Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lalakon

Kénging Aditia Gunawan
Dipidangkeun dina lapak 28 Novémber 2011 00:34:59

“Aingeun atuh, aingeun!” Rampak sora wayang bari keketrok kana kotak. “Tong ngabodor waé sia téh dalang!” Duryodana awong-awongan. “Heueuh, lah... teu nyarii!” Baladéwa nimpahan. Dalang tagiwur nénjo kotak ririyegan. Sedeng panongton geus nundutan lelenyapan. Beungeut cépot beuki euceuy ku wiwirang. Dalang luut-léét késang. Kaweur ku hiji ku dua. Kopi jeung antawacana ngan kari dedekna. “Brak!” Kotak nyingkab. Cahya ngabelesat. Sakabéh wayang tumplek na jagat alit. Parebut lalakon. Tapak dara béakeun hégak. Lalakon can baé tanceb kayon. Kariaan can baé lekasan. Pangantén ukur bisa nginghak, basa dalang dikubur dina kotak.

Komentar (17)

Irfan
beu dugi kakituna...dunya...dunya...
Kaka Djati Sukma
iyeu meureun nu disebut dunya muter teh.....
Aditia Gunawan
Irfan El Fikr: Dunia wayang tea, Kang..:)
Aditia Gunawan
Kaka Askara Sukma: Dunya mah cenah ge muter... heuheu
Irfan
muhun. eta abdi mah mani kataji ku cara ngadugikeunana. Duh karaos pisan raengna, kacipta papuketna...
Aditia Gunawan
Irfan El Fikr: Nuhun pisan pami raos mah. Mung, diemutan teh, bet sapertos gaya Kang Prebu Godi Suwarna nya?
Irfan
heuheu...nyerp rupina....
Rudi Riadi
Ngalalakon pisan ieu wayang teh. Ngan lebah "tong ngabodor wae euy"...jiga ka uing ...haha
Godi Suwarna
:"Ieu fikmin lega ambahan. Tiasa ditilik ku para ahli tina widang nu benten-benten. Tos kantenan rai ku tukang kasenian mah. Tiasa oge hancengan psikolog, sosiolog, agamalog, miwah log-log nu sanaesna deui. Siiip, 'Jang Adit..."
Shohiba Nu'man
weis, aheng suraheng, asa emut ka nu kamari pangantenan di kadaton.. hebring ang!
Yanti Sri Budiarti
Paribasa "Dalang kawasa" teh rupina tos teu berlaku da dalangna dikubur dina kotak...
Yayan Bedog Supriatna
ahéng, pama aya kocap Nyunong Suraja ieu mah panginten Nyodi Suwarna, (*laik it...laik it *)
Aditia Gunawan
Rudi Riadi: Iwal mun Kang Rudi dalang...heuheu.
Aditia Gunawan
Godi Suwarna: Kang Prebu, naha sastrawan teu disebat Sastralog atanapi fikminer sanes fikminolog..hehe.
Aditia Gunawan
Muhammad Shohiba Nu'man: Numawi, rasna mah ti dinya...hehehe. Kabita tuda.
Aditia Gunawan
Yanti Sri Budiarti: Kitu manawi Teh... nu kawasa ayeuna mah Karni Ilyas,,naha ka dinya nya? wkwkw
Aditia Gunawan
Yayan 'Bedog' Supriatna: Asa langkung merenah ngayu tingting abdi mah...hihi