Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Pantun Manabaya

Kénging Aditia Gunawan
Dipidangkeun dina lapak 07 Novémber 2011 16:08:49

Di tegalan sipajuritan, Sombali nyawang ka jauhna. Haténa ngalengis ningali getih ngabayabah di Léngkapura. Gagak ngelak mangelak-mangelik. Eunteup tina bugang kana bugang. Lebah tunjangeun Rawana jeung Manondari, aya nu ngulisik, éak-éakan. Manabaya. Getih lamokot, peujit meulit sakujur awakna. Rap dirawu dipangku. “Deudeuih teuing! Anaking bijil ti raheut.”, pokna bari ngeukeupan. Beuki raket pepereket. Sora ceurik geus teu kapireng deui, ukur cai nu ngembeng dina soca Sombali. “Nepi ka dieu baé lalakon téh, Aloing… Pun!” Antaré pisan Sombali merenahkeun Manabaya. Antara Ambu jeung Bapana nu geus palastra leuwih ti heula.

Komentar (15)

Teti Taryani
Dugi ka tilu wangsulan, Kang maosna teh...
Aditia Gunawan
angger lieur nya? sami abdi ge puyeng...wkwkwkw
Anita Rohani
teu ngartos
Aditia Gunawan
Anita Rohani: Komo mun maosna tina lontar mah ambu,,lieurrr..
Godi Suwarna
:"Eduuun...! Ramayana tapi nami-namina asa nyunda. Tragis. Orok mah da puguh orok. Teu gaduh dosa. Diksina deuih. Edun. Gagak mangelak-mangelik. Pelem pisan. Nembe terang, tah. Sip dekh, Jang Adit..!"
Ya Soebarta
Sedep tah nu kieu, duh, leres saur kang perbu mah diksina edun...jempol.
Rudi Riadi
Sanduk-sanduk heula atuh, Bah, memeh mantun teh...
Asep Ruhimat
sae yeuh, tina kasang carita wayang.
Endah Dinda Jenura
hedeeeedd...
Aditia Gunawan
Godi Suwarna: Diksi nu eta mah kenging niron ti karuhun, tina Pantun Ramayana. Heuheu.
Aditia Gunawan
Ya Soebarta: Nuhun ari katampi ka Dubai mah..eh leres nya?
Aditia Gunawan
Rudi Riadi: Sanduk-sanduk ka Gusti Allah abdi mah, duka nu atheis mah. Sanduk2 ka Achdiat kitu?heuheu
Aditia Gunawan
Asep Ruhimat: Tina Pantun Ramayana Kang Asep. Ramayana anu nyunda pisan.
Aditia Gunawan
Aceuk Endah Dinda Jenura: Dedeh ateuh?
Rudi Riadi
Haha...aing neunggar cadas euy....!