Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Potrét Kamiskinan

Kénging Rudi Riadi
Dipidangkeun dina lapak 26 Novémber 2011 14:19:30

Hiji média Barat, ngutus wartawanna sangkan ngaliput ngeunaan kamiskinan di Indonesia.Karék ogé saminggu éta wartawan geus boboléh, tuluy balik deui ka nagarana, padahal mah dibéré waktu sabulan.
“Dongéng nu salila ieu ngeunaan Indonesia miskin téh bener-bener dongéng. Kuring kukurilingan, parkir restoran pinuh ku mobil méwah. Supermarkét pajejel ku nu balanja. Mobil motor pasuliwer di jalan raya. Teu, teu aya potrét kamiskinan hiji ogé,” pokna ka pingpinan redaksi nu keur anteng ningalian poto hasil liputan.
“Ari ieu naon? Rébuan jelema pagelek-gelek. Keur ngantri sembako, lain?” ceuk pingpinan bari nembongkeun hiji poto.
“Ih, éta mah jeprétan saméméh kuring mulang. Nu keur parebut antri meuli BB. Kuring gé miluan,” ceuk wartawan.
“The Magic Country….!” Pamingpin rédaksi gogodeg bari kumecrék.

Komentar (12)

Dédén Abdul Aziz
Surealis pisan...
Teti Taryani
Seuri koneng kang Rudi Riadi... ngelemes... tuda eta wartawan teh nganjangna teu ka pakidulan...di kota wungkul...
Rudi Riadi
Sedih, tuda Mang Deden, di tempat sejen mah jelema teh masih ngantri sembako, ngatri air bersih. Ari ieu mani roang media nu nyaritakeun antrian nu meuli blekberi.
Rudi Riadi
Ceu Teti Taryani, muhun kedahna mah, nanging ieu mah supados tragik - ironik wae hehe....
Yadi Fathur
Wartawan jujur ngan kaburu dititah mulang ku mentri pembangunan.. bari dibahanan amplop.. bener2 tragik - ironik..nik..nik
Godi Suwarna
:"Okeeeeh deeeekh...! Beunghaaar urang teh...! beunghar ku huntu.. heuheu..."
Endah Dinda Jenura
satengah harga! satengah harga! siapa cepat dia dapat! buruan sebelum kehabisan!
Ahmad Fawzy Imron
abdi ge ngiring ngantri, kang..mung teu kabagean..lepat atuda. ari batur ngantrina di jakarta, abdi mah ngadon di stasiun kiara condong..
Rudi Riadi
Kitu da pejabat urang mah Kang Yadi Fathur. Teu sadaya wartawan nu harot dibere amplop. najan pejabat ngasong-ngasong oge.
Rudi Riadi
Kang Godi, haha...seueur waos, bari teu gaduh artos...nyamossss! haha..
Rudi Riadi
Endah Dinda, euh kutan Euceu salesnna teh...?
Rudi Riadi
Kang Ahmad Fawzy: haha..ari Kang Uzy, tah, ieu pangarang nu sok ngadamel komen "renjagan" teh...hehe. heuheuy...