Update: 21 Januari 2013 09:10:23

Hulu Peda

Ku Godi Suwarna

Geus méh buruk. Ngagolér di tengah pasar. Matana moncorong. Sungutna rawék balas ngaleguk warangan da laut geus jadi racun. Keur ngabuih wé medar lalampahanana. Jelema pagelek-gelek. Tapi taya nu maliré. Ukur diriung ku Laleur. “Pangersa mah lampar pisan, nya? Kantos tepang sareng parahu Nabi Enuh?” ceuk Laleur Héjo. Hulu Peda unggeuk. Der, medar talajak pangeusi dunya. Hulu Peda ngawartakeun ieu bumi bakal dilabrak tsunami.”Nu salamet ukur mahluk anu takwa!“ Hulu Peda ngelingan. Laleur-Laleur garuligah. Rus-ras. “Pangersa, dupi Laleur diajakan numpak parahu Nabi Enuh?” Laleur Hideung nyelengkeung. Hulu Peda ngahuhuleng. Lila pisan. Keur kitu, aya Ucing nu ngaringkang. Laleur bubar. Tingjarerit. Hulu Peda digiwing Sakadang Ucing…

Koméntar kana ieu Fikmin:
  1. Atun 'turuntun' Marios: hahahhahahahhahaha kereeeeeeeeeeeeeeeeeeeeeeeeeeennnsumpah!
  2. Iwan Hanjuang: numatak oge ulah samenea tea,,,,!!!
  3. Muhammad Shohiba Nu'man: Aya ku jero kieu teuleumaneun.. beu, hatur nuhun Kang Perbu..
  4. Sarabunis Mubarok: Dahsyat, hulu peda...
  5. Kopral Cepot: "Hulu pedaaaaaaaaaa.... pedo pisaaaan .. pedo ieu fikmin !"
  6. Nazarudin Azhar: hahaha.... semangkin sesuatu dech...
  7. Dede Zm: Nabi nuh ge bisa salah pilih mah nya?
  8. Godi Suwarna: Atun 'turuntun' Marios:"Ti kamari keren-keren bae. Tos jelas abdi mah keren...peng, Kumaha we si Ayank Pem-Pem...!"
  9. Kangeri Kustiaman: Tah ... Dongeng Si Ujang .. .
  10. Godi Suwarna: Iwan Hanjuang:"Pasti ku Amang mah teu kabayang uing bakal bisa ngarang. Uing tea baheula mah ngarepotkeun wae Amang. Hampura, nya, Mang...?"
  11. Cicara Cac: teu pira ukur hulu peda nya tapi...? ehm..
  12. Kang Hanjuang Siang: kang Godi....jañten emut ka DENG...
  13. Iwan Hanjuang: ah geus apal amang mah ti baheula jaman SMA ge,pan sok ngarang majarkeun geus mayar spp padahal duitna ditilep.. ha ha ha ha ha ha
  14. Godi Suwarna: Muhammad Shohiba Nu'man:"Karek mimiti rada genaheun, 'Jang...! Pas tehnikna kacangkem, idena teu embol-ebol. Sieun kitu we uing mah, 'Jang..! Kacipta we mun kitu teh, batur tingsalebrut, uing ngahunted, ukur bisa nyabakan anyut. Kaciaaan dekh diriku..! Hehe..!"
  15. Safrina Soemadipradja Noorman: nu sapertos hulu peda mah sok janten sasaran kaum ucing wae nya, kang......
  16. Godi Suwarna: Sarabunis Mubarok:"Tangtos dahsyat saur Jang Bun ge. Da kantos waas pisan ku hulu peda teh waktos nuju ngobong keneh, sanes...? Tah, ayeun mah da tos janten ajengan, Jang Bun tangtos tara nuang hulu peda..!"
  17. Sarabunis Mubarok: hehehe... puguh ayeuna mah peda nu nuang hulu abdi, kang Godi....
  18. Muhammad Shohiba Nu'man: Kang Perbu Godi Suwarna, atuh nu kitu mah abdi pisan.. heuheu.. simpe inspirasi diantara tingbelesurna fikmin fikmin.. haduh!
  19. Godi Suwarna: Kopral Cepot:"Asal daek tuang-toong ka nu sejen, asal daek macaan karya, ngomentar kana karya batur, eta bakal jadi enerji kreatif oge pikeun urang, 'Pral..! Deukeutan anu keur bersemangat, ngarah enerjina nyerep oge ka urang, jauhan anu ker 'bete', bisi kababawa letoy...! Kitu nu karasa ku uing mah, 'Pral..!"
  20. Godi Suwarna: Nazarudin Azhar:"Apan urang mah teu weleh silih olesan anyut ku balsem, 'Jang Nu...! Supados tararik lumpat... Heuheu..."
  21. Godi Suwarna: Dede Zm:"Duk tah eta mah. Nu puguh ieu mah fiksi, Mang De..!"
  22. Ahmad Fawzy Imron: Nembe kaemut..sigana peda mah, taun taun palih dieu diciptakeunnana. Kalebet tumila. Komo rinyuh..da upami rinyuh tos aya ti wangkid harita. Tangtos parahu nabi enuh balalocor..rupina..
  23. Godi Suwarna: Cicara Cac:"Biasana mah ti nu teu pira, diolah sina jadi 'pira'. Tangtos hasilna ge bakal aheng, 'Jang! Tapi, nyeta, nu teu pira teh sok rada hese mendak idena. Tadi ge kabeneran we aya hulu peda ngagoler caket wadah runtah, digembrong laleur. Kacipta, eta sakadang peda teh geus jauh pisan lalampahanana. Terus bae kapikiran. Nya der we difikminkeun...!"
  24. Cicara Cac: enya kitu, muantabp, kang...
  25. Godi Suwarna: Kang Hanjuang Siang:"Kantos ngaos DENG..? Wah, nuhun atuh...! Mugia we sing aya mangpaatna..."
  26. Iwan Hanjuang: enggeus atuh Lo pan waktu di salasar sunaryo ,mang di agehan... he he he he
  27. Godi Suwarna: Iwan Hanjuang:"Hahaha....! Langkung-langkung ti nilep bayaran..! Aaaah, dasar kunyuk atuh. Ma'lumeun, Mang..."
  28. Godi Suwarna: Kangeri Kustiaman:"Ke, nuju diemutan bade ngadamel fikmin nu tokohna Si Nyai, adina Si Ujang, Mang 'Er...!"
  29. Kang Hanjuang Siang: Sumuhun kang. abdi langganan mangle.janten sanaos teu sadaya karya kang Godi ka aos ogé.. sajak anu. BAEU ANGIN.jst.sae.
  30. Godi Suwarna: Safrina Soemadipradja Noorman:"Sok dianggap propokator, Bu Dos..! Hawatos abid mah ka hulu peda teh. Teu aya hulu peda mah laleur ge janten kirang gairah. Tapi da Si ucing peryogi hirup deuih... Kumaha atuh, nyaaa..?'
  31. Kangeri Kustiaman: Wah dahsyat, adi Si Ujang geulis teu kang ?
  32. Godi Suwarna: Sarabunis Mubarok:"Walah, mun kitu mah kudu ngingu sirah ucing atuh di jero sirah Jang Bunbun...! Heuheu..."
  33. Safrina Soemadipradja Noorman: teu kukumaha panginten, kang, ari kitu mah....sae we aya hikmin kang godi nu nyuarakeun dongeng si peda hehe.....
  34. Godi Suwarna: Muhammad Shohiba Nu'man:" Jang MS mah anom keneh. Keur anom mah sagala bisa dijieun karya. Titajong bisa jadi sajak. Nongkrong di parapatan bisa jadi karangan. Komo mun keur barusuh manah mah, murudul karya teh. Geus kolot kieu mah hese ngarang teh, 'Jang..! Ieu ge bane we kasetrum ku Neng Fikmin. Jadi uing rada gorejag deui. Duka isuk pageto mah, yeuh..."
  35. Godi Suwarna: Ahmad Fawzy Imron:"Apan ieu mah fikmin, Jang Haji...! Dina fikmin mah tiasa we ngalebetkeun rinyuh kana kapal Nabi Enuh. Pasti rame da..."
  36. Muhammad Shohiba Nu'man: Muhun Kang, neda pangrojongna ti Kang Perbu..
  37. Godi Suwarna: Iwan Hanjuang:" Hehe...! Lepat alamat, mang...! Aya nu namina sami tah..! Boa wargi..."
  38. Arom Hidayat: Hebat.. Sanés Stén deui Bom Atum ieu mah! Lajengna kana bilatung Kang Godi Suwarna?
  39. Godi Suwarna: Kang Hanjuang Siang:"Oh, ngaos DENG waktos nuju carios nyambung keneh di Mangle..? Buku tos medal, mlah tos seep deui. Nu dibukukeun mah tos kenging nambihan. Tebih sareng carios nyambungna..."
  40. Hadi Aks: Wah!!! angger liar tp segarAng!
  41. Godi Suwarna: Kangeri Kustiaman:" Si Nyai teh nembe kelas opat SD. Manis, kumaha we bapana (heuheu). Tomboy abis, 'Mang Er...! Tos tiasa nari topeng. Lumayan, tos tiasa diandelkeun kana ngala berekat. Heuheu..."
  42. Kang Hanjuang Siang: Diantos ah novel na. kang GODI.. Tah aya kang HADI AKS.. sok karempel ah.. kang TEHAS FB.. deui sakantenan.. hahaha
  43. Kangeri Kustiaman: Der ... ah, geura tabeuh Kang !
  44. Asep Salahudin: Dahsyat Kakang Perbu...abong ketua dewan syuro fiksi mini
  45. Deden Abdul Aziz: Keur mah resep nambul, katambah sufistik pisan eta Sakadang Hulu Peda. Polll banget, deh, Kakang!
  46. Godi Suwarna: Safrina Soemadipradja Noorman:"Nu kaaos dina fikmin Sunda teh temana rupi-rupi pisan. Kitu deui gayana. Waktos ieu grup ngawitan dibuka, teu patos seueur karya nu sae, da sadayana oge nuju dialajar keneh. Ayeuna mah lumayan we. Ku kituna, kangge nambihan pangaweruh sim uing saparakanca, diantos pisan bahasan-bahasan, terjemahan karya-karya fikmin luar ti Bu Saf. Honorna kantun nyandak di kantor jurusan Bahasa Inggris UPI. Heuheu..."
  47. Mang Jojo: tuum peda raoseun pisan....
  48. Ganjar Kurnia: assifatu siam fauqol fidaai tahtal jamarot. Ari sepat siem, raosna saluhureun peda sahandapeun jambal roti.
  49. Godi Suwarna: Mang Jojo:"Kantenan tuum peda ti Cinyasag mah. Pelem pisan..."
  50. Godi Suwarna: Ganjar Kurnia:"Whahahaha....! Aamiin...! Soheh pisan, Ang..!"
  51. Oman Abdurahman: Keur abdi mah, anu kungsi diajar geologi, karek "hulu peda" ku kang Godi mah tos bisa ngaguar habitat laut, tsunami atawa banjir badag jaman Nabi Enoh, oge hubungan kakarabatan antara laleur-peda-ucing. Bari, kituna teh ukur dina sababaraha kalimah. Nyaan ari seniman mah, percanten. Wilujeng
  52. Godi Suwarna: Oman Abdurahman:"Hatur nuhun, Yi Perbu...! Kaleresan di rorompok teh ngingu ucing. Nya kitu, kana peda teh haget naker. Ari kamari bet ngariung tah Sakadang Ucing, Hulu Peda sareng Laleur. Teras we diwawaas. Dicipta-cipta eta peda lampar pisan, boa umurna ge tos rebuan taun, tos nyaksian pirang-pirang kajantenan, anjog ka jaman kiwari nu tos sakieu buktosna. Ah, namina ge fikmin, Yi Haji..! Kedah rada lahuta rupina..! Heuheu..."
  53. Dadan Sutisna: Karya-karya (prosa) Mang Godi Suwarna teh, napak pageuh dina galur ngaguluyur, runtuyan kalimah genah pisan nuturkeunana, tapis dina nyuay-nyuay diksi, ringkes tapi lincah, siga ngagerendeng tapi saéstuna ngagorowok. Eta tina cangkang. Léok kana eusi, ieu butuh téhnik nu jero, sabab tina téma nu basajan, bisa nimbulkeun salaksa harti, can tangtu kasurti mun dibaca sahinasna, lantaran méh sakur kecap ngandung siloka nu baris karasa ngaranjugna sabada nu maca namperkeun lelembutanana. Mun geus kasurahan mah, "Hulu Peda" gé carita basajan, nu béda téh, cara nyaritakeunana. *** Kitu nu karampa ku simuing, sabada tadi wengi nyeungeut lilin dina léptop ***
  54. Godi Suwarna: Dadan Sutisna:"Aaamiiin...! Ari uing mah geus karuhan cetuk huis, 'Jang Dan! Manusa abad kamari apan uing mah. Lamun enya bisa kitu, kawas nu dicaritakeun ku Jang Dadan, nya meujeuhna we da kana ngarang teh apan geus puluhuan taun. Justru, uing mah sok kagagas ku barudak ngarora nu karya-karyana maridang dina ieu grup. Karasa pisan kumaha garuligahna dina ngolah basa Sunda nu boa geus teu saleubeut jaman uing keur budak. Garuligah nyiar ide, nyiar kecap, ngaranggeuykeunana. Bet ras ka jaman uing keur ngora. Saenyana mah uing ge kabawakeun ku sumanget barudak, 'Jang..!"
  55. Godi Suwarna: Kang Hanjuang Siang:"Siiip dekh, 'Mang...! Wadyabalad tos ngawitan kempel, yeuh. Nu sepuh nu anom. Cuang sami-sami ngabandungan ketakna..."
  56. Iwan Hanjuang: Dadan Sutisna.. saha heula emangna .... heu heu heu...
  57. Godi Suwarna: Kangeri Kustiaman:" Sok atuh, bilih bade ditanggap di Pasundan. Ongkos berdamai... heuheu....!"
  58. Kangeri Kustiaman: Insya Alloh, ke atuh urang tanggap we dina even taunan, PMSS, sugan na bubuka atuhnya ?
  59. Wisnu Ibrahim: Percanten ka pinisepuh mah, ieu carios éstu matak ngahudang imaji..
  60. Rak Buku Soni: sae fikmin teh, teu wantun ngomentaranana.
  61. Godi Suwarna: Wisnu Ibrahim:"Hatur nuhun ari kaangge mah. Hayu ah cuang sami-sami diajar, ah...!"
  62. Godi Suwarna: Rak Buku Soni:"Aya nu kalangkung. saeutik. Tapi menentukan. Ke direvisi deui..."
  63. Rak Buku Soni: Ya, mangga. Sip
  64. Rudi Riadi: Mudah-mudahan nu ieu lebet 3 besar pilihan Kang Prabu...
  65. Godi Suwarna: Rudi Riadi:"Kantenan nu ieu ge. Lebet pisan, Jang Guru...! Sahate urang mah, sanes..?"
Ngeunaan Ieu Naskah:
Naskah lianna karya Godi Suwarna
  1. Tukang Parahu Xxi
  2. Si Éyank & Si Ayank
  3. Tukang Parahu Xx
  4. Serat Kasmaran
  5. “tom & Jerry”
  6. Tukang Parahu Xix
  7. Ucing Garong
  8. Eureup-eureup
  9. Kalangkang Peuting
  10. The Battle For Freedom
  11. Adam & BÉker
  12. DongÉng Rayagung
  13. Luwang-liwung
  14. Malem Minggu
  15. Tukang Parahu Xviii
  16. “tokééé..! Tokééé..! Tokééé..!”
  17. DÉsa Wisata
  18. Ringkang Sang Dangiang 2
  19. Tukang Parahu Xvii
  20. Tukang Parahu Xvi
  21. Halo-halo Bandung
  22. “open House”
  23. Tukang Parahu Xv
  24. Sanghiang Bedug
  25. Kembang Buruan
  26. Nu Tajil PoÉ Katujuh
  27. Kembang Api
  28. Tukang Parahu Xii
  29. Malem Minggu
  30. Tukang Parahu Xi
  31. Tukang Parahu X
  32. Tukang Parahu Ix
  33. Tukang Parahu Viii
  34. Tukang Parahu Vii
  35. Tukang Parahu Vi
  36. Tukang Parahu V
  37. Tukang Parahu Iv
  38. Tukang Parahu Iii
  39. Tukang Parahu Ii
  40. Tukang Parahu I
  41. Urang Sunda Nu Pamungkas
  42. “fatal Attraction”
  43. Lain Lalakon Petingan
  44. Nu Barusuh Manah
  45. Shohiba AnÉmer Fikmin
  46. Rampak Lodong
  47. Tembang Pamungkas
  48. Ringkang Sang Dangiang
  49. “The Skeletons Bar”
  50. Durma Mahayuda
  51. Lutung Gandrung
  52. Lalakon Awon
  53. Ashabul Kahfi
  54. I Miss You..!
  55. Jang AsÉp & Gatotkaca
  56. Gunjang-ganjing
  57. Parahu Nabi Enuh
  58. Pandawa Dadu
  59. Rotasi Sakeclak Cai
  60. Gambar Parahu Dina Kikisik
  61. Sabda Sang Utusan
  62. Ronggéng Gunung
  63. Dongéng Ti Nagri Kedok
  64. Lalakon Kadalon-dalon
  65. Murang-maring
  66. Jalan-jalan
  67. Kunyuk Gandrung
  68. Monalisa
  69. Rajah Pangemat
  70. Révolusi
  71. Berlin, Dina Hiji Peuting
  72. Serat Kasmaran
  73. Nagri Balai
  74. Die Berlinerin
  75. Sabot Ngalenyap
  76. Fikmin, Oh, Fikmin
  77. Kurusétra
  78. Pangarang
  79. Rajapati
  80. Ringkang
  81. Kamar Pangantén
  82. Roméo, Oh, Roméo…!
  83. Kembang Buruan
  84. Déwi
  85. Hulu Peda
  86. Jihad
  87. Titistulis
  88. DÉWI
  89. DI STASION
  90. PIWURUK
  91. TENGAH PEUTING
  92. PRESIDEN
  93. KABOGOH
  94. DAYEUH
  95. DEWI