Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Dukun

Kénging Is Tuning
Dipidangkeun dina lapak 30 Novémber 2011 17:52:51

Ras jadi inget deui kajadian tahun kamari. Basa Kang Yondi datang ka imah kontrakan jeung Téh Ineu, pamajikanana. Kang Yondi nyarita yén yakin kuring boga élmu nu linuwih. Harita kuring ngan seuri, komo basa dipénta pangnyaréatankeun ku jalan ngamandian, sugan jeung sugan bisa buru-buru boga anak. Satadina mah teu ieuh dienyakeun, kuring gé ukur ngahéhéh, kajaba komo dianggap dukun. Ngan beuki remen pisan ngomongkeun éta téh, Teu ieuh dienyakeun atawa nolak.

"Akang percanten ayi tiasa nulungan", ceuk Kang Yondi harita.
"Kembangna tos sayogi, bilih kagok, Akang ngantosan di warung kopi", pokna
bari ngasongkeun kantong kérésék tuluy ngaléos bari nepak taktak kuring.

Paduduaan jeung Téh Ineu di kamar mandi, teu kungsi kaimpi-impikeun acan,
Ari keur natamu, osok éta gé maling neuteup ka Téh Ineu téh.
Ari ieu ? kuring bisa anteng neuteup leleb.

Awakna nu ukur dibulen ku samping semet dada. panonna peureum. Buukna nu
panjang ikel ngarumbay, ragrag na taktak. Kadéngé pisan sora rénghap ranjugna,
atawa boa nu kuring. Paudag-udag. Komo basa mimiti ngaguyurkeun cikembang kana
embun-embunana, maseuhan buukna, kembang nu nyarangsang dina taktakna,
nepi ka basa leungeuna laju nyingraikeun buukna, sampingna leupas, ragrag,
tuluy ngalumpuruk, ngagunduk. Téh Ineu teu reuwas atawa kumaha, kalah tuluy
neuteup kuring bari panon nu semu alum. Kuring teu walakaya, natra pisan haroshos
basa Teh Ineu tuluy ngalaanan baju kuring nu milu baseuh. Jibrug, sagalana.

Dina panganggeusanana, kuring ngaharéwos,
"Teh ngibakanana mah geuning teu cios ?", semu ngaheureuyan.
Teh Ineu ukur imut, bari nyiwit leutik.

Poé ieu, kuring diondang walimahan Akikah, kuring paadu teuteup jeung orokna.
Halisna ngajepat hideung, persis jiga nu kuring;

Komentar (51)

Godi Suwarna
:"Wah, asoy, Mang Is..! Fikmin salawe taun kaluhur. Asa emut ka dukun AS, nu baheula kantos ngageunjleungkeun jagat.. hehe..."
Rudi Riadi
Ieuuuuuung....bogoh pisan kana fikmin ieu,...pek we orokna mah, tes DNA lebah halisna!
Irman N Dimyatié
Halah...... kumaha rasana jadi dukun model kitu nya?!
Dadang Soekanda
Cekap kang saminggon sakali ngencarkeun fikmin kieu mah, simkuring asa moal kuat nandangan hirupna...ni ieu.... rada moyongkod yeuh..
Godi Suwarna
:"Panuju kana usulan Mang Dadang Soekanda. Diantos fikmin kieu unggal malem Juma'ah, dina raraga moro Yahudi..."
Dadang Soekanda
Asa cocog yeuh saupami Kang Is ngabaku kana carita nu kieu, raoseun ngagiringna, karasa lelenyapannana, Mangga kanggo gelar dina fikmin mah nyanggakeun ka pangersa Pun Perbu Godi Suwarna. Tapi paralun ulah janten peneras En Er.
Is Tuning
Mang Yaya, Duh...resep nya Mang ? heu heu
Is Tuning
Kang Prebu Godi Suwarna, nuhun. ngan asa panjang teuing ieu téh nya ? satadina mah badé dicarponkeun, ngan geus teu kuat kaburu hayang ngencar... heu heu
Is Tuning
Kang Rudi Riadi uing mah ngan nyobaan. Nyobaan ieu mah, nembrakeun nu dipikaresep ku akang wé.. ha ha
Is Tuning
Kang Irman Nurhapitudin Dimyatie, duka kumaha karaosna, abdi jigana teu kabayang raosna..éh, rasana... heu heu
Is Tuning
Kang Dadang Soekanda, saminggu sakali ? haruh... hususon edisi malem jumaah ? sugan kuat ha ha ...
Is Tuning
kang Dadang Soekanda kacipta uing kudu bari nyipta-nyipta, jaba uing pan budak kénéh, karék gé lima las taun jalan... :)
Ahmad Yani
Duka kumaha, uing jadi ngilu mangnyerikeun ka Kang Yondi. Bakat ku hayang boga turunan, nepi ka loncer kawaspadaan. Heu heu heu !
Rohaendi
beuh... Libido deui bae... doangna mun pondokmah memang gati ngangkat suasanana, jadi, tema nu kieu mah memang pasti rada lojor. Ja aya proses perangsangan heulan... Hehehe
Dédén Abdul Aziz
Sumpah nu kieu mah lain fikmin jorang, tapi psikologis nu pikiraneun kumaha situasi waktu Mang Is nulis ieu fikmin...
Yadi Fathur
dukun logis pahili halis...Mang Is paingan kulimis... hihihih
Hena Sumarni
ih.......ngajepatna ge sagede endog gajah boa ieu mah!
Is Tuning
Kang Ahmad Yani, duka teuing kumaha éta bet jiga kitu. Da mun uing jadi Kang Yondi mah, naha bet lain nungguan na panto kamar mandi.. hi hi
Is Tuning
Kang Rohendi Pandeglang, enya kang, kudu rada ngabarabay, asa rada riweuh "ngahudang" nu kieu teh ku kecap nu hareureut. mah, duka mun ku anggoan nu heureut mah.. heu heu
Herdi Pamungkas
leuh geningan...ngiring ngagambar
Ki Balangantrang Rancakaprawa
yeyyyyyy akang nahaaaaaaaa????
Is Tuning
Kang Deden Abdul Aziz, mudah-mudahan jeung rarasaan mah sanés jorang, da teu ieuh nyebutkeun taeun atawa ngaran rarangan kalayan écés. duka mun kalebet rada cawokah mah. Tah, sim uing teu pati apal kata kategori. Ké, sugan Mang Tatang Sumarsono boh Kang Godi Suwarna tiasa masihan pencerahan.. :) Kang Den, uing nulis téh pas pisan hudang saré ieu téh, jaba rada lulungu.. heu heu
Dédén Abdul Aziz
Kacipta atuh ari gugah bobo mah sadaya pameget pasti gugah oge... Hahay!
Is Tuning
Kang Herdi Pamungkas, mangga kang...*ngasongkeun buku gambar
Is Tuning
Kang Fahry Danan Jaya, yeeeeeeey....teu naha-nahaaaaaa... heu heu
Is Tuning
Kang Deden Abdul Aziz, boa pédah kitu nya ? hahay....
Herdi Pamungkas
wios halisna wungkul?
Is Tuning
Ambuna Kaka, endog gajah sanés ngajepat, paling gé nambru ha ha ..
Is Tuning
Kang Herdi Pamungkas, mangga halisna wé ... rarayna mah ulah, da bet mirip pisan jeung uing.. ha ha
Teti Taryani
Beuh, dukun teh...!!! Moal maca ah, ta mah jangeun tilu puluh taun ka luhur...
Is Tuning
ceu Teti Taryani, ongkoh moal maca, tapi macana nepi ka mindo...hi hi
Nyimas Kanjeng Ratu Yuyu
ngiring nyirian?
Is Tuning
Nyimas Kanjeng Ratu Yuyu, ngiring ngorong.... hi hi
Nyimas Kanjeng Ratu Yuyu
ahahaha..ngiring ngorong ge tiasa janten orok ..dasar dukun edun ieu mah
Is Tuning
Nyimas Kanjeng Ratu Yuyu, tuda ngorongna sanés ku curuk... ha ha
Nyimas Kanjeng Ratu Yuyu
ku jempol kitu? heuheu
Nana Sukmana
Upami diparios DNA-na oge bakal sami geura!
Is Tuning
Kang Dadang Soekanda ? nu ieu ? cik.. kalebet porno henteu nya ?
Dadang Soekanda
Muhun nya, kumaha ari nu kieu, simkuring teu patos terang watesannana, tapi ieu mah raos matak haneut.
Is Tuning
Kang Dadang Soekanda, sanajan misalna teu kalebet porno gé, angger moal lebet kriteria, da djumlah jamléh téh kecapna langkung ti 100 :)
Yaf Publish
aya anu ngerenyed ieu teh....asa hoyong ngibakan. kabayang nyiwitna
Dadang Soekanda
Atuh paling henteu kanggo cepengan watesa porna.
Is Tuning
Kang Endang Kasupardi Ti Cisurupan, mangga badé ngibakan mah, mung kahadé dikoét... *ngasongkeun ucing
Is Tuning
Kang Dadang Soekanda, ieu aya bahasan ngeunaan eta, eu...taeun.. "Cawokah cek kamus LBSS mah hartina teh jorang, porno, resep nyebut kecap-kecap nu kudu dibalibirkeun jeung nyaritakeun sual nu matak ngahudang birahi. Jadi hartina cawokah teh teu beda jeung jorang, sedengkeun jorang cek kamus keneh nyaeta sok resep ngucapkeun kecap-kecap nu kotor bisana sok dibalibirkeun, upamana nyebut rarangan. " (kenging maok ti http://rumahbacabukusunda.blogspot.com/2009/11/ngaguar-cawokah.html)
Dadang Soekanda
Nuhun Kang Is Tuning, nembe diguar, antukna koka koka, cawokah teh bagian tina kahirupan urang ...
Godi Suwarna
:"Uhun cek kamus mah kitu, Mang Is..! Tapi upami urang ngabandungan kahirupan sadidinten, nu disebat jalmi cawokah teh biasana mah nu sok ngadongeng ku cara guguyon perkawis seks. Janten, cek pangrasa sim uing, cawokah aya bentenna sareng jorang. Jorang mah nya porno tea, 'mancing' birahi, libido. Upami cawokah mah mung sakadar mancing seuri atanapi cekap ku surti. Teu matak ngaceng. Tapi duka ketang. Ke urang diskusikeun sareng Ang Tatang Sumarsono..."
Tatang Sumarsono
Enya, ari dina kanyataan sapopoé mah, cawokah teu sami persis sareng jorang. Pamendak Ang Godi Suwarna leres. Tapi taya lepatna pami urang nyobi-nyobi ngotéktak (ngadamel) ungkara sanés, "ngalocaw" pamina.
Godi Suwarna
:"Whahaha..! Aya ngalocaw sagala...! Asa basa okemna tina ngaloco eta mah, Ang. Haha..."
Godi Suwarna
:"Aya dongengna kunaon cek pangrasa uing jorang benten sareng cawokah teh. Basa uing keur budak, di lembur, aya sepuh nu resep ngadongeng. Teu weleh diriung-riung, boh ku kolot boh ku budak. Lamun ngariung jeung barudak, anjeunna sok ngadongeng sarupaning sasatoan, Si Kabayan jrrd. Tapi mun diriung ku kolot, nya kitu, sok ngadongeng nu 'karitu', tea. Pamiarsana teu weleh tingcakakak. Kalebet pun Bapa. Budak mah ukur maling denge. Di lembur, anjeunna katelah jalmi cawokah. Tah, mun uing kalepasan nyebut kontol payuneun pun bapa, na da sok dikepret bari disentak :"Jorang, siah..!" saurna...."
Tatang Sumarsono
Ngalocaw téh tina ngalohong cawokah. Ngalohong = nyieun pikaseurieun. Ngalocaw = nyieun pikaseurieun ku hal-hal anu cawokah. Perkawis tos aya dina basa okem, duka tah. Ieu mah nu kaémut téh basa fikmin.
Is Tuning
Hareuuuh.....