Update: 21 Januari 2013 09:10:23

DI STASION

Ku Godi Suwarna

Sabada padungdengan, tungtungna manehna teu burung pasrah. Rek mulang bae. Karetana Sunset Ekspres. Ngalong tina jandelana. Rumahuh. Nyawang layung nu ngagupayan di kulon. Nganti maju. Teu lila, kareta Sunrise ngaliwat. Ngageleser. Katembong aya manehna. Manehna keneh. Gugupay tina jandela. Seuri. Ngabegegan. Ngelelkeun letah. Ngadius muru balebat. Gustiii....

Koméntar kana ieu Fikmin:
  1. Nazarudin Azhar: kahartos ayeuna mah maksadna haha....
  2. Nyai Endit: Manehna keneh. Muhun ketang, langkung anteb nu ieu mah, gara gara manehna keneh.
  3. Godi Suwarna: :"PIKUUUUUN....! AMPUUUUN...! PARUNTEN KA SADAYANA. Tapi sugan we aya luang kangge urang-urang, yen revisi teh teu kinten pentingna...! Hehe...!"
  4. Nyai Endit: Leres, sanaos sakecap dua kecap nu kakantun atanapi lepat, janten benten karaosna waktos maos nembe.
  5. Kang Warsa: haha, karetana da ekpres!
  6. Muhammad Shohiba Nu'man: waw! ditambihan ku dua kecap "Manehna keneh" lir napelkeun raray "si manehna" na sapanjang kaca kareta.. kereeeeennnn!!!
  7. Godi Suwarna: Nazarudin Azhar:" Bakat ku sono hoyong geura gaduh kintunan. Cape ngomentaran jeung ngajempolan ti subuh jedur. Ari pek pikun geuning uing teh. Tos meujeuhna naek kareta sunset, ari angen-angen teu weleh hoyong sunrise bae. Heuheu..."
  8. Godi Suwarna: Nyai Endit:"Nya kitu, Nyai...! Untungna teh dina FB mah tiasa enggal direvisi. Kumaha mun tos dimuat dina majalah. Wah, geuringna ge bari nangtung ngalanglayung...."
  9. Godi Suwarna: Kang Warsa:"Yah, begitulah..."
  10. Nyai Endit: Bedul, bedul. hehe. 'pelajaran (elmu) deui wae, mung ieu mah praktek', langkung ngartos.
  11. Godi Suwarna: Muhammad Shohiba Nu'man:"Ngasah karya, ngasah pedang. Apan saur Almukarom Kyai haji Acep Zamzam Noor oge, berkarya teh sapertos ngolah batu ali, tambih digosok (direvisi) bakal tambih ngagenclang...! Sugan we atuh..."
  12. Atun 'turuntun' Marios: Emh ningan............. hahaha...... Tetela ningan kang Godi teh sipit kapriabadian........ Nu sabeulah pasrah ngulon, nu sabeulahna deui masih hoyong milari kembang balebat....
  13. Muhammad Shohiba Nu'man: Kang Perbu Godi Suwarna.. Amin.. katampi pisan. hatur nuhun.
  14. Godi Suwarna: Nyai Endit:"Yah, beginilah gunanya praktisi, Neneng...!"
  15. Nazarudin Azhar: asal tong sering teuing lepat mosting we, cape ngajempolan, hahaha..
  16. Godi Suwarna: Atun 'turuntun' Marios:"Etah, lepat ngetik, split rupina, nya...? ABG mah sok rusuh dekh...! Hehe...! Oooh, penapsiran Neneng kitu...? Tiasa bae. Tiasa bae manenhna di dinya teh nu lian. Tiasa oge 2 manehna di dinya teh eta-eta keneh. Hehe...! Bebas napsirkeun mah, Neng...!"
  17. Atun 'turuntun' Marios: ekhmm..... ti bujal kaluhur tos sepuh.... ti bujal ka handap ABG keneh hahahah (iih kalah ditulykeun)
  18. Godi Suwarna: Nazarudin Azhar:"Sumpah, dinten ieu uing mah nembe ngintun nu ieu. Ngajejengkluk ti subuh teh mung ukur ngomen sareng ngajempolan. Etang-etang ngasuh nu aranom. Teu sawios mung hiji ge, seueur teuing mah bilih baroseneun nu ngaosn. Fikmin mah sapertos ciuman, ulah sering teuing bilih bau jigong, kitu sanes...?"
  19. Godi Suwarna: Atun 'turuntun' Marios:" Kedahna fikmin di luhur teh judulna : Ari umur tunggang gunung, angen-angen pecat sawed. Kitu, Neneng...?"
  20. Yanti Sri Budiarti: Gustiiii...Rameee...
  21. Nazarudin Azhar: hahaha.. tah eta Kang. teori mah keun we bagean nu ngilmiah, mending ngasuh ayeuna mah, tos buktos hasilna, nembe dua dinten ge grup ieu yeuh hehehe
  22. Godi Suwarna: Yanti Sri Budiarti:"Waaaaah, haturan, Neng...! Rame pisaaaaan....! Alahbatan ngadu bagong...!"
  23. Godi Suwarna: Nazarudin Azhar:"Beuki sumanget hoyong ngabukukeun, euy...! Mun dibukukeun teh sareng komentar-komentarna, nya...? Kalebet padungdengan ITIL DULCE. Sajarohna apan. Kumaha, tah...?"
  24. Nazarudin Azhar: Manawi ka payun aya nu kersa ngabukukeunana. Urang tataros heula we perkawis ngabukukeun mah ka Ang Rak Buku Soni, tangtos hatam anjeunna mah perkawis medalkeun mah hehe. Perkawis komentar mah, rupina teu kedah, cekap karyana. Namung aya bagian husus nu ngabahas perkawis eta. Tapi, tangtos ke aya perkembangan ide selanjutnya kah, hehe
  25. Godi Suwarna: Nazarudin Azhar:"Okeeeh...! Satuju wae uing ka Jang Dud mah..!"
  26. Ari Andriansyah: @Godi: fiksi mini teh horeng nini ti gigir ka rok mini teh..
  27. Dadan Sutisna: Komen ti simuing mung kakedalkeun dina batin, sabot bulu dina punduk hese pisan murungkutna. Ukuran pangbasajanna keur neuleuman hiji karya teh, keur sasimuingeun, nya lebah matak muringkak-henteuna. Nuhun Raka Perbu, tos mangmuringkakeun sabulu-bulu...
  28. Godi Suwarna: Ari Andriansyah:"Heuheu...! Keun we, kitu-kitu ge dosen Jang Ari eta teh..! (Aeh, teu nyambung, nya..?)
  29. Asep Ruhimat: manehna pastina nu kantos ngawarnaan pangarangna da.
  30. Godi Suwarna: Dadan Sutisna:"Waaah, Dalem Drakula rawuh, euy...! Bijilna sok wayah kieu Jang Dadan mah...! Nya kitu, Jang...! Keur nu mindeng ngasah intuisi model urang, nu lain kaluaran paguron luhur, ngapresiasi mah kantun ngandelkeun bulu we. Mun muringkak bulu kelek, hartosna eta karya goreng patut. Mun muringkak bulu punduk eta nembe karya heded. Teu kedah pakepuk ngaluarkeun jurus wedalan mancanagara dekh..! Nu sok kitu teh biasana mah pangarang bakalan, nu karek maca hiji dua buku teori, kitu ge teu tamat tea. Atawa kaum akademisi nu katulambung. Apan urang ge kenal sareng sababaraha profesor. Sapardi Djokodamono upamina. Mun ngawangkong teh tara ieuh mamawa istilah asing, tapi langsung nyerep kana hate. Eta karek elmuwan linuhung. Dina carita silat ge jawara kahot mah tara mamawa pakarang, komo make jeung nginjeum bedog rompang nu batur mah...! Eh, naha uing kalah ngocoblak ieu teh. Bakat ku sono, Jang..! Heuheu...!"
  31. Godi Suwarna: Asep Ruhimat:" Hehe...! Rumaos kirang nyosok kekengingan nu ieu mah. Keun, sugan kapayun mendakan deui nu hade..."
  32. Emas Kurnianingsih: deuh.., janten kagagas...
  33. Godi Suwarna: Emas Kurnianingsih:"Pasti sering naek kareta api, sanes..? Ari sim uing mah da puguh urang stasion, Nya ngadmel carios kareta api bae mah tiasa weee..! Hehe.."
  34. Emas Kurnianingsih: ah henteu oge.., kapungkur we waktos aya keneh di stasiun Banjar..
  35. Godi Suwarna: Emas Kurnianingsih:"Oooh, waktos bobogohan sareng si eta tea, nya...! Adeueueueuh...!"
  36. Emas Kurnianingsih: Beuh....., saha tah....???
  37. Godi Suwarna: Emas Kurnianingsih:" Muhun apan abdi tea. Ma enya hilap ka popotongan..!"
  38. Dadan Sutisna: Godi Suwarna: Asésé, Raka Perbu. Mung nyaéta, sésah pisan sangkan bulu punduk hideng muringkak téh. Peryogi perjoangan panjang. Bulu moal-moal ujug-ujug nangtung mun teu remen ngasah rasa, mun teu mindeng namperkeun kecap, nepi ka bisa ngabédakeun nu mana aci-sari jeung nu mana gegedohna. Sanaos ukur sauted, baris katémbong karya nu ditulis bari ngoprot késang mah … Mun sajeroning nulis dina hulu ngahunyud rupining teori, kacipta bakal asa dikomandoan. Nya éta pisan nu remen ngahihileudan ka nu keur cacarakan ngarang téh. Kudu bélok-kiri bélok-kanan, jeung siap grak teu ku hanteu. Lami-lami nulis fiksimini gé kudu ngémbohkeun daftar pustaka, atawa paling copél catatan kaki. Rék ngacapruk, rék ngacakprak, nu penting matak muringkak. **bet jadi pipilueun ngocoblak**
  39. Godi Suwarna: Dadan Sutisna:" Jang, aing ngalimba maca tulisan ilaing, euy...! Nyaan. Muriding, Jang...! Dibaca dibulak-balik. Aya ku negel kana mamaras. Ukur ku kecap jeung kalimah nu basajan. Tapi langsung nyerep. Ngahudang, Netegan. Nuhun, Jang..! (Uing jadi buringas deui, yeuh..! Tadi mah geus lelenggutan)
  40. Godi Suwarna: Dina Tiara Kusumawardhani:"Eta aya kabogoh uing nu anom, ngacung-ngacung jempol, can obo Neneng teh...?"
Ngeunaan Ieu Naskah:
Naskah lianna karya Godi Suwarna
  1. Tukang Parahu Xxi
  2. Si Éyank & Si Ayank
  3. Tukang Parahu Xx
  4. Serat Kasmaran
  5. “tom & Jerry”
  6. Tukang Parahu Xix
  7. Ucing Garong
  8. Eureup-eureup
  9. Kalangkang Peuting
  10. The Battle For Freedom
  11. Adam & BÉker
  12. DongÉng Rayagung
  13. Luwang-liwung
  14. Malem Minggu
  15. Tukang Parahu Xviii
  16. “tokééé..! Tokééé..! Tokééé..!”
  17. DÉsa Wisata
  18. Ringkang Sang Dangiang 2
  19. Tukang Parahu Xvii
  20. Tukang Parahu Xvi
  21. Halo-halo Bandung
  22. “open House”
  23. Tukang Parahu Xv
  24. Sanghiang Bedug
  25. Kembang Buruan
  26. Nu Tajil PoÉ Katujuh
  27. Kembang Api
  28. Tukang Parahu Xii
  29. Malem Minggu
  30. Tukang Parahu Xi
  31. Tukang Parahu X
  32. Tukang Parahu Ix
  33. Tukang Parahu Viii
  34. Tukang Parahu Vii
  35. Tukang Parahu Vi
  36. Tukang Parahu V
  37. Tukang Parahu Iv
  38. Tukang Parahu Iii
  39. Tukang Parahu Ii
  40. Tukang Parahu I
  41. Urang Sunda Nu Pamungkas
  42. “fatal Attraction”
  43. Lain Lalakon Petingan
  44. Nu Barusuh Manah
  45. Shohiba AnÉmer Fikmin
  46. Rampak Lodong
  47. Tembang Pamungkas
  48. Ringkang Sang Dangiang
  49. “The Skeletons Bar”
  50. Durma Mahayuda
  51. Lutung Gandrung
  52. Lalakon Awon
  53. Ashabul Kahfi
  54. I Miss You..!
  55. Jang AsÉp & Gatotkaca
  56. Gunjang-ganjing
  57. Parahu Nabi Enuh
  58. Pandawa Dadu
  59. Rotasi Sakeclak Cai
  60. Gambar Parahu Dina Kikisik
  61. Sabda Sang Utusan
  62. Ronggéng Gunung
  63. Dongéng Ti Nagri Kedok
  64. Lalakon Kadalon-dalon
  65. Murang-maring
  66. Jalan-jalan
  67. Kunyuk Gandrung
  68. Monalisa
  69. Rajah Pangemat
  70. Révolusi
  71. Berlin, Dina Hiji Peuting
  72. Serat Kasmaran
  73. Nagri Balai
  74. Die Berlinerin
  75. Sabot Ngalenyap
  76. Fikmin, Oh, Fikmin
  77. Kurusétra
  78. Pangarang
  79. Rajapati
  80. Ringkang
  81. Kamar Pangantén
  82. Roméo, Oh, Roméo…!
  83. Kembang Buruan
  84. Déwi
  85. Hulu Peda
  86. Jihad
  87. Titistulis
  88. DÉWI
  89. DI STASION
  90. PIWURUK
  91. TENGAH PEUTING
  92. PRESIDEN
  93. KABOGOH
  94. DAYEUH
  95. DEWI