Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Munjung

Kénging Yusran Arifin
Dipidangkeun dina lapak 08 Oktober 2011 17:12:08

Geus buleud pikir. Haté guligah balik ka imah. Naon anu disaratkeun ku kuncén geus disiapkeun. Kembang tujuh warna. Cai dina baskom. Parupuyan. Cempor. Hayang ngajaran, kumaha rasana beunghar tina munjung. Pilihan anu karasa rada énténg, bagong.
Malem jumaah kaliwon. Hawa angkeub. Poék-mongkléng. Hujan ngecrek. Cempor geus hurung. Sasajén geus ngagelar. Kuring narik amekan bari rada tagiwur. Lamak hideung dipaké. Jampé dipapatkeun. Riyeg, siga linian. Weeerr, angin nagguruh. Lalaunan beungeut robah. Leungeun robah. Awak Robah. Suku robah. Bleg. Awak geus ganti jirim. Ngajaran ngorondang. Asa anéh. Naha, asa hampang awak bagong téh. Buntut ogé asa panjang. Kureng ngahuleng sakedapan. Gajleng ka kamar. Ngeunteun. Goak. Kuring ngagoak bakat ku reuwas. Jadoool. Geuning jadi beurit? Kabéh sarat-sarat dipariksaan. Weléh, taya nu kaliwat. Pasti si Kuncén. Ngajailan. Teu diengkékeun, gidig ka imah kuncén. Bareng gok, langsung disemprot.
Kuncén ngajawab bari nyéréngéh,” Ngahaja, incu. Geus teu aptudét kana bagong, mah. Anu keur ngetrén mémang kana beurit. Dijamin sukses lah. Tuh di Jakarat ogé baleunghar, nu kana beurit mah.”

2011

Komentar (18)

Sarjang
Anjiiiir....! Jempol dua tah Kang Haj!
Shohiba Nu'man
Asik pisan Kang Haji.. KPK teh geuning kedah masang lem beurit..
Yusran Arifin
Pan kenging guguru ti Abah..
Sarjang
Halah guguru ka uing mah atuh salah alamat, jiga cai maju ka girang Kang Haj...
Yusran Arifin
Rupina KPK nu ayeuna Kang Muhammad Shohiba Nu'man, teu acan kagungan lem anu aheng nya?
Yusran Arifin
Guru Sim Uing mah seueur Abah Sarjang. Sadaya anu kenal diguruan.
Sarjang
Sae Kang Haj... eta pamendak teh sae pisan, janten uing anu kedah guguru ka Kang Haj...
Yusran Arifin
sami wae Abah Sarjang. Abah oge sok matak ngajenghok.. kuring mindeng katipu.. Kabayang e3ndingna rek kamana. Ari jelegur teh kamana karep. teu kabaca..
Sarjang
Hehehe..., Mungi kintunan nu enggal mah teuacan kaaos panginten... pedah we, teu acan komen katonjok...
Arom Hidayat
Mantap Kang Haji!
Yusran Arifin
Leres Abah Sarjang. Tacan aya deui nu enggal ti Salira teh.
Yusran Arifin
Muhun Kang Arom Hidayat. punten pami aya beurit kadinya. wiat. bilih simkuring.
Sarjang
Aya Kang #Racun#, atanapi tos diaos?
Andriani Jasmine Ramdani
Ahahahaha aya ku lucu hyang ngabagong mlh jd ngabeurit tp sae lah
Ahmad Yani
Ha ha ha ha ha ( Maos Nu ieu yeuh , dinten ieu ) tiasa seuri dugi ka ngakak !!!,Nuhun Kang Yusran !! ( Manawi teh aya Mall Praktek ! , sihoreng di haja ...hi hi hi )
Yadi Fathur
Heuheuy..Upami munjung ka bagong ngarana nyegik Pami Munjung ka beurit naon tah ngarana..?
Heni Sumarni
leres,kreatif si akang,sanes anggoan dasi sakantenan tah miki mos teh.
Rudi Riadi
Tah, fikmin nu ieu, enggal kintunkeun kana INBOX Nazarudin Azhar, supados diaraos ku nu maruhit beurit....hehehe