Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dunya Enéng

Kénging Deri Hudaya
Dipidangkeun dina lapak 01 Désémber 2011 04:42:28

Enéng téh pikarunyaeun sareng pikayungyuneun. Kawitna mah sasab di dayeuh lipensetip, ngasruk di antara bulu-bulu sikat gigi. Bet teras kekerebekan dina busa sabun ibak. Tapi ketang teu sawios da janten beresih. Édas, janten alim kaluar ti bumi ari tos kitu mah. Saurna téh sagala rupina tos aya dina pésak lancingan. Duka lancingan lépis, duka lancingan lebet. Ah namina oge lancingan. Lancingan mah tiasa waé dina mastaka atanapi dina lagu-lagu nasional nagara dunya katilu. Geuning kapungkur gé Enéng kantos nyanyi dangdanggula, sapertos uncuing kabuhulan. Heuheuy. Tapi wios da teras gaduh bumi dina lebet tipi. Nomerna seueur nu terang deuih. Sumpahna gé teu bohong. Teras wéh Enéng nyeueuran. Enéng aya di mamana. Sagala janten Enéng. Abdi ogé janten Enéng heula sakedapan. Margi kitu, Enéng moal isin pami teu dilancingan. Malihan mah Enéngna bakal tambih seueur deui. Pirang-pirang Enéng bakal ngalahirkeun Enéng nu seueur. Enéng nu seueur bakal ngalahirkeun deui Enéng nu langkung seueuer. Langkung seueuer!

Komentar (12)

Godi Suwarna
:"Tah nu ieu mah rada kaharti ku uing. Ti siga fikmin Jang Deri Hudaya nu sasari, anu metafor-metaforna patutumpuk teuing, nepikeun ka uing pareumeun obor kana patula-patalina ungkara. Padahal, biasana mah sakumaha poekna sajak-sajak Afrizal Malna, upamana, ku uing masih bisa kasasar. Fikmin Jang Deri mah ampun, uing taluk. Tapi ku nu ieu mah uing kataji..."
Hadi Aks
Asik, Der!
Yadi Fathur
Abdi hoyong jadi eneng tapi eneng alim jadi abdi
Jejen Jaelani Wargadipura
har, ari nu bade ngalahirkeun si Ujang saha atuh ari nu borojolna eneng deui eneng deui mah...
Dédén Abdul Aziz
Untung judulna sanes Dongeng Dunya Si Eneng...
M Romyan Fauzan
lambaran rambut abi oge terbuat dari neng...
Deri Hudaya
Kang Godi Suwarna: Nuhun kang. Nuhun oge tos ngemutan. Saleresna mah tos kaemut patutumpukna teh, mung duka kumaha, sesah mereskeunana eta teh kang. He. Anu ieu oge abdi ngaros kapangaruhan pisan (duka pami numutkeun batur mah) ku seratan Afrizal, sareng karya akang tina kumpulan "Dongeng-Dongeng Si Ujang" (Leres kasuran kang Deden Abdul Aziz. Untung judulna teu dugi ka kitu), anu saleresna mah tos lami teu diaos da alim seueur teuing kapangaruhan. Tapi geuning sesah hoyong leupas tina kungkungan karya-karya nu jembar mah. Sareng deuih kirang keneh bacaanana.
Deri Hudaya
Kang Hadi Aks: Amin. Amin. Nuhun kang... Hehe
Deri Hudaya
Yadi Fathur Berkata: sami atuh ang ari kitu mah.... hahahha panginten takdirna mung sakieu-kieuna
Deri Hudaya
Kang Jejen Jaelani W: heheheh... kedah kumaha atuh ang da hoyongna kitu panginten. heuheu
Deri Hudaya
Muhammad Romyan Fauzan: hahahaah... paingan galing muntang mang. witwiw
Kaka Djati Sukma
na aya kitu nu jiga neng Ésti? ...)bari kerung..