Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Hadé Piara

Kénging Dadang Soekanda
Dipidangkeun dina lapak 25 Novémber 2011 20:51:06

Teu panasaran. Najan lila babarengan, tapi masih méré kasugemaan. Moal rék nuturkeun kahayang. Moal rék jabrah. Karasa ari diapikan mah. Lemes, nyelesep. Keun wéh, tong hayang panjang, da anu merenah mah ditololkeun saeutik. Mun diteueulkeun, pareng manggih nu seuseut, teu kudu tarik ngungkedkeun, moal matak nyeri cangkéng. Sok lelenyapan inggis teu merenah ngadedetkeun. Kataji, handap taya robahna, angger sepet, teu nyeredik. Ari liang nu luhur mah kajeun gudawang ogé, bongan sagala asup. Diusapan, ditiupan, terus diminyakan. Nyaah, hésé neangan gantina. Sugu diilikan, diasupkeun deui kalayan tarapti kana jero peti.

Komentar (58)

Rin Riani
Janten tukang kayu ayeuna mah kang Dadang Soekanda teh,...???
Ahmad Yani
Na kalimah kahiji hate mimiti ngageter!, maju ka kalimah ka dua angen jadi ratug, nepi ka kalimah katilu bulu-bulu ting sariak, lumpat ka kalimah ka opat awak jadi ngadegdeg , asup ka kalimah kalima letah bet kutap - ketap......... Pas maca kalimah panungtung ....Orolo we utahhh !!! ( bedus teh ,,,,sihoreng keur ngomongkeun sugu !!! heu heu heu !!!)
Endah Dinda Jenura
fikmin sugestif, xixixi! --gagibrigkeun uteuk abi nu ngeres
Dadang Soekanda
Sadamel damel Teh Rin Riani, naon bae anu miwarang kadang malik malikeun kenteng nu teu acan tuus.
Dadang Soekanda
Damang Kang Ahmad Yani, puguh mani asa sararono, kapaksa meupeus keuyang, nuju pailit ku Neng Fikmin teh. Kumaha damang?
Ahmad Yani
Ha ha ha ha ha ...Tos tilu dinten sim uing kokotetengan, milarian Pangersa di ieu lapak !, weleh teu kapendak, sora mah tos langkung ti serak, siga Sukasrana nu kokoceakan milari Bambang Somantri. Pantes atuh ...da Bambang Somantrina ge, nuju nyonyoo Sugu ...( Duka seukeut , duka mintul ...heu heu heu ) Haturan Kang Dadang !!! wilujeng tepang deui ! heu heu heu !!
Teti Taryani
Naa... Kang Dadang teh ka mana wungkul? paingaann... teu embol-embol... horeng simanahoreng ngalih pacabakan nyah? heuheu... goreng tungtung....!!! sugan teh...
Dadang Soekanda
Teh Endah D J ari niat mah ngajak ...batur ka lebah dinya.. tapi kalah sim kuring anu popoyongkodan..duh sieun teu kuat we..
Gus Manz
:" upami Bor kinten-kinten kumaha?, diantos fikmin na!".
Godi Suwarna
:"Haruuuuh, nikmaaaaaat....! Basana, wirahmana, heureuyna...! Gustiiiii....! Tobaaaaat....! Maca fikmin ieu mah asa ayun-ayunan. Beuki lila beuki tarik ngayunkeunana. Tungtungna ngabelesat ka awang-awang, bari pohara bagjana. Luaaar biasa..! Bawirasa, heureuy urang Sunda teh kudu nepi ka jadi fikmin nu model kieu. Ampuuun, Mang Dadaaang...! Uing serah bongkokan...! Tabeee, nuuuun....!" (tuluy ngincig, rek ngasah deui fikmin nu mintul keneh)
Dadang Soekanda
Sim kuring gering nangtung ngalanglayung, nyareat kaditu kadieu. Angger Kang Ahmad Yani, tulung kang, abdi tos teu kiat, wirang, era ku batur salembur, geus mineng babarengan jeung manehna.. Hampura Kang simkuring teu cios janten mantu Kang Hatta R...duh nasib...
Dadang Soekanda
Teh Teti Taryani, meni teu nulungan ka tatangga teh. Nuju kapapaitan, da eta jang Ibas, abdi putus jeung manehna. Kana kayu teh wireh di SMKN 1 aya proyek bangku 3 rohangan..
Ahmad Fawzy Imron
katampi pisan ieu mah..wareg maca fikmin teh. kumplit kang..asa nembe mendakan, nipu tapi halimpu..hehe
Yadi Fathur
Sugu saha?
Dadang Soekanda
Kang Gus Manz, ieu mah lawanna, rupina bagean kameumeutna Dewi Persik, margi langkung lega wewesenna kana masalah goyang mah
Teti Taryani
Ssstt... tong geruh dina ieu lapak atuh sual proyek mah Kang Dang... bisi aya nu malak uang dengar keh..!!
Dadang Soekanda
Teu pisan pisan, teu payus, teu maksad nglalangkungan saneskanten diserat numutkeun nu dipisaur Kersana Kang Perbu, kintenna mendak kasugemaan mangga bae nyanggakeun Dewi Persik, moal bade ngahalang halang. Hatur nuhun Ang!
Ya Soebarta
Edaaas, ku teu katakis etah palebah sugu na...!! beu! Asoooooy kang Dang!! ngalageday heula ah..!!
Dadang Soekanda
Alhamdulillah, saupami Ustd A. Uzy Imron, wareg mah, manawi eta besek bilih mubadzir, punten...
Heni Sumarni
kang dadaaaaang....aya ku kasep nya eta sugu?
Dadang Soekanda
Kang Yadi Fathur B, bade nganggo sugu? raos Kang sagesreutan kana raray simkuring ge lemes.
Ejang Hermawan
: ih!, meni jiga sugu.. euweuh kacape..
Dadang Soekanda
Ke atuh rada tahan Kang Ya S, paur bilih mayunan ngalageday, upami tiasa mah sareng.
Dadang Soekanda
Teh Heni S, atuh teu kenging dilabaskeun, piceun " ete sugu ". sing jujur geura sapertos teuterang simkuring.
Heni Sumarni
GR agan!
Dadang Soekanda
Kang Ejang Hermawan, hayoh we munur maju, ngetm puguh deui, da moal pinuh pinuh..
Dadang Soekanda
Lah sanajan Teh Heni Sumarni, teu ngangken, tapi simkuring tetep nolak mun disebat geulis..
Heni Sumarni
heuheuheuheu...
Rudi Riadi
Hebat Kang Dang,...ku objek anu "teu pira" , tiasa janten fikmin anu endah. Rumaos katpu ngawitanana mah.
Dadang Soekanda
Duka puguh upami dilenyepan Kang Rudi R, neng Fikmin minggon-minggon ieu masalah pertipuan we, Komo potret murag mah, rek mupuas dina komen, teu tulus janten emut ka indung...masih keneh medenghel..yeuh..
Rudi Riadi
Hapunten atuh, tapi abdi ge nguping kecap "sugu" janten emut ka pun bapa, anjeunna teh ti kapungkur kana mebel, dugi ka ayeuna ngeureuyeuh..teu kantos bosen. Leres eta teh, sugu kameumeutna disimpen dina peti ageung, ngahiji sareng ragaji, kikir jsb..duh rada nyeak yeuh nyeratna ge kana cipanon.
Tanti Damayanti
emhm,,,,,,, kutan,,,,,,
Dadang Soekanda
Aeh Teh Tanti Damayanti, nembe terang, da tos lami di jasa kartini..
Yanti Sri Budiarti
Deuh..manawi teh naon...sugu! he he
Nazarudin Azhar
Abdi ge boro geus rada ngalenyap..singhoreng etaeun...sugu hehe
Dadang Soekanda
Bu Yanti Sri Budiarti, nembe wantun kana sugu, nu sanes mah teuacan aya nu miwarang, bade sugu?
Yanti Sri Budiarti
Hatur nuhun...Mangga lajengkeun nyugu Kang...:)
Dadang Soekanda
Ngagilek Ang Nazar, teuacan kahontal nu palih ditu mah..
Dadang Soekanda
Mhun atuh bu Yanti Sri B, simkuring bade ngagesruk deui, aya sugueun mah teu kenging asa asa, ...tuang we... eh wartosan we..
Yanti Sri Budiarti
Sip ah!
Hadi Aks
Hehe.... Kayungyun ku kecap 'ngungkedkeun' pun uing mah, Mang Dang!
Maspri Dkc
Tina ngungkedkeun kana moal matak nyeri cangkéng, nyurup ngundang imij...
Godi Suwarna
:"Seueur nu kayungyun ku kecap ungked. Tos we atuh Kang Dadang Soekanda teh cuang landi janten Dadang Ungked... heuheu..."
Teti Taryani
Ngacung, kakang Godi, abdi sapuk! Wilujeng tepang Kang Dadang Ungked heuheu... keren!
Dadang Soekanda
Ngambah kana basa umum Kang Hadi Aks, utamina sieun teu parok jeung batur, pan eri kieu mah Akang ungked, simkuring ungked, hayu urang ungked berjamaah..
Heri Awie
Heuheu...
Dadang Soekanda
Mamanawian Kang Maspri Dkc, aya nu ka giring, tapi da geuning alhamdulillah... aya nu ngiring ka simkuring moyongkod nyepeng palangkakan....
Dadang Soekanda
Aduh aya untungna elmu jurus modol dipake meupeuh sugu, Ang Perbu Godi S, komo tadina mah sanes ungked tapi... engkug..alah leuwih bahaya...
Dadang Soekanda
Teh Tetiiiiiii, cing atuh bela lain ieu mani pang ceupna ngadukung, piraku Tasik jadi kota sagara ungked...
Teti Taryani
Yee... pan matak ngadukung ge ta teh bating ku bela ka batur salembur,,, bari aceuk milu ngetop... Kuma we atuh kang Dang carana hoyong ngetop mah... heuheu...
Dadang Soekanda
Ieu kumaha kalebet porno teu nya ?
Dadang Soekanda
Waduh mani reuwas, hatur nuhun Pangersa Mang Yaya, ti kawit kintunan iraha anu dipeunteun teh ?
Godi Suwarna
Dadang Soekanda:" Mang Dang, dina basa Sunda aya istilah jorang sareng cawokah. Cek pangrasa sim uing, jorang teh nya porno tea, mancing birahi, libido. Upami cawokah mah mancing seuri. Tah, cawokah tos janten salah sawios ciri urang Sunda nu resep banyol tea. Tapi duka numutkeun Ang Tatang Sumarsono. Cobi cuang antosan pamendakna...."
Dadang Soekanda
Hatur nuhun Pangersa Mang Yaya, kana saembarana oge kana wartosna. lah nu ieu mah rada laas, ke urang ngotekitak deui..
Shohiba Nu'man
Halah, nembe kaaos.. heuheu... ebel teh, ngalengak sim uing Mang Dadang..
Gus Manz
Godi Suwarna : "Cek pangrasa sim uing, jorang teh nya porno tea, mancing birahi, libido. Upami cawokah mah mancing seuri." Sim Uing :" Janten teu dimasalahkeun naon nu jadi eupan na, Kroto nu hanyir, atanapi Cacing Kalung, Jupe atanapi Depe. Siph Dekh".
Abdul Hamid M. Sastra I
jorang sareng cawokah teh leres aur Ang Godi Suwarna. eta kasauran teh kantos dibahas ku alm Ajat Rohaedi dina hiji seminar. o yes
Dadang Soekanda
Hatur nuhun Kang Muhammad Shohiba Nu'man, lawas teu dilongok, kumaha damang nu anom...aeh pun bibi maksad teh.