Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Jangji

Kénging Teti Taryani
Dipidangkeun dina lapak 24 Novémber 2011 09:26:24

“Teang paraji… gancangkeun Ujang… ning kalah ngahunted!” Asa kabur pangacian. Gancang ngaboseh sapedah. Kur lima welas menit Nini paraji geun asup ka kamer. Pamajikan aduregeng… Kesang maseuhan awakna. Ramona nyekel pageuh kana kasur. Brol teh, teu sakara-kara. Nini paraji ngajerit basa nampanan orok nu karek medal. “Ieueung….” Kulahek weh, kapiuhan. Rikat kuring nampanan orok . Hah? Ampir we dialungkeun, bakat ku reuwas. Nyeh anak buhaya seuri. Luncat ngadapong kana dada. Ngambeuan beuheung kuring. Naa … gewewek teh beuheung kuring digegel tarik naker. Anak buhaya dibetot, kalah beuki tarik ngegelna. Leng… leng … “Gugah, Apa…! pan bade meser boneka buhaya…!” Si bungsu gegerewekan ngageubig-geubig awak.

Komentar (21)

Godi Suwarna
:"Wah, wah, wah...! Ieu fikmin Neng Teti Taryani nu tos lami diantos-antos ku sim uing. Asak pisan nu ieu mah. Irit kecap. Tapi lega sawangeunana. Kacipta, Si Papap-na buaya darat. heuheu.."
Mahpudin
duh, mun ningal lalakon ngimpena mah, sanes digeubig" awak teuing, aya buaya teh... heuheuheu..:)
Èka Anggiani Iman
Teteh... Siip!
Ernawati Siti Syaja'ah
Matak ge teukengeng jd buhaya nya teh, bisi digegel buhaya...
Teti Taryani
Hatur nuhun, Ang Godi, mudah-mudahan we si papap janten introspeksi supados teu katalanjuran ...
Teti Taryani
Kang Apoedy, uhun kitu pisan... Neng Echa hatur nuhun... Neng Erna keun isuk jaganing geto ge bakal karaoseun karmana... *hehe bari kekerot ...
Yadi Fathur
lalaki buhaya darat ngimpen gaduh orok nu kaluarna tna lobang buhaya, digugahkeun ku putrana nu hoyong boneka buhaya
Teti Taryani
Janten lengkep nya, Ang Yadi?
Rohaendi
Leuh boa mun boga anak bisa Mikmin, kula geh dilalakonkeun kieu yeuh...
Jojo Johari
Eta teh tandaning! Waspada! Hareueuh!?
Hadzy Dkc
TT...sugan teh lain ngimpi,padahal digegel buhaya mah pan tos biasa...!!!
Teti Taryani
Waduh, Ang Rohendi Pandeglang, pan Aang mah sok rikip, piraku katohyan ku tuang putra... heuheu...
Teti Taryani
Kang Hadzy Dkc, muhun ari tos biasana mah... ngan ettahh.... ari katohyan mah angger we.. matak katurelengan...
Endah Dinda Jenura
sugan teh bade horor apek teh janten bodor, heuheu! ceu Teti tiasaan gulak-gilekna....
Hadzy Dkc
@Nya ari katohyan mah pan th TT mah pinter ngagilekeun basana,teu pira digeol sakedap ge beres...heuheu....
Teti Taryani
Padahal gulak-gilek teh biasana pami nuju ngalatih ibing ka murangkalih wungkul ari ekskul, Teh Endah... Kang Hadzy Dkc ...
Is Tuning
Asik ceu Teti Taryani. imajinasi nu uclang acleng, jiga ngimpi mun keur muriang. *ngasongkeun jempol
Teti Taryani
Kang Is, Ih, ning apal aceuk keur muriang? Buru-buru jempol dirontok bisi kaburu digegel buhaya... heuheu...
Ahmad Fawzy Imron
Meni tegep fikminna..sakumaha biasa, lima jempol, ceu..
Teti Taryani
Hatur nuhun Kang Ahmad Fawzy Imron, asiiiik jempolna bade dipiguraan ah!!
Hadzy Dkc
@ Kuring mah teu hanjakal jadi urg sunda,duh Gusti, kusaromeahna matak cenghar kana hate nu reup bray...!!!!