Update: 21 Januari 2013 09:10:23

Roméo, Oh, Roméo…!

Ku Godi Suwarna

Gering nangtung ngalanglayung. Peureum kajeueung: Juliét jeung kabogoh anyarna! Aya geuleuh. Aya deudeuh. Hayang ngalabrak. Hayang ngagukguk. Tungtungna ngajubleg pisan. “Hirup gé taya gunana!” ceuk haténa barang mireng Juliét kawin. Gap kana tambang. Kurang. Kurang dramatis. Gep kana péso. Lain. Tungtungna, ceg kana parud. “Tah, ku nu kieu mah pasti Si Juliét ngarasa dosa pisan!” pokna. Teu talangké, gesruk, gesruk, marud raga nu sepa kawas kalapa. Gesrak-gesruk. Béak hulu. Béak awak. Béak katulang-tulangna. Nampuyak. Na atuh, aya Ucing diudag Anjing. Tilu kali Sakadang Ucing ngajlengan raga nu aduy. Hirup deui. Nu Aduy téh tuluy nangtung. Ngajurungkunung. Kuplak-keplok badis cendol. Anjing ngagogog. “Ieueueung, tuluuung…!” Nu Aduy tuluy ngabecir dibeberik Anjing begung.

Koméntar kana ieu Fikmin:
  1. Lalat Socrates: heuheu eplok cendol.....
  2. Ahmad Yani: Na atuh mani ku nalaktak pisan ! ideu Cep "Aduy" teh ...Wakakakk !!
  3. Habis Gelap Terbitlah Terang: Kang Godi Suwarna bd naros ah. dupi dina fiksimini, naha urang kedah ngawangun unsur rohang nukaraos miksi tanapi kumaha? nengetan anu sanes, abdi teu acan paham kana naon tujuan fiksimini anu sanyatana. punten kang. patarosana rada fiksi.
  4. Godi Suwarna: Lalat Socrates:"Eplok cendolna hangru ku getih..."
  5. Abah Sarjang: Asa hoyong nyobian bunuh diri ku parudan..
  6. Bunda Langit: Hihìhhih,,; Punten Abdi Gumujeng,,,< Nungkup Baham >
  7. Melati Permatahati: Kang eta bedog nya ka kantun ..!
  8. Godi Suwarna: Ahmad Yani:"Numawi, nalaktak pisan Cep Aduy teh. Ngarayu kabogohna wae dugi ka gagalacngan naekan loteng..."
  9. Godi Suwarna: Lendra Di Praja:" Rupina kana kitu. Kedah aya lalakon, aya plotna. Tapi supados langkung jentre mah tiasa diuningaan catetan-catetan dina Dokumen grup Fiksimini Basa Sunda. Upami dina leptop aya di palih katuhu..."
  10. Godi Suwarna: Lendra Di Praja:"Tapi da eta mah sakadar lilingeran, tatapakan. Salajengna mah gumantung urang nu ngamekarkeunana. Boa engke teh bakal aya fikmin Sunda anu khas, benten sareng fikmin-fikmin wedalan nu sanes..!"
  11. Habis Gelap Terbitlah Terang: kahartos kang. tos maos dina map dokumen. didinya aya aturan (tehnik nulis) anu diwangun sapertos sistem. mung tehnik eusi asa teu kadugikeun. duka abdi anu kirang paos.
  12. Godi Suwarna: Lendra Di Praja:"Tangtosna ge perkawis eusi, tema, gaya mah gumantung urang. Tangtos kumaha kaloyogan manah sewang-sewang bae..."
  13. Lalat Socrates: Godi Suwarna: Ang wartoskeun ka eta jelema; hirup leuwih ripuh batan paeh, kukituna ari rek nyangsara batur ku cara supaya manehna asa dosa mah, laya jalan lain iwal ti kudu panjang umur; sangsara saumur-umur.... hihihi
  14. Godi Suwarna: Abah Sarjang:"Tah, salaku jawara pantura, mangga cobian bunuh diri ngangge parud...!"
  15. Godi Suwarna: Bunda Langit:"Leres, gumujengna kedah ditungkup, da eta geuning aya cabe nyelap dina waos.."
  16. Lalat Socrates: Godi Suwarna, Abah Sarjang : jawara mah, eleh/apesna ku bulu hayam.... hihihihihi
  17. Godi Suwarna: Malati Asih:"Ragaji deuih nu kakantun teh, Neng..!"
  18. Godi Suwarna: Lalat Socrates:"Hahaha....! Ke cuang wartoskeun. Keun sina hirup bari begung, sina kokorondangan di buruan imah kabogohna..."
  19. Ahmad Fawzy Imron: Wangsul ti pangaosan, disampakkeun fikmin sapertos kieu, langsung segerrr.. Nuhun kang. *rantang dialungkeun. Amplop teu waka dibuka*
  20. Godi Suwarna: Ahmad Fawzy Imron:"Hahahaha....! Miksi we lanan, Yi Uzy..! Amplop mah selap heula dina kopeah.. heuheu..."
  21. Muhammad Shohiba Nu'man: haha.. pun imajinasi diacak-acak ku ieu fikmin.. Top! *) asa lalajo filem tilu dimensi Kang..
  22. Godi Suwarna: Muhammad Shohiba Nu'man:"Nyobian miksi nurutan film kartun, 'Jang..! Kitu ieu teh maksadna mah. Tapi duka...."
  23. Muhammad Shohiba Nu'man: Neungar pisan Kang! Komo pami diaosna ku nu putus cinta mah.. Moal teu jol sadar tah.. heu heu..
  24. Dadang Soekanda: Bewara.Teu kaenging salempang. Dugi ka dinten ieu anu maot baretahan di alam kubur. Buktos teuaya sms atanapi serat anu katampi, sok komo haroyong mulih deui ka dunya. ttd...? sahanya.
  25. Endah Dinda Jenura: Hiyaaaaaahh... Linuuuuuuu....
  26. Malati Asih: Aaang....! na meni aduy..? sapertos peuyeum sampeu nu ladu wae..he...he
  27. Ahmad Fawzy Imron: Urang du'akeun..nu beunghar tapi tara mayar zakat..sing aduy saumur-umur
  28. Asep Ruhimat: absur tapi kacida tegepna, tah lebah nu kieu teu acan kataekan ku sim abdi kakang.
  29. Nazarudin Azhar: absurd pisan, nohnit pisan heuheu
  30. Rudi Riadi: Naha teu ngondang ka uing si Juliet teh...?
  31. Deden Abdul Aziz: halaaahhhh, eta bunuh diri ku paruddd... elok pisan! leuwih peurih batan babandingan "asa digerihan ku hinis"
  32. Godi Suwarna: Muhammad Shohiba Nu'man:"Haha...! Jengkel ngabandungan pun anak, upami putus cinta teh sok sapertos nu luluasan. Teu siga Abahna. heuheu..."
  33. Bunda Langit: Imut Deui Ah,,; Da akang Godimah Lucu,,;,,; Mnawiteh Teu Gduh Selera Humor,,,; Abdimah Muringkak Wktos Maos Carita Çucunguk,,' Sareng Deng,,; Karya akng,,
  34. Godi Suwarna: Dadang Soekanda:"Mugi-mugi we ulah aya SMS ti ditu kangge mang Dadang.. heuheu..."
  35. Godi Suwarna: Endah Dinda Jenura:"Linu..? Sami sareng ee beling..?"
  36. Godi Suwarna: Malati Asih:"Aduy bin Nampuyak da dikantun kawin ku tuang kabogoh.. heuheu..."
  37. Ari Andriansyah: kacipta pami gagaduhan diparud, moal teu sapertos sampeu diparud, Kang, heheh..
  38. Muhammad Shohiba Nu'man: Percanten ka abah-na mah.. pami putus cinta teh sok janten sajak sapuluh bukueun.. heu heu..
  39. Rak Buku Soni: Hahahahahaha
  40. Endah Dinda Jenura: sed sakedik ti ombeh batako, Kang, linuuuu...
  41. Godi Suwarna: Ahmad Fawzy Imron:"Sareng nu gegeden nu nuang rtos zakat, mugia sing aduy oge..! heuheu..."
  42. Godi Suwarna: Asep Ruhimat:"Fikmin Mang Asep ge saleresna mah seueur nu absurd.."
  43. Godi Suwarna: Nazarudin Azhar:"Hehe..! Nohnit mah kuliahna di IPB..."
  44. Godi Suwarna: Rudi Riadi:"Padahal tos dititipkeun ka pauratan otang Ciendog..."
  45. Godi Suwarna: Deden Abdul Aziz:"Tragis, dramatis, kimedis.. heuheu.."
  46. Godi Suwarna: Bunda Langit:"Alah, muhun, tah. Cuccunguk. Ke bade didamel fikmin, ah..! Antos sakedap..."
  47. Godi Suwarna: Ari Andriansyah:"Upami palay bunuh diri ku parud mah ameng we ka rorompok atuh. kaleresan gaduh keneh nu enggal. Tiasa gosrokeun kana anyut, teras cuang angge parab gurame..."
  48. Dadang Soekanda: Kang Perbu Godi Suwarna, upami bade marab gurame nu abdi heula we. Keleresan nuju ateul sareng tos lami teu di kecrok gurame Ciamis.
  49. Godi Suwarna: @ Dadang Soekanda:" Diantos pisan, Mang Dang..! Pun gurame diparab parud anyut mah tangtos bakal lalintuh sareng langkung parelem..."
  50. Dadang Soekanda: Nu abdi mah langsung we parabkeun seueur stok ieuh.
  51. Godi Suwarna: Dadang Soekanda:" Upami seueur stok kitu mah, nu sapaling cuang parabkeun ka lele dumbo..."
  52. Dadang Soekanda: Siap Ang, mung upami paeh abdi teu tanggeng waler ari kana dumbo mah. Margi dumbo mah sok ngubek... tah nu abdi sok langkung edan ngubekna....muter sapertos kolecer.
  53. Sarabunis Mubarok: Sampey segitunyah si Romeo, oh Romeo... Kereeen Kang...
  54. Godi Suwarna: Dadang Soekanda:"Wah nu kitu mah rupina kedah dilebetkeun kana balong khusus. Kaleresan 'balong' kitu mah seueur di caket rorompok di stasion Ciamis. namina gerebong... hehe.."
  55. Godi Suwarna: Sarabunis Mubarok :"Keren...peng, ah..! Hehe.."
Ngeunaan Ieu Naskah:
Naskah lianna karya Godi Suwarna
  1. Tukang Parahu Xxi
  2. Si Éyank & Si Ayank
  3. Tukang Parahu Xx
  4. Serat Kasmaran
  5. “tom & Jerry”
  6. Tukang Parahu Xix
  7. Ucing Garong
  8. Eureup-eureup
  9. Kalangkang Peuting
  10. The Battle For Freedom
  11. Adam & BÉker
  12. DongÉng Rayagung
  13. Luwang-liwung
  14. Malem Minggu
  15. Tukang Parahu Xviii
  16. “tokééé..! Tokééé..! Tokééé..!”
  17. DÉsa Wisata
  18. Ringkang Sang Dangiang 2
  19. Tukang Parahu Xvii
  20. Tukang Parahu Xvi
  21. Halo-halo Bandung
  22. “open House”
  23. Tukang Parahu Xv
  24. Sanghiang Bedug
  25. Kembang Buruan
  26. Nu Tajil PoÉ Katujuh
  27. Kembang Api
  28. Tukang Parahu Xii
  29. Malem Minggu
  30. Tukang Parahu Xi
  31. Tukang Parahu X
  32. Tukang Parahu Ix
  33. Tukang Parahu Viii
  34. Tukang Parahu Vii
  35. Tukang Parahu Vi
  36. Tukang Parahu V
  37. Tukang Parahu Iv
  38. Tukang Parahu Iii
  39. Tukang Parahu Ii
  40. Tukang Parahu I
  41. Urang Sunda Nu Pamungkas
  42. “fatal Attraction”
  43. Lain Lalakon Petingan
  44. Nu Barusuh Manah
  45. Shohiba AnÉmer Fikmin
  46. Rampak Lodong
  47. Tembang Pamungkas
  48. Ringkang Sang Dangiang
  49. “The Skeletons Bar”
  50. Durma Mahayuda
  51. Lutung Gandrung
  52. Lalakon Awon
  53. Ashabul Kahfi
  54. I Miss You..!
  55. Jang AsÉp & Gatotkaca
  56. Gunjang-ganjing
  57. Parahu Nabi Enuh
  58. Pandawa Dadu
  59. Rotasi Sakeclak Cai
  60. Gambar Parahu Dina Kikisik
  61. Sabda Sang Utusan
  62. Ronggéng Gunung
  63. Dongéng Ti Nagri Kedok
  64. Lalakon Kadalon-dalon
  65. Murang-maring
  66. Jalan-jalan
  67. Kunyuk Gandrung
  68. Monalisa
  69. Rajah Pangemat
  70. Révolusi
  71. Berlin, Dina Hiji Peuting
  72. Serat Kasmaran
  73. Nagri Balai
  74. Die Berlinerin
  75. Sabot Ngalenyap
  76. Fikmin, Oh, Fikmin
  77. Kurusétra
  78. Pangarang
  79. Rajapati
  80. Ringkang
  81. Kamar Pangantén
  82. Roméo, Oh, Roméo…!
  83. Kembang Buruan
  84. Déwi
  85. Hulu Peda
  86. Jihad
  87. Titistulis
  88. DÉWI
  89. DI STASION
  90. PIWURUK
  91. TENGAH PEUTING
  92. PRESIDEN
  93. KABOGOH
  94. DAYEUH
  95. DEWI