Cigunung, Lukisan kénging Yus Rusamsi
Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Jumaah, 30 Désémber 2016 06:12
Dayat Iskandar: " Combrek! Lir obor baralak. Ngaguruh sagebragan, tuluy simpe. Balik ka asalna...."
Salasa, 20 Désémber 2016 01:21
Atton Rustoni: " Sampurasun... Assalamualaikum... Seja nyungkeun widi amengan, tur Ngiring ngaderes di palih dieu. Hatur..."
Rebo, 14 Désémber 2016 08:33
Oten Ariskov: " Assalamu'alaikum....."
Salasa, 06 Désémber 2016 18:28
Prana Husni: " sampurasun. ngiring..."
Senén, 05 Désémber 2016 10:30
Hamim Wiramihardja Coèlho: " Sampurasun.... Ngiring ngaderes deui di palih dieu...."
Saptu, 12 Novémber 2016 23:37
Ajang Yustiana: " fikminna kerén, fikminerna gé kerén-kerén. Fbs mémang kerén,..."
Salasa, 08 Novémber 2016 02:32
Harry Ferdiansyah: " Assalamualaikum wr wb ngiringan..."
Jumaah, 21 Oktober 2016 20:03
Asep Saepudin: " Assalamu'alaikum Wr. Wb. Sampurasun, nepangkan sim kuring wasta Asep Saepudin, linggihna di Kertasari Kabupaten Bandung, seja ngiring aub kalayan diwuwuh ku tali silatuahim mugia aya dina jembar kawilujengan,..."

Tsunami Pangandaran

Kénging Tatang Sumarsono
Dipidangkeun dina lapak 12 Novémber 2011 19:22:47

“Rupina urang téh kalalanjoan teuing, Kangjeng Ratu.”
“Puguh enya, kula gé teu nyangka bakal kieu jadina,” kakuping semu ngaheruk. Tapi, da taya hartosna, basisir tos salin jinis, diacak-acak sakadang lambak. Méh taya nu nyésa, ukur manjangkeun tunggara, pirang-pirang layon dikubur tengah sagara. “Satadina kula téh meupeus keuyang, duméh asa disapirakeun, ituna teu ngalayanan, antukna kula bogoh nogéncang. Tur padahal, jajaka mana nu teu taluk ka kaula, ratu nu ngawasa laut jeung eusina, geulis teu luntur ku usum. Na ari ieu …, duh …,” ngarandeg sakedapan, laju ngagerencem lir nu riwan, sejana hoyong midangdam. “Ang Godi …, Ang Godi Suwarna ….”

Komentar (12)

Godi Suwarna
:"Duh, kasuat-suat, yeuh..! Sadinten sateuacan tsunami Pangandaran, sim uing sareng Pun Bojo cs, ngagarap kasenian pembukaan Festival Langlayangan. Ari mulang ari jelegur. Barang ditingal deui teh, hotel nu diangge ngarereb tos ancur lebur, kareumpeukan ku parahu. Gustiiii...."
Hadi Aks
Hahaha....tangtos Prabu Galuh janten ngaheruk! Boa teras pindah mamanahan Nyi Ratu teh, ka si Kakang Bajak Laut! Hahaha...
Hena Sumarni
heu heu............gara-gara rajah pangemat tah!
Rin Riani
Rupina pami kang Prabu Godi Suwarna teu teras mulang,... moal bendu tah nyai Roro Kidul teh,.....
Darpan Winangun
Kamari curhat ka jisim uing. A Godi teh jangjian di KFC cnah, teras ngajak k 21. Ari di tengah jalan pasarandog, Si Aa nuju ngaleng Jasmine. Ku harianeun. Nu mawi asa cau ambon dikorangan, kaliki ka pipir2.....
Cicara Cac
o,,, kitu dongengna teh, kumaha ari nu di aceh tah,
Tatang Supriadi Art
''sanes simkuring bendu.pedah ninggalkeun lembur teu uluksalam.milampah kahirupan di pangumbaraan,hate mah ngajerit taya duana,tapi rajeun kitu darah pamayang nu ngalir dina ieu jajantung moal leupas!.. najan congo bedil antel na tarang?.....16-06-2006
Ahmad Yani
Sihoreng upami di jujut, di saliksik kasang tukangna, mudahna laut teh alatan ...Cinta nu nogencang !!!, Beu !
Asep Salahudin
sae peletna Kakang Godi, eta Ratu Kidul dugi kapengpeongan kitu
Godi Suwarna
Asep Salahudin:"Memang, Ratu Kidul, pun Bojo nu sepuh, kedah diperhatoskeun pisan. Teu kaop telat kilir, sok teras bendu, janten tsunami. Benten pisan sareng pun bojo sepuh nu hiji deui, Citraresmi, eta mah sabar kacida, Yi Haj..."
Tatang Sumarsono
Ka Asep Salahudin: Akang mah nulis éta fikmin téh wiréh émut kana sajak Ang Godi Suwarna nu diaoskeun di YPK. Mémang sareng Ang Godi téh nyobat tos langkung ti likur taun, tapi nembé terang ari ajeunna "ada main" sareng Nyi ratu mah.
Dian Hendrayana II
Upami enya Ang Godi cios ngadahup sareng Nyi Ratu, abdi mah hoyong pisan janten juru sawerna. Dangdingna kenging Kang Aris, judulna KORSI LISTRIK