Update: 10 Juli 2012 00:50:08

Neangan Bapa

Ku Yanti Sri Budiarti

Nurmi leumpang nuturkeun indung suku, ngetrokan unggal lawang. Nyalabarkeun orok beureum dina aisan. Saban amprok jeung lalaki, leungeunna nunjuk “Tuh itu bapa hidep teh Geulis”, ka orok bari ngok deui ngok deui nyium. Burilak panonna mureleng ka tukang beca. “Keun siah Haji, ulah mikiran kami, bae teuing moal ngaku anak oge!”, cuih ! cuih ! Nurmi nyiduhan nu keur nundutan dina becana. Atuh tukang beca tibuburanjat. Ngamang-ngamang batu ganjel beca, bari haben kukulutus. “Sia mah baku ari geus ngaganggu kanikmatan batur teh. Indit!”
Nurmi teu nolih nu kutuk gendeng. Noyod ka kulonkeun. Mulung topo nu nyangsang dina jarian, dibungkuskeun ka orok minangka bedong. Orok teu empes-empes dikitu-kieu.
“Antosan di dieu nya Nung, Ema bade milari Bapa hidep”, Nurmi kokoreh kana pangruntahan.
Sabot jongjon, teu katohyan aya anjing ngaletakan bedongan. Bangusna ungas-ingus, giwiwing orok digusur, leungeun orok lepas sabeulah. Teu sakara-kara Nurmi ngoceak. Ceurik ngageunggeuik. Kokosehan dina taneuh bari ngais boneka euweuh leungeunan.

Koméntar kana ieu Fikmin:
  1. Yadi Fathur Berkata: Jempol dua Bu...
  2. Ahmad Fawzy Imron: Lima jempol kanggo teteh..
  3. Nyai Endit: Edaaaaaas .........
  4. Sonny Bastoni: ari sugan teh orok beneran,geuning boneka.
  5. Yanti Sri Budiarti: KangYadi Fathur: Nuhun! Jempol sampean sanes?
  6. Yanti Sri Budiarti: A UZY/Ahmad Fawzy Imron: Ahhh ...naha lima?
  7. Nina Rahayu: teu sangki boneka......
  8. Ucu Susandrawati: Upami bari nyanyi Ayu Tingting mah neng milarian bapana
  9. Teti Taryani: Mani reuwas... manawi nu digegel anjing teh sanes boneka... boro bade dibaledog...
  10. Ahmad Fawzy Imron: Pameget mah da sadayana ge, lima jempolna, teh..
  11. Endah Dinda Jenura: Teteeeehh... abdi kapungkur nuju alit sok didongengan si Nurmi, nu gelo sohor di Bandung, malih mah aya coooan plastik aralit nu tiasa tatih siga penari balet, disarebatna teh Nurmi, duh... nuhun tos mangpengkeun abi ka jaman murangkalih jaman abi lutu keneh, hehhehe! muah!
  12. Godi Suwarna: :"Karya mungaran, sanes...? Sae, Bu..! Kantun sing langkung irit kecapna. Dina mikmin, ngedit kecap memang padamelan nu abot kangge carponis. Biasa laluasa, kari-kari kedah ketat pisan. Kalan-kalan urang kapaksa kedah ngorbankeun ungkara nu dipikaresep demi efektivitas. Wilujeng mikmin..."
  13. Yanti Sri Budiarti: Teteh Nyai Endit: Kunaon nun? (Punteeen tadi teh parantos diwaler, naha teu aya nya?) ckckck...
  14. Yanti Sri Budiarti: Kang Sonny Bastoni: Kunaon atuh Neng Nurmi teh nya? Nuhuuun..
  15. Yanti Sri Budiarti: Teh Nina Rahayu : Upami orok nyaan tada teuing iwurna nya, aya orok digusur gogog..
  16. Yanti Sri Budiarti: Ibu Ucu Susandrawati: Muhun Bu...ngahariring siga Ayu Tingting mung Neng Nurmi sieun mendadak tingting, padahal anjeunna tos tingteng..he he
  17. Yanti Sri Budiarti: Teh Teti Taryani: hi hi kade abdi ka baledog...wios ketang dibaledog ku imut mah saur Ustad Ahmad Fawzy Imron oge...:)
  18. Yanti Sri Budiarti: Endah Dinda Jenura: Neeeeeng...Muach! muach! Panggrafiskeun nya? nya? nya? da bageuuuur...da geuliiis...:) Maksa ah hoyong ngiring mejeng dina pameran... Sami di Cikampek oge aya nu gelo namina Nurmi...Boa-boa, Nurmi nu eta nya...
  19. Yanti Sri Budiarti: Kakang Prebu Godi Suwarna: Sumuuuuhuuun...nuhuuuun pisaaan... Duh, fikmin teras-terasan janten emutan... bari ngaenenan orok oge emutan kana fikmin...
  20. Godi Suwarna: :"Hehe...! Paingan atuh ari bari nga-enen-an mah. Paingan teu wantun midangkeun orok enyaan. Tangtos moal tega. Tangtos milih nyarioskeun boneka bae..."
  21. Yanti Sri Budiarti: Kang Prebu Godi Suwarna: Da orok Nurmi mah duka ka mana, numawi dilironan ku boneka...
  22. Deden Abdul Aziz: asyik gagasanana, Teh... sing teras murudul deui gagasan nu langkung seger, meh Kang Nash kabitaeun... alah, muhun, tos kumaha orok teh? istri pameget, Teh?
  23. Yanti Sri Budiarti: A Deden : Lalaki, kasep siga om Deden. Nembe tiasa enen da teu acan panceg sasasih... he he he orok taun baru-an sareng Bi Raspi tea, oleh-oleh ti Kebun Seni...
  24. Deden Abdul Aziz: aih, muhun nya, Teh. Ari nu dipijit terapi ku Teteh pun bojo, ari nu janten malah nu mijit, hihihi... si Akangna we rajin eta mah. wilujeng, Teh!
  25. Yanti Sri Budiarti: he he... Dukun lintuh panyakit matuh... Akang mah teu rajin, mung teteh rada nalaktak ...
  26. Ahmad Yani: " Kutan Nurmi teh jadi kurang sa-setrip ? , sugan teh teu kitu ? , hampura Nurmi , rumasa akang teu tanggung Jawab ! " he he he !!
  27. Yanti Sri Budiarti: Kang Ahmad Yani: he he he...Diantos tanggel walerna...
  28. Godi Suwarna: :"Maca ti awal, sim uing yakin yen orok teh nasibna baris tragis di tungtung carita. Tapi, waktos dibonekakeun, sim uing katipu abis dekh ikh..! Ji-nol dekh. Heuheu..."
  29. Yanti Sri Budiarti: Kang Prebu Godi Suwarna: Apan soal tipu menipu guguru ti salira... xi xi xi
  30. De Hudaya: Nurmi. hidup Nurmi!
  31. Yanti Sri Budiarti: Nuhun Kang Deri! hi hi
  32. Yanti Sri Budiarti: Kyai Matdon: Damang kulan? Ka mana wae?
  33. Kyai Matdon: sae bu..harr kedahna abdi nu naros kitu mah..he he he
  34. Yanti Sri Budiarti: ha ha haa...Numawi sieun kapayunan...Bolos wae pangaosan... Piraku nya kedah ngais orok onaman ka Kebun Seni...
  35. Kyai Matdon: siap bu santey we
Ngeunaan Ieu Naskah:
Naskah lianna karya Yanti Sri Budiarti
  1. Marebot
  2. Ningnang
  3. Dina Ciptaan
  4. Lela
  5. Sawan Geureuh
  6. Dina Jandela
  7. Kecrek
  8. Sareupna
  9. Mabra
  10. Tanji
  11. Rampak Sekar
  12. Ratu Kabaya
  13. Sosi
  14. Boa-boa
  15. Gegedoh
  16. Galécok
  17. Rusiah ÉtÉh
  18. Kuda Renggong
  19. Peuntaseun Cikapundung
  20. Saha?
  21. Kopdar
  22. Iber Samoja
  23. Mandor
  24. Hareupeun Eunteung
  25. Moro Simpe
  26. Mulung Muntah
  27. Payung Bungur
  28. Pundung
  29. Jingjet
  30. Hade Pamake
  31. Persif
  32. Oray-orayan
  33. Balaka
  34. Bajidor
  35. Sintren
  36. Tarompet
  37. Nanggeuy Gado
  38. Kerod
  39. Sumur Burung
  40. Impala Kenyed
  41. Si Kindeung
  42. Teuing Ah!
  43. Kapegung
  44. Udud
  45. Era Pok
  46. Dicium
  47. Perlaya
  48. Karbala
  49. Kuda Lumping
  50. Babandul Timba
  51. Puter Giling
  52. Stasion
  53. Cue*
  54. Nadran
  55. Malati
  56. Neangan Bapa
  57. Diruang Kerepes
  58. Neangan Bapa
  59. PANGBEROKAN