Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Hijrah

Kénging Ganjar Kurnia
Dipidangkeun dina lapak 27 Novémber 2011 06:30:45

Waktos nguping Mama Ajengan tilar dunya, pangeusi pasantrén ogé umat sedih kacida. Ajengan anu tawadhu, luhung élmuna, paséhat kana Qur’an, tapsir sareng sadaya élmu alat, nu gaduh nyai mung hiji, nu teu gedag ku pangibibita dunya jeung maweuhna pulitik, ngantun dina amparan sajadah nuju netepan tahajud. Tumut kana ajaran Rosul, saharita kénéh langsung diibakan. Aya anu matak ngaracak. Waktos sarung sareng kamprétna dibuka, bréh téh tato sabungking awakna. Palebah dadana aya lambang grup koboy Bandung taun 70 an. Innalillahi. Mama mah hijrah téh sanés mung saukur nyarios, tapi nyaan sareng prakna.

Komentar (28)

Abdul Hamid M. Sastra I
wah tato deui wae. munel deui wae. numawi nu ngibakan teh kedah kulawarga, bilih aya rusiah sapertos kieu. Taun 70-an aya grup koboy BBC, Dollar, Covo's. Di sastra ge aya "ajengan" mantan anggota Covo's aya tapak tato nu dipupus dina pananganna. Wilujeng hijrah.
Teti Taryani
Subhanalloh....
Godi Suwarna
:"Wilujeng Taun Baruan..."
Rohaendi
Kapan ari titel ajengan atawa abuyamah teu aya pakuat pakait sareng tato sanes?. Kamari di tatangga kota, aya nu maot operdosis, didinya katelah tukang bobok, tukang tarok, tukang ngarusak paranti kaluar orok. Barang jasadna dimandian, breh teh tonggong jeung dadana singguriwel tato hurup arab.....
Ganjar Kurnia
Ang Godi Suwarna, sami - sami wilujeng pabaru, mugia langkung produktif deui dina kasaean.
Abdul Hamid M. Sastra I
aya pakuat-pakaitna mah. sanes hurufna. tiasa wae huruf atanapi bahasa arab, mung hartosna naon. sapertos kasidahan, apan basa arab, tapi rumpakana mah tiasa wae ngeunaan naon wae nu teu patali sareng ibadah. nu utama mah umat muslim teu kenging ditato. oge pameget teu kenging ditindik. kitu panginten.
Godi Suwarna
:"Ang Ganjar Kurnia, : Aaamiin...! Mugia..! Mugia, Ang..."
Ganjar Kurnia
Ang Rohendi Pandeglang, seratan naon tah huruf Arab na teh... bisi we " anid adad 'aya 'otat"....dina dada aya tato
Ganjar Kurnia
Ang Abdul Hamid M. Sastra, upami kanyataan na parantos ditato, teras tobat nasuha.... Alloh langkung uninga.
Abdul Hamid M. Sastra I
sapuk kang. kitu maksad teh
Asep Salahudin
gening Umar bin Khotob teh pentolan grup koboy Bandung taun 70? Wilujeng pabaru 1433, Kang.
Ganjar Kurnia
Asep Salahudin, leres Umar Bin Khotob oge kapan mantan Jeger Mekah
Hadi Aks
Wah...! Mugi2 ieu fikmin sing kaaos ku dulur2 nu msh tuhu nyangga papancen janten preman di Leuwi Panjang srg Cicaheum!
Ganjar Kurnia
Ang Hasi Aks, kumaha nybarkeunna.
Ahmad Fawzy Imron
Neda widi..ieu fikmin bd diaoskeun payuneun jamaah. Kaleresan nuju dina acara mapag taun baru hijriah..
Ganjar Kurnia
Sumangga mama
Hadi Aks
Diprint we, Kang! Teras foto copy. Rudi Riadi saurna siap ngabagi-bagi ka preman di terminal Cicaheum & Lw Pnjg mah!
Rudi Riadi
Kang Hadi, haha..weuh siap pisan, pahalana dobel, nya jihad agama, nya jihad fikmin rupina mah, teu acan lektop ti Kang Ganjar, sebagai penyebar paling jihad...
Jojo Johari
Jadi kagagas ka pun guru nu pupus Kemis, 28 Februari 2008, pk.19.15 wib di RS.Pondok Indah.
Ganjar Kurnia
Nyaeta, aya lektop dua deui kangge acara februari we.
Rudi Riadi
Wah, siap-siap ah, abdi ngadamel fikmin, Kang. Februari mah tangtos temana "Valentine"...hehe.
Yadi Fathur
... Subhanalloh
Rohaendi
Ceuk kolot geh, daluang nu aya tulisan Arab, kudu disuhun Ka. Bari teu apal naon boa eta tulisannamah. Nu ditatokeun geh kitu eta doangnamah. Mugia taun anyar hijriyah ieu jadi pangingetan urang.
Hadi Aks
Kang, rencana hrt bd pameran fikmin deui dina KIBS tea, kmh?
Rohaendi
Ka Hadi; sumanget ah mikminna, pang kailukeun heuheu... Ngimpi kalee!!!
Nazarudin Azhar
karaos pisan "hijrahna"...
Ganjar Kurnia
Ang Nazarudin Azhar, dipapantes we pedah dinten taun enggal.
Ganjar Kurnia
Ang Hadi Aks, pameran urang rarancang. Can patotos sareng seksi na.