Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Siga Agnes Monica

Kénging Echa AnggieAni
Dipidangkeun dina lapak 15 Novémber 2011 16:18:08

"Yan, kade tulakan pantona. Mamah sareng Apa bade ka uleman tea". Kuring unggeuk, tanda ngarti. Harita poe Ahad. Najan sakola pere, kuring hoream nyaba. Salian ti jauh, kuring pan geus rumaja. Mening di imah. Sorangan. Belengeh, asa kaingetan. Kasempetan! Meungpeung keur sorangan! Teh Yuyun nuju KKN di Subang. Bus, kuring ka kamar. Gambar Agnes Monica ngajeblag tukangeun panto. Artis idola kuring! Hayang pisan kuring siga manehna. Mimiti ngaca, sura seuri, tuluy ganti kostum. Ngahaja meunang meuli sorangan tank top beureum, rok tutu hideung kotak-kotak, jeung stoking kayas teh. Beres dikostum kuring ngaca. Aya nu kurang! Agnes Monica mah teu hideung kieu beungeutna. Semu lumpat kuring muru kamar deukeut ruang tamu. Kamar indung kuring. Ledak ledak crayolan diterapkeun. Teu poho pupur, eye liner, eye shadow, mascara, blush on jeung lipen. Uman imen ngaca. Suku hideung katutupan ku stoking anyar. Nyeh, seuri deui. Siga Agnes Monica pisan. Ayeuna mah komo sanggeus mageuhkeun wig blonde mah. Halis ngahaja dikurud. Kabeneran manggih silet urut bapa ngurud kumis. "TIDID!" sora klakson motor di luar. Gebeg! Kuring ngagebeg! "Yan, buka panto! Hape mamah kakantun di meja rias! Pangnyandakkeun, bageur!" sora indung kuring bari hayoh ngetrokan panto. Teu sabar. Geumpeur muru panto bari ngeukeuweuk hape. Euweuh waktu jang ganti baju. Barang bray, "astagfirulloh, Yayaaan! Ujaaaang! Ari maneh nanaonan?" indung kuring ngajerit bari molotot. "Ih, naha nya ari mamah. Pira ge Yayan hoyong siga Agnes Monica!" gerentes kuring.

(mikmin munggaran ti anak jawareang nu micinta basa sunda, alhamdulillah)

Komentar (29)

Tatang Sumarsono
Cacak nu munggaran, tapi lancar, Néng.
Èka Anggiani Iman
waduh subhanalloh jempoler n komentator pertama ti Kang Tatang! Nuhun, kang... *ssstt rahasia ya, kang. Gara-gara maca Demung Janggala janten ka'edan'an ku basa sunda teh
Èka Anggiani Iman
diantos kritikan ngeunaan diksi jsb...
Endah Dinda Jenura
siiiippp... lanjutkaaaannn...!
Èka Anggiani Iman
Nuhun edj *dikow mah meh ekeuh teu pundung, nyak? Teh Teti? Hatur nuhun. Asa panjaaaang mikmin teh, nya, teh?
Teti Taryani
Sae pisan, Neng...
Èka Anggiani Iman
Teh Teti Taryani, hatur nuhun. Seueur pisan editeunna. Hehe.
Èka Anggiani Iman
t nyai endit, t ismawati, k ahmad fawz hatur nuhun jempolna...
Yayan Bedog Supriatna
lain uing sumpah na ogé!, kahadé
Endah Dinda Jenura
wakakkakkaaaa...!
Nazarudin Azhar
edaaaaassss...! siap ngantos fikmin salajengna!
Emika Lubbya
ahahhahhahahhaha mantaaaaaaaap ceu, teu nyangka gening berbakat.... **ngacungkeun jempol saopat2..
Godi Suwarna
:"Sip, sip, sip...! Teu acan kantos aya fikminer nu fikmin munggaranana langsung lancar sareng pelem sapertos ieu...! Wilujeng, ah...! Dilajeeeeng...."
Hadi Aks
Fikmin munggaran tos ngaguluyur, basana genah, deskriptif psn, tema unik! Top! Wilujeng!
Mahmud Pasya
Wuih Echa AnggieAni mantap pisan ieu mah, nyobaan ah engke deui mah sugan tiasa...
Jojo Johari
Daek beunghar, uing kacele! Hareueuh, tangka kituna si Kakang mah geuning. Hayang jiga si Agnes. Hareueuh!
Ayém Cépian
Aya ku tegep. . . ! Calon patandang nu teu samanéa ieu mah. Wilujeng nyebrut nyusul téh Endah di loténg ka 2 hehe. . . !
Èka Anggiani Iman
yayan bedog supriatna, hihihi, punten ieu mah yayan silet monica daaa...
Èka Anggiani Iman
nazarudin azhar, hatur nuhun. Urang tapa heula nya. Hehehe. Kritikan n saran oge diantos...
Èka Anggiani Iman
emika lubbya tur nuhuns jempol katut urasna... Xixixi
Èka Anggiani Iman
Kang Godi Suwarna... Euh, atuh janten nilem tea. Hehehe. Hatur nuhun... Kritikan diantos oge...
Èka Anggiani Iman
Kang Hadi Aks, nuhun... Unik? Hehehe... *ge er
Èka Anggiani Iman
Kang Mahmud, panjang teuing saurna mikmin teh... Diajar tea,.
Èka Anggiani Iman
kang abi, ampun ah... Teh Edj teaaaa., xixixi
Èka Anggiani Iman
jempollers, hatur nuhun...
Rohaendi
Ari nu mibanda bakatmah benten, jig langsung ngaguluyur weh...wilujeng teh
Èka Anggiani Iman
kang rohendi hatur nuhun. Bakat kapaksa. Janten ema-ema kedah tiasa ngadongeng. Ngabobodo budak cengeng. Biasana mah ngadongeng ka pun anak. Ayeuna nyobian diseratkeun. Nuhun...*kritikna sakantenan sarebueun weh hehe
Èka Anggiani Iman
jempoller nambihan panjang mikmin nuhun
Èka Anggiani Iman
Kang Deden Abdul Azis saparakanca nuhun jempolna... Nambihan sumanget mikmin...