Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Kb

Kénging Is Tuning
Dipidangkeun dina lapak 23 Novémber 2011 22:19:01

Bu Kanjeng Ratu Yuyu, nalika petugas penyuluh Ka-Bé Kacamatan,
narosan ibu-ibu saréngséna masihan penyuluhan.

"Ibu-ibu, ngaranggo alat naon dina program Ka-Be ieu ?", Ibu Yuyu naros
"Abdi mah nganggo pél..", saur bu Téti Taryani
"Pami abdi mah nganggo spriral..", ceuk bu Bening Selaksa Hati
"Sami, abdi gé ngaggo spriral...", ceuk Nyai Endit
"Abi mah disuntik, Bu !", saur bu Endah
"Pami Ibu ?", Bu Yuyu merong ka Bu Iroh nu tatadi cicing waé

Bu Iroh gogodeg.

"Nganggo pél ?" Bu Yuyu naros
"Henteu"
"Nganggo spiral ?" Bu Yuyu naros
"Sanés", Bu Iroh gideug
"Nganggo suntik ?" Bu Yuyu naros
"Ah abdi mah isin buuu nyariosna !", ceuk bu Iroh bari kulumas kélémes
"Kunaon bet isin ?"
"Ah isin wé"
"Muhun, kunaon isinna, sawios atuh, carioskeun wé atuh da moal nanaon ieuh.."
"Aaaah isin !"
"Ih, teu nanaon, sok énggalan", Bu Yuyu nyarios deui
"Nya atuh. Tapi tong disungseurikeun nya ?"
"moal atuh !"
"Emmm, abdi mah nganggo ... jojodog", ceuk bu Iroh bari tungkul

Atuh ibu-ibu nu araya ger saleuseurian. atuda, maenya alat Ka-Bé ku jojodog.

"Maksadna kumaha, geuning jojodog ?", bu Yuyu naros deui
"Euu.. kieu Bu. Pan carogé abdi pendék"
"Teras ?"
"Tah, pami taeun téh, pameget abdi naek kana jojodog"
"Teras ?"
"Tah, pami carogé abdina tos peureum beunta, ku abdi jojodogna
buru-buru ditajong"

:D

Komentar (56)

Yadi Fathur
maot atuh panginten?
Godi Suwarna
:"Hahahaha...! Aya-aya bae Mang Is mah...! Uing ge pendek teu kitu-kitu teuing, Mang..."
Is Tuning
Kang Yadi Fathur Berkata, henteu..mung jempolna wé bareuh balas najong jojodog
Is Tuning
Kang Godi Suwarna, nyelang we ieu mah, heu heu ...
Nyimas Kanjeng Ratu Yuyu
heuheuy deuh....
Kang Hanjuang Siang
jhaaaahahhahahahah.....mantap lah....dupi Nyimas Kanjeng Ratu Yuyu ..nganggo naon kang Is Tuning?
Tatang Sumarsono
Moal komén, ah, isin ku Nyimas Kanjeng Ratu Yuyu.
Is Tuning
Kang Hanjuang Siang, Nyimas Kanjeng Ratu Yuyu mah nganggo seragam bodas-bodas harita téh.. hi hi
Herdi Pamungkas
barang jojog ditajong salakina ngagoak...."aduh ke heula kajeun paeh...!"
Nyimas Kanjeng Ratu Yuyu
padahal sareng nganggo jojodog mah mending nganggo jurus "cengkir " we
Is Tuning
*ngantosan penjelasan ti Nyimas Kanjeng Ratu Yuyu ngeunaan cengkir..
Tatang Sumarsono
Jih, ieu Nyimas balik deui kana cengkir. Boa-boa ti kamari kénéh sok kagundamkeun, kitu?
Edi Warsidi
Saparantos jojodong ditajong, caroge Bu Iroh, teras nyandak dongkrak ...
Rudi Riadi
Bener ieu mah, uing nepi ka ampir-ampiran ...najong jojodog maca ieu fikmin. Nipuna eureun, ngawadulna lanjuuuut....! sesuai prinsip...
Is Tuning
Kumaha kitu mang Tatang Sumarsono, kamari téh ngobrolkeun cengkir ?
Is Tuning
Kang Edi Warsidi, muhun nyandak dongkrak...tuluy blus diasurkeun kana kolong mobil..
Tatang Sumarsono
Moal beja-beja, ah!
Nyimas Kanjeng Ratu Yuyu
Kang Is Tuning....jurus nu pang amanna eta teh, mirah deuih teu kedah kantos ngaluarkeun waragad kanggo meser alat kontrasepsi...mung rada mentegeg wungkul kanggo jinisna mah..hahaha Kang Tatang Sumarsono..puguhan kitu dugi ka aya kereteg hoyong nyobian..hahay
Is Tuning
Kang Rudi Riadi, atuda tadi inget kana jojodog... jadi wé saliwang hi hi
Is Tuning
Nyimas Kanjeng Ratu Yuyu, owh kitu ? mirah...tapi mentegeg.. teras naon hubunganana sareng cengkir ? teu ngartos abdi mah... *api-api kerung
Tatang Sumarsono
Ari uing kudu ngajawab kumaha yeuh? Urang salénggorkeun waé kitu ku ngadongéngkeun moro? Atawa jaman keur jadi kénéh pendaki gunung? Mun ngabacokak ngeunaan penca mah moal resepeun jigana, euy. Da tadi gé masalahna mah teu pira. Heueuh, ukur tina bab ... lokét, terus kana jojodog (kasebelan tah Jang Is Tuning), terus kana cengkir. Eta deuih maké ngadongéngkeun KBh.
Is Tuning
ha ha ha....
Nyimas Kanjeng Ratu Yuyu
mangga we taroskeun ka pangersa Kang Tatang Sumarsono supados langkung paos mah Kang Is Tuning
Is Tuning
ngarérét ka Mang Tatang Sumarsono. kumisna katingal rada ngageter. ngawanikeun manéh."Kumaha mang ?"
Tatang Sumarsono
Is, naha kudu jadi uing nu nerangkeunana? Sumpah teu ngarti dékah. Heueuh, sumpahna gé daék kasép salelembur, atawa daék ngédékeun ku kénca. Tuh, Nyimas nu boga inisiatifna gé. Mun dijawab ku Akang, itu tidak prosedural dan tidak proporsional, sehingga memungkinkan ada pihak ketiga ... (*eh, naha nyieun komén kawas pidato pa babinsa).
Is Tuning
Nya atuh sawios Mang Tatang Sumarsono, tong diémutan teuing, bilih teu damang. perkawis cengkir mah urang pasrahkeun waé kanu Maha Kawasa, mudah-mudahan urang sadaya kenging petunjuk. Amiiin...
Kang Hanjuang Siang
haahha...sok api api teu apal...ari cengkir teh pan ari ngaceng ari nyingkir..hahhah
Tatang Sumarsono
Moal miluan deui wae ....
Is Tuning
ooooooh....... *unggat unggut
Nyimas Kanjeng Ratu Yuyu
saratus tah kanggo Kang Hanjuang Siang dipotong PPh 15%
Is Tuning
akhirnya, nu maha kawasa téh masihan petunjuk ka urang sadayana...
Nyimas Kanjeng Ratu Yuyu
bade dicobian kang Is Tuning?
Kang Hanjuang Siang
Amiiin...ummul Qur'an...AL FAtihah...
Is Tuning
Nyimas Kanjeng Ratu Yuyu, moal ah.. sawios. tong naros kunaon, pokona moal wé.
Nyimas Kanjeng Ratu Yuyu
ahahahaha...sieun mentegeg nya kang Is Tuning
Tatang Sumarsono
Pokona mah: kalau ada sumur di ladang, boleh kita menumpang mandi, kalau ada umurku panjang, boleh kita gali sumur lagi.
Is Tuning
Nyimas Kanjeng Ratu Yuyu, Sanés kitu, ih ieu mah.. hi hi. isin ku Mang Tatang Sumarsono.
Ki Baba Gibson
ari Nyimas Kanjeng Ratu Yuyu ngangge naon nya?? ngangge taraje kitu? hihihihi
Is Tuning
Kang Lalat Socrates, muhun .. Nyimas Kanjeng Ratu Yuyu mah nganggo taraje. "Tar ajé... ", pokna, bari lumpat...
Endah Dinda Jenura
poloyon weh, Bu Iroh ngalesotkeun ali tina ramona, rek dijual keur ongkos isuk lalajo nu hajat Cipanas...
Is Tuning
ceu Endah Dinda Jenura, hajat di Cipanas mah teu kenging dilalajoanan, da teu nanggap dagdut komo jaipongan. Jaba angkot gé moal nepi kadinya, pan pager bagus..éh, pager bitisna gé rajeg..
Nana Sukmana
Moal ngiringan sual jojodog mah, ah! Bilih ditajong!
Bening Selakshahati
moal ngiringan ah ........ bade nyumput teu kiat nyeri kulit beuteung
Jojo Johari
Jojodog asal tina kecap Jojo Doger, Jojo Dogong, Jojo Dogdog. Teuing atuh? Hareueueuh!
Teti Taryani
Kang Is, ampuun.. nyeri kulit beuteung....!!!
Gus Manz
:"Bu Iroh mah geuning resep nangtung?! Siga parasmanan zaman kiwari, dahar bari stending teu dikorsian teu dimejaan" (*Meureun pangaruh ngaran: I - Roh, i teh nangtung, roh nu nangtungkeun. )
Is Tuning
ceu Bening Selaksahati, enya tong ngiringan ah, jojodogna gé mung hiji da..
Is Tuning
Kang Tata Rukmantara, uing mah can kungsi manggih, naha jojodog téh disebutna jojodog ...
Sandi Asli Sunda
hahayyyy......untung ku jojodog, coba mun ku taraje tambah parah salakina....'
Is Tuning
ceu Teti Taryani, seuri téh saé. ngirangan kokoloteun saurna... heu heu
Is Tuning
kang Gus Manz, standing party nu kitu téh, nuju usum...
Bening Selakshahati
heup .......
Ahmad Yani
Heu heu heu .... tobaaaatttt eta jojodog ...!! untung teu diduruk ge ku salaki Bu Iroh .... he he !!
Is Tuning
Kang Jojo Johari bilih hoyong terang perkawis jojodog mah... :)
Yayan Bedog Supriatna
naha teu ku kantong kérésék wéh, Ceu Iroh?
Ade Rahmat
Teuing ah, hese rek komen oge kaburu kabawa ibu-ibu nu gakgak, jempol opat deh.