Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pangrepeh

Kénging Rudi Riadi
Dipidangkeun dina lapak 23 Novémber 2011 16:31:59

Jadi teu mirasa dahar teh, cacak di restoran gede, bari sarwa ngeunah ge ari bari ditingalikeun mah. Nu gigireun geus sugang-sigeung wae, mere isarah sangkan kuring geuwat nyieun tindakan. Antukna digeroan budak nu ti tatadi nyerangkeun teh. "Dahar?" ditawaran kitu, budak kalah gideug, bari ngareret ka nu gigireun. Kusiwel kuring ngaluarkeun dompet "Yeuh, sajuta. Ulah bebeja ka Si Mamah. Omat!" pok teh.

Komentar (45)

Rin Riani
Kang Rudi Riadi,.... mun budakna teh abdi,... bade nawis da,... kirang pa sajuta mah,....
Yanti Sri Budiarti
hihihi...Si Akang kaperego. "Bohong Jang ulah ditarima panyogok ngan sajuta mah, jig geura bebeja ka Si Mamah!" (Kabuuuur...)
Yadi Fathur
benten ari fikmin hasil pngalaman mah... matak sugema macana oge.. sipp... teraskeun ah
Maspri Dkc
Édas gulak-gilekna lah Ang Rudi Riadi mah ari ngadamel fikmin téh...salut lah.
Tatang Sumarsono
Bisi teu acan arapal, éta budak téh saéngko jeung nu méré duit. Teuing budak saha. Jeung barina gé ceuk saha sajuta? Wah, duit ti mana mani sakitu lobana. Ngahaja mikeunna bari ngomong bedas, ngarah kapuji ku anu diuk gigireunana. Jeung dina engkéna mun teu bisa mayar urut dahar, jadi boga alesan. Kadé, tong katipu ku Jang Rudi Riadi.
Maspri Dkc
@Tatang Sumarsono: Hwahahahaha
Ayém Cépian
Ieu tah tehnik nu anteng di kang Rudi téh. Maca 2 ka tilu X na kakara ngagoréhél . . . . Sikina héhé. . . !
Bening Selakshahati
eta tuang putra ku bageur nya ngantosan nu tuang , upai abdi janten putrana bade disauran da bapa...... itu mamah udur....enggal uih
Kokom Komariah
Ah etamah panyogok , budak wawuheun kanu sepuh nu gigireun minangka anyar..sieun katohyan.. satuja soteh..he..he...punten nya....
Rudi Riadi
Duh, punten ka sadayana, nembe teh dor dar gelap, janten abdi kaluar heula huhujanan, sugan we kenging batu ali...hehe.
Rudi Riadi
Ah, abdi mah mung gaduh sakitu-kituna, tuda Ceu Rin Riani. Eta ge meunang ngaharewos ka nu gigireun...
Rudi Riadi
Teh Yanti Sri Budiarti, boa-boa enya bebeja budak teh, nurutan bapana licik. duit dibawa, bebeja ongkoh...
Rudi Riadi
Kang Yadi Fathur @ Hehe..benten ari tos ngalaman mah..komenna oge siga nu kaisinan...heuheuy..
Nanang Sahbana Afnani
Baruk...dahar sajutaeun.? hahaha
Rudi Riadi
Kang Maspri, Akang nu salutna , abdi nu bobolna, sajuta...heuheu..
Rudi Riadi
Tah, di dieu nikmatna dikomentaran ku Kang Tatang Sumarsono teh, aya imajinasi anu ngalegaan. Nyipta-nyipta, sabenerna kieu, sabenerna kitu..nu nyababkeun fikmin jadi hirup pisan.
Rudi Riadi
Abi Ibn Al-khairi@ Rarasaan mah asa teu nololkeun si eta, naha bet apal? hehe...
Rudi Riadi
Teh Bening Selaksahati, rupina eta budak tos biasa ngahoyahkeun bapana...balantik pisan, cengcelenganana oge tos pinuh.
Rudi Riadi
Ceu Kokom Komariah, hehe..apan ngarah repeh, demi nu ngora, sajuta oge asa ....kagarongan...
Rudi Riadi
Kang Nanang Sahbana Afnani, sajuta teh kanggo nyogokna, teu acan babayar ka lestoran, teu acan pajakna leuh...riweuh neda di restoran hadag mah...
Ya Soebarta
Pasti lain Syahrini da..!! Yuni shara uing ge apal Ang..! Nya..?
Mahpudin
untung sajuta duit ayeuna mah ukur 10 lambar, mun baheula, kabayang metetna eta dompet.. hehehe..
Saefull Atk Archiva
lewih simple meyen
Hena Sumarni
kirang keneh pa!.........
Rudi Riadi
Kang Ya Soebarta, Eta ku keukeuh ka Syahroni...eh Syahrini teh. Wios abdi mah resep da Ka Tante Shara...
Rudi Riadi
Kang Ihsan, hehe..sidik ge, rebuan artosna, maklum pan abdi mah tukang parkir nu hoyong salingkuh...heuheu...(bari bingung keur setor tekor!)
Rudi Riadi
Kang Saefull Atk Archiva, aduh, punten kang, kirang jelas komenna, janten bingung bade mairan naon nya...
Rudi Riadi
Ambuna Kaka, "Menta tambahna ka Si Ambu ka ituh...!"
Hena Sumarni
ha ha ha, ambu mah tara boga duit, seep dikirimkeun ka lembur...
Dadi Arya
"alim ah, da Mamah mh sok masihan sajuta satengah pami emam di dieu sareng Om Is Tuning teh!" ceuk budak bari jebi
Is Tuning
Kang Dadi Arya naha ngaran uing disebut-sebut? Padahal uing keur nyaba ka alam séjén, ujug ujug jol aya nu nyambat. jorélat notipikasi, rét dibaca, rungang ringeung. padahal teu mais teu meuleum.. hi hi
Rudi Riadi
Heuheu...Kang Dadi Arya mah sok nempuhkeun ka Om Is Tuning...boa-boa enya (bari ngolesed nyokot bedog...)
Dadi Arya
haha....bongan ayn mh kang Is remen ngahiang. Sok atuh Kang Rud, geura purak tah dawegan teh, hanaang yeuh...
Is Tuning
lain ngahiang Kang Dadi Arya, aya..noongan, ngajempolan. hayang mikmin téh puguh can hayang modol. ha ha... ngalieuk ka Kang Godi Suwarna..
Rudi Riadi
Kang Dadi Arya, kang Is teh keur ngawahan heula, ambeh luncatna jauh pisan...geura antosan, nyanggakeun daweganana berbentuk jempol...hehe.
Dadi Arya
Tah muhun kitu, abdi ge ari ngusial mah sok pirajeunan aya. Ngan kalan-kalan mh ngelok deui, da eta tacan pangseng...heuheu
Endah Dinda Jenura
--namprak bari ngareret ka nu gigireun kang Rudi XD
Is Tuning
* ngasongkeun samsu ka Endah Dinda Jenura..
Endah Dinda Jenura
hayu ku abi dijajap kana mbim, Kang... --namprak oge ka Kang Is XD
Is Tuning
huh...! jiga Kang Gus Manz waé, tukang meres jeung tukang rames.. ha ha
Rudi Riadi
Endah, gigireun abi mah moal ambek ka uing, da geus percayaeun pisan...moal payu deui...heuheu.
Rudi Riadi
Kang Is Tuning, haha...pas atuh nu hiji namprak nu hiji ngasongkeun, asa di kios roko ieu teh?
Gus Manz
:" Ceuli asa rawing, sigana aya anu ngagosipkeun ... aeh enya we geuning Kang Is Tuning, .. wah itu mah pitnah... benten atuh abdi sareng Ang Rudi Riadi, anu asa kagarongan. da kanggo abdi mah cetiaw mah cingcay ladang dines sampingan, meres sareng rames. Sabangsa Dee".
Rudi Riadi
Hag, siah...Kang Is Tuning, Jay Rames lugay,...nyanggakeun ah, teu ngiringan abdi mah..heuheu!
Is Tuning
Bae Kang Rudi Riadi, Kang Gus Manz da mémang nuju dipilarian da sok rumas rames, komo ka sarupaning Dee. sedengkeun éta téh ngarupakeun bukti tina hasil kejahatanana cenah. tah, sing saha baé anu turut menikmati, bakal mimu-luan ogé diperkarakeun... matak uing mah tara sok rumas rames gé.. ha ha