Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Samar Polah

Kénging Echa AnggieAni
Dipidangkeun dina lapak 24 Novémber 2011 09:29:59

Ter. Hape ngageter. Aya SMS asup. Reg. Mobil diparkirkeun ka tempat nu rineh. Leng. Mimiti lieur. Enyay-enyayan. Semu koneng. Poek. Caang deui. Rot aqua gigireun. Maksudna mah keur ngurangan kabingung. Mimiti samar polah sanggeus maca SMS. Dibaca deui. Hape ngadadak beulah opat. Ngahuleng. Gap kana setir. Setir coplok tina bosna. Bingung. Nanggeuy gado. Gado manjangan. Beuki samar polah. Ngusap dada. Jantung jeung hate patingburisat kalaluar. Lieur ningali getih. Leng. Leng. Leng. Sirah dipencetan. Teu karasa nanaon. Beuki tarik mencet sirah. Cleng. Sirah kaluar tina jandela mobil...

(nyanggakeun, mikmin ka-6)

Komentar (50)

Mahpudin
beu, kutan kitu... ckckckck... "sirah asup deui kanu mobil, barang aya sms ka 2, "anda ikut sertifikasi"... heuheuheu...:)
Godi Suwarna
:"Siiip dekh...! Eusina aheng. Imajinasi nu jalingeur alias lincah pisan. Ngetikna ge tos apik. Beres. Resep macana. Fikmin Neng Echa tambih neuhneur. Asoooooy...! Dilajeng, Neng..!"
Èka Anggiani Iman
aeh eta gening Kang Apoed sareng Kang Godi nuju piket, nun? Nuhun...
Èka Anggiani Iman
Kang Apoed, halah emut keneh kana saritipikasi? Nuhun... Du'a di hari jumat ceria. Uhuy. Amin, ah...
Èka Anggiani Iman
Kang Godi, leres ieu teh, nyaan? Alhamdulillah. Gado sareng pangambung nu manjangan teh ayeuna mah. Nuhun. *wios tina hape oge, heu...
Yadi Fathur
haduh... ngajelegur... reuwas ka reurehnakeun saparantos maos ieu fikim... "Eh dupi ieu fikmin atanapi nyata bu?"
Èka Anggiani Iman
Kang Yadi, nyata Kang... Panangan mah hideung ngalereskeun setir, gado, dada, mastaka. Ditiung deui. Dilipen. Gas mobil alon-alon. Lebet gigi 1. Jegur. Gubrag. Nyusud dahdir.
Ernawati Siti Syaja'ah
Kabayang nu milarian mastaka dugi ka lungleng, sihoreng kasakuan sareng hp. Hehe
Teti Taryani
Laahhh.... mani reuwas! Etah, mastaka dugi ka mecleng kitu...!!
Jojo Johari
Hoooor, kumaha merenannana? Hareueuh?!
Èka Anggiani Iman
Teh Teti, Kang Ita, perenaneun sakitu seueurna. Kantenan hiji- hiji, hee
Endah Dinda Jenura
sedaaaaappp...
Èka Anggiani Iman
slurup... *oek HAAA
Èka Anggiani Iman
eh, punten teh erna, hape abi disakuan diujung sarap memori... *ngorehan eusi mataka
Rudi Riadi
Hebaaaat, imajinasi liar ..kacipta bade nyisiran, mastakana tos teu aya.
Èka Anggiani Iman
Kang Rudi, bongan dipiwarang liar... Mastaka ge liar. Heu... *aduh, amit-amit
Rina Ismaya
mastaka tos ngacleng ge masih tiasa ngadongeng nya..ha..ha
Is Tuning
Mastaka mancleng. gorolong asup ka warung baso. pasanggrok jeung ucing nu keur ngalamun, tuluy papelong-pelong jeung ucing. Tina mastaka ujug-ujug kaluar jangjang, hiber ka langit nu ceudeum. ngapung ka luhur, beuki luhur. Dilangit, panggih jeung superman, panggih jeung gatotkaca, nu rék nyaraba ka bulan..
Mahpudin
dibulan geus di samprakeun lalawuh ku nini anteh, gening, sabot urang daratang teh geus aya neil amstrong, harry potter, laju ceu echa sasauran.."arisana di kocok ayeuna wae kitu". heuheuheu....
Tatang Sumarsono
Kacaritakeun, éta sirah anu kaluar tina jandéla mobil téh terus lapor ka kantor pulisi. Pokna, "Enggal tulungan. Itu aya HP beulah opat." Lajeng pa pulisi marios kana lebet mobil. "Geuning lain beulah opat. Ieu mah ukur beulah dua," pokna saentos nyingkabkeun raksukan.
Èka Anggiani Iman
rina ismaya, ngadongeng supados rame tong cabrut wae nu kaluar ngabaseuhan pamiasa teh, ehehe
Is Tuning
Mang Tatang Sumarsono, naha ulak ilikna téh kabeulah dinya ? ha ha
Èka Anggiani Iman
kang is n kang apoed, kantenan resep jeung pikabetaheun pisan di bulan teh. Mun pareng harayang nginum maranehna nandean cimata dina helm...
Èka Anggiani Iman
Kang Tatang, rupina pulisi di Cibiru mah calakan kitu nya? Teu tega neraskeunna, ah...
Tatang Sumarsono
Jang Is Tuning jeung Néng Echa AnggieAni jigana asosiasina ka nu séjén-séjén, nya? Mun dicindekkeun mah patali jeung porno. Cobi tuduhkeun, lebah mana pornona? Hayu urang diajar mikir jeung Akang. Urang diajar telik kana ungkara. Sapuk?
Mahpudin
tah, sok diguar kang, bari abdi diajar... sapuk abdi mah... leres da abdi ge mikirna porno... heuheuheu....
Mahpudin
abdi mah asosiasi belah dua dinu raksukan teh kanu belahan dada istri.. heuheuheu....
Is Tuning
cik Mang Tatang Sumarsono ... hoyong diajar ungkara *ngadepong bari melong
Tatang Sumarsono
Ih, cobi tuduhkeun heula. Engke ku Akang dijawab.
Ganjar Kurnia
Nu lieur beuki neuhneur, beuki beuneur
Èka Anggiani Iman
kalimah saentos nyingkabkeun raksukan eta panginten nu janten matak... *mencari kambing hitam, hii
Tatang Sumarsono
Aya deui, teu? Cobi aos sing telik.
Èka Anggiani Iman
...
Èka Anggiani Iman
kenging taluk teu?
Is Tuning
Nu beulah dua mang...
Mahpudin
hmmm.. dina ungkarana emang teu nyebatkeun nyingkabkeun raksukan belah manana.. hehehe.. janten emang teu porno..:) dibulat beulit sareng ungkara beulah dua ku pikiran, padahal eta mah sidik HP anu dipermasalahkeun pikiran jadi kamana mendi.. asa jiga janten dektektif... hehehehe...
Èka Anggiani Iman
ehehe hebat kang apoed! Dan sebagai penulisnya, bet ku hilap, ti tadi ge teu dicarioskeun gender manapun. *halah...
Tatang Sumarsono
Asosiasi porno Jang Apoedy jeung Jang Is Tuning dumasar kana ungkara "beulah dua". Nu hiji tujulkeun kana dada, nu hiji deui teu dijelaskeun. Heug lah. Ari Néng Echa mah kana nyingkabkeun raksukan. Pék lah. Tapi lamun "beulah dua" ditujulkeun kana asosiasi Jang Apoedy (dada, cenah), jeung kana asosiasi duka naon (Is Tuning teu ngajelaskeun), caritaan pa pulisi téh kudu kieu, "Geuning lain beulah opat. Ieu mah angger wé beulah dua kawas sasarina." Anu aya dina tapsiran Néng Exha tos dijawab ku Apoedy.
Is Tuning
ha ha ha.. mun beulah opat, karék ahéng nya Mang ? horéng laporan téh teu saluyu jeung barang bukti di TKP
Èka Anggiani Iman
nuhun, Kang. Rumaos kirang istigpar hehehe.
Mahpudin
duh, janten kesimpulan kanggo diri abdi mah.."dasar weh omes".. hahahahahaha.....
Is Tuning
diajar ungkara téh perlu, keur dipaké mipindingan hal-hal anu ceuk batur mah jorang. Tah pami Mang Tatang Sumarsono teu kaabotan mah, mugia kersa ngaguar ngeunaan ungkara. okeh mang ?
Tatang Sumarsono
Maca hiji karya, komo fikmin nu ngan sauted, lamun teu telik jeung enya-enya ngarti kana harti saban ungkara, bisa-bisa urang kajiret (terjebak) ku tapsiran sorangan.
Tatang Sumarsono
Sakitu wé, nya. Sugan aya pulunganeunana. Mun Akang salah, ulah ieuh digugu.
Èka Anggiani Iman
hatur nuhun... Tah pamiarsa, rupina dongeng ti wa kepoh sakieu heula. Hatur nuhun kana jempol sareng komen anu mingkin ngadorong sim kuring kana kamajengan berfikmin. Pung, nu ngapung urang apungkeun ka bulan tea... Wassalam
Ganjar Kurnia
mastakana telas lesot, kaleresan caket pom bengsin aya puntung. Ngajelegur, kapendak ku budak pasantren, diangge mengbal ngalawanan malaysia. Eleh adu pinalti.
Èka Anggiani Iman
kang ganjar? Mangga we nya mengbal heula... Abi nongton... *bari dagang es
Èka Anggiani Iman
kang cicara, saparakanca, nuhun jempolna...
Bening Selakshahati
Echa AnggieAni@ dupi mobil na paburincay teu bu ?
Èka Anggiani Iman
teh bEning, mobilna mah mulus pisan. Taun 2010, bade ditawis sbrh atuh? Heu...