukmana (ka kadang wargi fikminer, teu kedah aneh.... yeuh aya Nana Sukmana dua), nuhun jempolna.
Ngeunaan Ieu Naskah:
Naskah lianna karya Nana Sukmana
  1. Nu Muih Dina Ulekan
  2. Anu Halon Ngagalindeng
  3. Anu Datang Teu Diondang
  4. Nu Anteng Ngomé Android
  5. Handapeun Bedug Masigit
  6. Nu Ngabiur Muru Layung
  7. Nu Mulang Mangsa Balébat
  8. Renghap Ti Pajuaran
  9. Nu Lirih Dipirig Tasbih
  10. Nu Sumegruk Dina Batu Pangeunteungan
  11. Anu Seungit Ngadalingding
  12. Kalangsu
  13. Kemba
  14. Méméh Cengkat Tina Tabet
  15. Sawengi Jeung Citraresmi
  16. Anu Datang Mangsa Tibra
  17. Nu Sumping Na Tengah Wengi
  18. Pepetétan
  19. Layung Kiarajangkung
  20. Carita Mangsa Reupreupan
  21. Sagelas Mix Fruits
  22. Kamar 201
  23. Rangkay Gedong Seni
  24. Malati Ti Sungai Musi
  25. Hariring nu Titih Rintih
  26. Aki Majun
  27. Tangangé di Balé Désa
  28. Elegi Peuting
  29. Hégak Manceran
  30. Qiroat
  31. Pasar
  32. Buldoser
  33. Lebah Lawang
  34. Cendrawasih
  35. Genjlong
  36. Ngacacang
  37. Beurit I
  38. Eunteung
  39. Patung Emas
  40. Dead River
  41. Elegi Daging Domba