Update: 31 Maret 2012 02:50:08

Operlép

Ku Yusran Arifin

Teu gimir ku Hakim. Sumawona ku Jaksa. Éstu teuneung nakeran. Julid nagen na puseur rohangan. Adpokat, ngiceupan. Tenang, Julid! Kabéh geus diringkusan. Dijamin bébas tina hukuman. Najan manéh, meuncit duit anggaran.
“ Pala walgi sadaya’a. Sadélék Julid, mémas! Mantena sanés koluptol. Tapi pahlawan anggalan!” ceuk Hakim, cadel. Tuluy naék kana méja bari morosotkeun calana. Werrrr, ngompolan balaréa. Jaksa teu éléh géléng, porocot modolan méjana. Adpokat jeung Julid, sili rangkul. Sili sogot. Létahna pakenyot-kenyot.
“Fitenah, fitenah! Fitenah kabéh!” ceuk Palu ngagantawang bari nalapung méja. Seak ngudag Julid. Jebrod dipalu. Borolo tina sirah Julid ngaburusut duit, loba pisan.
“ Ti ayeuna ka hareup, Hakimna diganti ku kuring!” ceuk Palu bari nulak cangkéng dina suhunan.

Tasik,2011

Koméntar kana ieu Fikmin:
  1. Godi Suwarna: :"Edaaaas, Jang Haji...! Tambih gaya lah...! Uing seuri campur geuleuh...! Bendu tapi angger aya dina padika fikmin..! Nuhun, 'Jang Haji..."
  2. Yusran Arifin: Bongan saur Kang Godi Suwarna. Kitu Deui saur Kang Admin, kedah daria. Pados Fikmin beuki gaya, henteu kawon ku nu sanesna.. kantenan ku DPR-mah. nuhun Kang Perb!
  3. Godi Suwarna: :"Waktos kamari ka Cirebon sareng Almukarom Acep Zamzam Noor, sim uing ngobrolkeun perkawis Jang Haji nu tapis kana mikmin Sunda. Teu sangka, sanggem uing. Horeng anjeunna mah tos apal ti beh ditu, reh Jang Haji memang berdarah Sunda. Ari sugan urang Gujarat, cek uing. Heuheu..."
  4. Yadi Fathur Berkata: super Aheng.. good Wa..
  5. Yusran Arifin: Hehehehe.. Gujarat nyingcet ka pipir. Ti alit sok kana mangle.. Tapi teu pede.. digosokan wae ku Ustad Sarabunis Mubarok. Nyobian we. Walah sumuhunwe, aya nu benten. Paingan kang Godi Suwarna, makar. Kaluar ti NKRI ( Alim Ku B. Indonesia). Uenak buanget geuning.
  6. Yusran Arifin: Ieu teh. Resep kana Tom&Jerry.. Kang Yadi Fathur Berkata
  7. Godi Suwarna: :"Karaos, sanes..? Puaaaas dekh...! Haha..! Uing langkung resep kana karya Jang Haji nu basa Sunda batan ka nu Enonesa-na. Nyaan, weruh Kyai Sarabunis Mubarok mah. Mung, nyeta, ngarang dina basa Sunda mah matak sangsara. Wilujeng, ah..! Heuheu..."
  8. Yusran Arifin: Karaos pisan... Janteun teu purun bade ka Indonesia teh.. Hoyong pakupis di lembur we.. Karaos yen Indonesia teh, asa beuki taya getihan.. Sesah milarian vitamina.. Benten sareng Sunda... Araraneh.. Bakat ku aneh, seueur nu teu kahartos maksadna..Asa baredas tanagana, Sunda teh Kang Perb Godi Suwarna!
  9. Godi Suwarna: :"Nyeta, kitu pisan nu karaos ge, Jang Haji..! Basa Sunda teh seueur pisan kosa kecap kangge ngebrehkeun 'rasa'. Apan dina cara leumpang bae aya ngagandeuang, ngelehoy, ngegedig, ngincig, nyigcrig jsb, nu gerakanana benten-benten. Melong, mencrong merong, neuteup, nyawang jsb nu hartosna benten-benten. Nya naon deui atuh nu utami dina nyastra mah iwal ti rasa. Numawi, karya teh tangtos janten sesuatu banget upami ngarang dina basa Sunda mah.."
  10. Yusran Arifin: Kaduhung kawina pakokolot, Kang Godi Suwarna? Nyeta kapincutna terlambat. Manawi geolna teh teu ni'mat.
  11. Godi Suwarna: :"Nembe disebat seniman upami yuswa tos opat puluh..! Kitu sanggem pun guru. Apan urang mah dua lima ge teu acan, sanes...?"
  12. Yusran Arifin: Huaahahahahaha. MUhun pisan. Sim Uing mah. ABG pisan. Nuju beberenjen..
  13. Aditia Gunawan: heheheh,,,mantap. aheng bin ajaib,,
  14. Muhammad Shohiba Nu'man: edun eung Ang Haji.. disakuan ah, kangge bahan diajar.. Nuhun Ang,,
  15. Asep Ruhimat: gambaran pangadilan tipikor kiwari, kitu pisan.
Ngeunaan Ieu Naskah:
Naskah lianna karya Yusran Arifin
  1. Seuneu
  2. Saha
  3. Gusti
  4. Satia
  5. Moro
  6. Cukang
  7. Fikmin
  8. Fikmin
  9. Jumroh
  10. Mabok
  11. Sirineu
  12. Gandrung
  13. Mangkreng 3
  14. Baju Pangantén
  15. Mangprung
  16. Halabhab
  17. Buron
  18. Bray
  19. Mangkreng 2
  20. Mangkreng
  21. Baham
  22. Operlép
  23. Sabil
  24. Tuan
  25. Sekripsi
  26. Munjung
  27. Almenak
  28. Tamu
  29. Lunta
  30. Batu
  31. Pulpen
  32. Demonstran
  33. Samagaha
  34. Sinetron