Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pangantian Pangantén

Kénging Muhammad Shohiba Nu'man
Dipidangkeun dina lapak 20 Novémber 2011 22:26:06

Seungit malati meleber ka sakuliah rohang, paadu babuk jeung haseup méja prasmanan. Para mojang camérok, ngabérés na karpét beureum, marasang imut nu pang amisna. Luhureun panggung, paliwara dédéhéman ngalalanyah sora. Acara can baé dimimitian. Ki Lebé mimiti nundutan. Para kasepuhan ngaradu bako di buruan. Indung-bapana ngabaretem, paragab-ragab jeung calon bésan. Sapasang calon pangantén gulinggasahan. Meusmeus ngalieuk ka lebah lawang, laju papelong-pelong sakedapan. Luk duanana tarungkul. Acara can baé dimimitian. Bongan cinta can kénéh datang.

Komentar (39)

Nanang Sahbana Afnani
Waas.!
Rudi Riadi
Eduun suredun...komo eta lebah tungtungna: "bongan cinta can keneh datang..." hadeuh. teu endah keur panganten, endah keur nu maca...
Ya Soebarta
Cinta teh nuju ngantosan Rangga rupina mah...!!!
Shohiba Nu'man
Kang Nanang, manawi kenging ngwawaas.. heu..
Shohiba Nu'man
Kang Rudi, Teh Endah Keur Ang Deden.. heuheu..
Shohiba Nu'man
Kang Ya, haha.. rupina mah kitu Ang, panginten teu jebul bae..
Rudi Riadi
Kang Deden miwah Ceu Endah ge moal teu ngabangkieung maos fikmin ieu mah.
Dédén Abdul Aziz
Ngabangkieungna semu ni'mat, Ang Rudi, da bari ngararasakeun suku Maxi Rodriguez nojer bal kana gawang Celsih... Hurseeehh!
Rudi Riadi
Kang Nu'man teh ibarat Bellamy nu mere umpan ka Maxi nu kari ngeploskeun, Mang Deden. Inspiratif...
Ahmad Fawzy Imron
Nembe jol ka rorompok, disuguhan fikmin nu edas kieu, langsung kayas hate abdi, kang..
Jojo Johari
Ruar biasa! Enyaan ruar biasa, Kang!
Shohiba Nu'man
Ang Deden, sigana Liverpudian kulemna raos pisan.. heuheu
Shohiba Nu'man
Kang Rudi, Bellamy mah cocogna disanggakeun ka teh Endah, panan aranjeunna mah liverpudian.. heu..
Shohiba Nu'man
Kang Ahmad Fawzy, Tamba kesel ang, tengah wengi teu tiasa peureum.. janten ngawawaas nu kayas.. heuheu.. Hatur nuhuun...
Shohiba Nu'man
Kang Tata, Hatur nuhun Kang.. Ruar biasa alias ngaco nya kang? hehe..
Endah Dinda Jenura
maknyoooooooosss... --ngabangkieung dengan bahagia
Hena Sumarni
deg.........hade pisan Yi Perebu! panya teh tungtungna deuk dipungkas ku "Bongan naib acan keneh datang", aziiiiiiiiiiiiiiiiiib.......
Nazarudin Azhar
Tah nya, si Mamang mah bisa kitu, bangun teu pira, ukur kecap "cinta" nu dijieun goongna teh, tapi karasa aweuhanana... Sip, Mang!
Godi Suwarna
:"Kawas fikmin nu biasa-biasa sajah mimiti maca mah. Barang tepi ka tungtungna, tetela aya goongan, nu terus ngaweuhan sabada tamat dibaca. Tetela, ukur ku sakecap 'cinta', ieu fikmin nu biasa teh jadi ruuuaaar biasa...!"
Teti Taryani
Endingna aya ku saee....
Is Tuning
Kuring minangka, calon pangantén lalaki geus teu bisa nahan kasabaran deui. "Badé moal ieu téh ? mun moal, badé disarung wé deui..."
Tatang Sumarsono
Jih, horéng cinta tacan tepi ka dinya? Naha da ti dieuna mah geus indit, malah jeung diongkosan sagala, Mang Nu'man. Ka mana sumpang-simpangna, nya?
Nyimas Kanjeng Ratu Yuyu
kamana heula atuh si cinta teh?
Bening Selakshahati
rupina si cinta nuju mapay - mapay raratan apertos ayu ting ting heu ...
Shohiba Nu'man
teh Endah, ngabangkieung balas garuda ragrag.. hiks..
Shohiba Nu'man
Kang Nazarudin Azhar, Hanjakal Ang, cinta can keneh datang ka enonesa.. ieuung..!
Shohiba Nu'man
Kang Prab Godi Suwarna, Hatur nuhun Kang Prab, mung ayeuna nu ngaweuhan teh bet keokna enonesa... tuluuung..!
Shohiba Nu'man
Aceuk Teti Taryani, Hatur nuhun Aceuk.. Mung ending enonesa vs malesia.. duh..
Shohiba Nu'man
Kang Is Tuning, Disarung deui we ang, tos eleh ayeuna mah.. hehe
Tanaka Saepudin
Meni teu ngaraoskeun nya mang lebe kanu bade mageuhkeun kageugeut sareng ngahijikeun ka tresna teh, ...... Ah..tong ka alaman ku yi haji mah jagateh, malih mg lebena pi saminggonen ka akadteh cangcanwelah di pibesaneun nya yi haji, he..he
Teti Taryani
Weuh... garuda hiber duka ka manaa....dibuburak ku malayaa....
Shohiba Nu'man
Kersana Kang Tatang Sumarsono, numawi Kang, teu acan jebul keneh bae.. boa jol ka malaysia.. duh..
Shohiba Nu'man
Teh Nyimas Kanjeng Ratu Yuyu, saurna nonton menbal heula teteh.. heu..
Shohiba Nu'man
Bening Selaksahati, Alamatna teu aya raratan..
Shohiba Nu'man
Kang Tanaka Saepudin.. Amiin Kang.. Hatur nuhun..
Shohiba Nu'man
Teh Teti, dibuburak dugi ka murudul sabulu-bulu.. ieuuung!
Yadi Fathur
hoadoh.... nyeunserikeun diri naliti pribadi.. Jempol pisan lah.. sip sip sip
Shohiba Nu'man
Kang Yadi, sugan teh nyeungseurikeun pinalti pribadi.. eleh Kang yadiii..
Yadi Fathur
gara-gara lila teuing nungguan cinta ti Ketua Umum PSSI, kaburu eleh manten ah...