Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Teu Tiasa

Kénging Bibie Dayank
Dipidangkeun dina lapak 23 Novémber 2011 22:31:23

Lieur teu kaetang duka kenging sabaraha balikan otak muteran rohangan Fiksimini , lebeng taya hiji kalimat anu kapanggih. dikorehan unggal kecap sugan nyelap dina hate tetep kosong, disingkaban unggal hambalan pikiran weleh teu katingal. Tungtungna mah ngahuleng bari ngagerentes geuning bodo nya diri kuring teh

Komentar (37)

Ki Reumis Perbawateugandang
Fikmin#sami# Bet asa kawakilan,rasa rumasa nu ngarobeda,bet sarua.. rumasa diri teh teu bodo-bodo acan.
Jal Al-Wahid
ngariksa kana diri leuwih hade tibatan sholat 70 tahun.
Yadi Fathur
Dibaca bulk balik. Dipikiran naon yeuh pikomentareun? Tungtungna mah ngahuleng bari ngagerentes geuning bodo nya diri kuring teh
Kang Hanjuang Siang
Fikmin#TUTURUT MUNDING# asa bener asa henteu...asa aya asa euweuh......
Bibie Dayank
heheee leres pisan atuh da kang Reumis Janari Kasep Meueusan lieur hyng sapertos nu sanes ach ,, muhun kang Jal Niffari kumargi kitu ach saaya aya wech da sanes teu hyong sapertos nu sanes, sugan sinareng sugan bakat ku diasah mah molodok ieu jempol balas mupusan kertas heheh aaach kang Yadi Fathur Berkata mah sok tuturut munding nyaaa,,
Bibie Dayank
eta deui Kang Hanjuang Siang leres2 Tuturut mundingna teh nyaaa heuheuy deudeuh,,
Kang Hanjuang Siang
Fikmin#LIEUR# Puguh susah neangan bener mah,di teang ngidul ngaler deui ngaler deui,diteang ngulon ngetan deui ngetan deui. duka di mana galeuhna...
Ki Reumis Perbawateugandang
fikmin#kabita# ari kahayang mah bet mokaha..luhur mapakan langit,hayang kawas batur.ngan geuning kamampuhan nu deet keneh..
Bibie Dayank
nu namina jalmi taya nu pinter dijero beuteung geuning saur sepuh mah Kang Hanjuang Siang, dina daluang sareng papada urang panginten galeuhna teh nyaaaa,,?? nyaaa mamanawian atuh kang Reumis Janari Kasep Meueusan kuseringna diasah otak sareng pikiran teh rada seukeut pangrasana nyaaa,,
Ki Reumis Perbawateugandang
fikmin#ngajurung# sok atuh kang sing soson dina milarina..ieu ongkosna hapunten pami kirang ukeun tambihna ka ci ibie
Herdi Pamungkas
Fikmin #Bingung# Neangan kalimat anu merenah, ngotektak basa anu payus, teu mendak ahirna bingung ngahurunbalung...
Bibie Dayank
hapunten kang Reumis Janari Kasep Meueusan sanes abdi gadduh sifat tega tapi dalah dikumaha geuning sakieu ayana , bade wakca balaka bujeng2 kanggo mairan nu sanes dalah kanggo masihan pamair ge duuuh kalintang seuseutna,,
Ki Reumis Perbawateugandang
fikmin#gede harepan# najan cenah susah rek ngalengkah,najan beurat rek ngalengkah tapi mun urang boga paniatan nu kuat tur di baregan ikhlas.Insya Allah tinekanan
Kang Hanjuang Siang
Fikmin#CALUTAK# Ari resep mah resep ka Jajaka kasep teh,ngan hanjakal goreng adat,goreng patut,goreng dodonges,jeung sabangsaning goreng liana,omat Bibie Dayank.ulah ka goda kunu Calutak.
Ki Reumis Perbawateugandang
fikmin #sadrah# teu sawios ibie...abi ge sami sok ngahanakeun ka salira,loba tamelar kanu jadi sepuh...urang silih bebaskeun we.."ceuk dina hiji paguneman
Is Tuning
asik... fikmin na jero fikmin.. :)
Bibie Dayank
ngahuleng miraga meneng kang Herdi Pamungkas , tibatan urang taya pisan nyobian langkung sae nalegtog pan urang teh gaduh baraya susuganan aya nu lingsir manah kersa nungtun ,
Bibie Dayank
iiih paan saur profil abdi ge moal ngakeul mun teu ngakal , moal ngarih mun teu ngarah sanes kitu kang Reumis Janari Kasep Meueusan,, heee moal resep kanu Calutak abdi mah Kang Hanjuang Siang,, pami kanu nalaktak sok panasaran hyong terang naon paniatan dina nalaktakna teh,,
Ki Reumis Perbawateugandang
fikmin#era# hapunten anu ka suhun ka pangersa kang Is Tuning bok bilih seratan sim kuring tebih tina tata titi duduga peryoga..rumaos abdi mah jalmi alit,ulah kendat-kendat nya nga maklum nu utami deui mugia pangersa kersa ngalereskeun pami abdi lepat.
Bibie Dayank
sumuhun ach teu hade pikeun diri pami urangg sok asa aing uyah kidul nyaaa,, komo nu laira mah langkung punjul sagala rupina kang Reumis Janari Kasep Meueusan, hmm nu leres kang Is Tuning, mangga atuh lebet kajero panginten sami kitu nyaa
Kang Hanjuang Siang
Fikmin#IKHTIAR# Najan enya oge urang ikhtiar,tapi hasil na mah kumaha nu di luhur pan Bibie Dayank,,poma ulah kalalanjonan,ulah poho ka wiwitan.kudu ngukur ka kujur nimbang ka awak,sabab jodo,pati,bagja,cilaka eta rusiah pangeran..tuh pan lieur...hihhihhi
Ki Reumis Perbawateugandang
fikmin#rumasa# ieu mah nu kaluar tina ati nu teu dilimpudan rasa nu pasalia...
Bibie Dayank
heeee pan tadi saur abdi ge lieur Kang Hanjuang Siang, da bulak balik belekok sareng rasa pasaliana kang Reumis Janari Kasep Meueusan,, anu ageung karumsaan,, hiii jangar wech aahirna mah,,
Is Tuning
Fikmin#Jalmi Alit# Kang Reumis Janari Kasep Meueusan oge Bibie Dayank, sami abdi gé jalmi alit. ameng gé sareng sireum, raksukan gé sok patukeur-tukeur sareng tongo. hoyong itu hoyong ieu gé bati hoyongna. Ngan kacumponan téh mangsa nuju ngalamun, kasorang kaanjang téh ukur dina sawangan.
Ki Reumis Perbawateugandang
fikmin#kagugu# aya ku lucu mun nitenan kalakuan hanjuang siang jeung reumis janari,kalan-kalan sok ngerakeun...siga nu enya padahal heueuh...hahahahah
Nana Sukmana
Komo upami langkung ti bingung, cacak nuju bingung tiasa janten 45 kecap nu tadi dipilarian tea...
Kang Hanjuang Siang
Fikmin#BAEU# Mun enya rasa teh aya,bagea.. Mun enya arek satia Baeu...
Tatang Sumarsono
Ameng gé sareng sireum, cenah. Sireumna téh deuih sireum anakna, katerap TBC, katurug-turug puasa 40 poé. Keur kitu téh hayoh katincak ku gajah.
Kang Hanjuang Siang
kang Tatang Sumarsono...eta palebah tongo na cacingeun...haahahh
Ki Reumis Perbawateugandang
fikmin#linglung# asa geus jauh lalampahan teh...na bet teu nepi-nepi kanu di tuju...
Kang Hanjuang Siang
Fikmin#LEKASAN# Bener ceuk Abah,dunya mah ukur wawayangan..aya wiwitan aya Lekasan...wasalam..
Endah Dinda Jenura
Fikmin#Pelepes Komen# Mimitina mah karasa ngulibek, susurungkuyan siga nu keur neangan lawang, bring ka ditu bring ka dieu, muih di jero peujit, ancul-anculan, susur-sasar... lalaunan awak disanggeyengkeun, palepes weh. total tilu puluh genep kecap. fikmin jero komen fikmin.
Ahmad Fawzy Imron
Fikmin#nungkup irung# Sabot teh endah dinda jenura ngalangkung. Aya angseu nu kuring teu wawuh. Leungeun nu keur nyekel hape, gancang disiapkeun. Paur ku mamalana. Mangkaning, nu ngora geus nungguan "aa..abdi ngantosan di kafe syailendra" kitu ceuk sms nu katarima, sabot aya pelepes nu ngaliwat
Endah Dinda Jenura
Fikmin#Pelepes Komen Mairan Komen Kang Ahmad Fawzy Imron# Tina ragragna taktak, dengdek kopeah, jeung ngaplekna kerah baju ge, saliwat geus katingali yen eta lalaki teh lungse. najan kitu, kareret aya buricak bungah di juru matana basa bieu pisan manehna maca SMS dina HP. ray awakna tembong seger deui. duh. jadi panasaran. SMS kumaha nu bisa meruhkeun kacape? lahlahan. rek ditoong ah. kabeneran aya angin ngaliwat atuh terekel, biur kuring ngawelah hawa, kokojayan handapeun irungna nu ungas-ingus. tirilik aya SMS anyar asup. kuring jeung manehna sarua tibuburanjat, haget maca: "Pah, saur Mamah langsung uih! Ulah sumpang-simpang heula bilih dihalu deui siga kamari!" kulapes. kerah bajuna ngaplek deui.... xixiixi!
Ahmad Fawzy Imron
Fikmin#nungkup beungeut# Satutas diri rengse ngagiwarkeun pelepes nu dihiurkeun ku angin peuting. Kojengkang suku dibarengan ku bungangangna rasa, incah ti eta patempatan. Bray kabayang keureut beungeut si baju beureum nu geus tilu bulan ayeuna sok kababawa dina tempat pangjerona jurueun hate. Keur anteng leumpang nuju kana panggero cinta. Aya sms nitah balik. Nitah ngalesotkeun haneutna hate nu keur gandrung. "nung..hapunten wengi ayeuna mah moal waka tiasa tepang. Aya sms ti sipir penjara rehing akang kedah mulang"
Entjep Sunardhi
Fikmin#eunteung# ku rapekan ari warga fikmin. Di jero fikmin aya fikmin,dina dongeng aya dongeng,siga ucing ucingan.Endah saperti Neng Endah DJ vs AFI. Resep lah masang enteung hareupeun eunteung paeunteung-eunteung. Tambah jauh tambah panasaran hayang sidik di mana tungtungna,
Bibie Dayank
baeu dulur teu disangka geuning diri teh teu lieur sorangan, teu ngarasa kasarung dileuweung kabingung neangan naon nu jadi pamaksadan, masih loba nu ha'at maturan lampah pikian hayang nyungsi paniatan taya lian seja nyusun carita dina lambaran FIKSIMINI,,