Update: 21 Januari 2013 09:10:23

PIWURUK

Ku Godi Suwarna

“Ieuh, Ujang…! Hirup teh kudu nyoreang ka tukang…! Ngarah apal ka purwadaksina..! Urang Sunda urang teh..! Urang Sunda..!” cek Si Aki. Si Ujang ngaheruk. Rumasa ngoboy. Isukna, Si Ujang malihwarni. Dibaju hideung. Pangsi hideung. Iketna barangbang semplak. Di jalan nu keur raramena, Si Ujang meuntas bari nyoreang katukang. Cekiiit…! Gejrot…! Si Ujang maot katabrak mobil...

Koméntar kana ieu Fikmin:
  1. Uzanx Boam Hardrocker: kengin komen teu mun tos maot,si ujang kuniang hudang tina kebul deukeuteun ban mobil
  2. Godi Suwarna: Uzanx Boam:" Kenging pisan komen mah. Asal ulah bari nyekek we.."
  3. Lalat Socrates: nyoreang ka tukang balukarna jadi nyorang kuburan......
  4. Uzanx Boam Hardrocker: nyekek mah moal,mung nyungkeun jajan.hoyong jajan sate gagak
  5. Muhammad Shohiba Nu'man: Nyaah teuing, Kang.. Nembé nyunda sadinten tos maot.. Sigana upami Si Ujang tos lami mah nganggo pangsi tur iketna moal ngagejrot, tapi ngabelentrang! mobilna nu dekok!
  6. Godi Suwarna: Lalat Socrates:" Pas..! Tariiiiik, Maaaaang....!"
  7. Godi Suwarna: Uzanx Boam:" Aya ge cicis kangge sate kareta api..."
  8. Godi Suwarna: Muhammad Shohiba Nu'man:"Numawi...! Teu ngimbang si Ujang teh. Kalah teras we nyoreang ka tukang. Hilap, teu luak-lieuk ngenca-ngatuhu heula, teu ningal kapayun..."
  9. Kang Warsa: jadi palaur bade ngamumule sunda teh. da geuning tetep kalindes ku mobil modernitas.
  10. Wangsa Urang Subang Pituin: beu' ..sungguh 'terrrlaaalu.....matak palaur atuh ah..! heu heu
  11. Godi Suwarna: @ Kang Warsa:" Nyoreang teuing ka tukang, 'Kang Warsa...! Saena mah ningal tukang-hareup, ngenca-katuhu sateuacan meuntas teh..! Heuheu.."
  12. Godi Suwarna: @ Wangsa Urang Subang Pituin: "Numawi, kedah langkung ati-ati. Bilih katabrak mojang..."
  13. Wangsa Urang Subang Pituin: atuh .mending katabrak mojang ..pangersa.!. batan katabrak beca..mah.. he he
  14. Godi Suwarna: @ Wangsa:" Haha...! Ka mojang biasana ge urang nu nabrakkkeun maneh. Hehe..!"
  15. Kang Warsa: tos di tengah kajepit. hehe. macet tea panginten. naha kdah jadi spiderman, ajleng2an luhureun kap mobil. hehe
  16. Godi Suwarna: @ Kang Warsa:"Kedah tiasa cungcat-cingcet. Kumaha we upami urang meuntas di Bandung..."
  17. Kang Warsa: da tungtungna mah sadayana ge bakal pupus nya, kang? mung carana panginten nu benten2. asal ulang ngajedugkeun mastaka kana ban toronton we. haha
  18. Godi Suwarna: @ Kang Warsa:" Taaah, ulah ari dugi ka kitu mah...! Heuheu.."
  19. Wangsa Urang Subang Pituin: tapi pangersa,...!. basa lebaran kamari ..seueur nu marudik maot lantaran nyium... muhun aya nu maot nyium kareta api, nu maot nyium treuk, nu maot nyium beus jeung sajabana.. ngan aya tatanggi nu maot nyium pinareup nini-nini, da teras kasedot barang diparios ku dokter, saurna teh gara-gara karacunan cisusu kadaluarsa... heu heu...
  20. Godi Suwarna: @ Kang Warsa:" Nu mawi, saur karuhun ge, mun pacium-cium ulah di jalan di pasampangan. Komo nyium nenen nu kadaluarsa mah..."
  21. Kangeri Kustiaman: teu kasebat nyorendang kaneronna mah ?
  22. Godi Suwarna: @ Kangeri Kustiaman:" Haha..! Nyorendang kaneron badag, Kang..! nu nyorendang kaneron alit mah salamet...!"
  23. Kangeri Kustiaman: Oge teu ka badug nu liren nyesep mah nya ? ... atanapi tos laju deui ?
  24. Godi Suwarna: @ Kangeri:"Seueur jalmi nu maot pas nuju olahraga. Tapi taya saurang oge jalmi nu gugur pas nuju nyesep. Kumargi kitu, lanjuuuuut, Kaaaang..!
  25. Kangeri Kustiaman: hahaha.... hayuuuuuuuuuuuu
  26. Godi Suwarna: Kangeri Kustiaman:" Mun teu bari ngelepus mah moal tiasa miksimini... Heuheu..."
  27. Kangeri Kustiaman: Der atuh teraskeun miksina : .. anteng yeuh macaannana, dari pada lieur ngabandungan nu korupsi hese di cerekna, geus kacerek hese beleke monisna ... beu
  28. Godi Suwarna: Kangeri Kustiaman:" Ke, cuang ngademal fiksimini perkawis jalmi cilaka alatan korupsi, sugan we para koruptor ingsyaf. Heuheu..!"
  29. Kangeri Kustiaman: der ah !
  30. Godi Suwarna: Kangeri Kustiaman:"Sip dekh...!!!"
  31. Lalat Socrates: pami leres aya anu cilaka alatan korupsi, tangtosna Polisi bakal ngaluarkeun arturan Koruptor kedah ngangge Helm.....
  32. Godi Suwarna: Lalat Socrates:"Hahahaha....! Siap, saur pulisi bari namprak...!"
  33. Uzanx Boam Hardrocker: wani piro,,ceuk pulisi
  34. Godi Suwarna: Uzanx Boam:" Biasa, jigow we..!"
  35. Lalat Socrates: jigow mah keur meuli piriwit ge moal mahi Jang....!! bari muril2 kumis.....
  36. Godi Suwarna: Lalat Socrates:"Apan jigow juta, Mang..! Heuheu..."
  37. Uzanx Boam Hardrocker: jigow anu kaluar mun gugah bobo
  38. Godi Suwarna: Uzanx Boam:" Eta mah adina lehow atuh..."
  39. Abah Sarjang: Nyandak catetan tina kitab Prabu Siritwangi... "Bertolak dari tradisi" sanes kedah nyoreang teuing ka tukang... ngan teu meunang mopohokeun kasangtukang...
  40. Godi Suwarna: Abah Sarjang:" Passss...! Ari ku nu saguru saelmu mah langsung kateguh...!"
  41. Abah Sarjang: Ahihihi... da meunang niron ti Kang Prab... (tapi da kaharti...)
  42. Godi Suwarna: Abah Sarjang:"Der atuh ngarang, Abah..! Salaku teureuh Karawang, piraku kawon ku Mas 'Edeng Syamsul Ma'arif. Urang Cirebon mela-melu. Nu sapopoena ge jawa lain sunda lain. Heuheu...!"
  43. Abah Sarjang: nuju Kang... eta ge pedah we disurungsurung ku Sarabunis Mubarok
  44. Edeng Syamsul Ma'arif: Hahahahaha.......asa nambihan buntet ieu ilat sim kuring, Kang Perbu Godi Suwarna.
  45. Godi Suwarna: Abah Sarjang:"Siiip dekh...! Honorna tiasa dicandak di Kang Nazarudin Azhar, di kantor Kabar Priangan. Heuheu..."
  46. Godi Suwarna: 'Edeng Syamsul Ma'arif:" Tapi, dinten ieu mah letahna tos ngawitan panjang, Mas 'Edeng...!"
  47. Edeng Syamsul Ma'arif: Kang Perbu Godi Suwarna: "Mung, garekgok keneh bade ngedalkeun teh. Kedah dikeueum heula panginten ilatna dina minyak tanah. Heuheu...."
  48. Godi Suwarna: 'Edeng Syamsul Ma'arif:"Sumping we ka rorompok. Di uing aya hampelas husus kangge letah urang Cirebon. Heuheu...!"
  49. Uzanx Boam Hardrocker: mun paamprok kan pa lehow lehow
  50. Godi Suwarna: Uzanx Boam:"Hehe...!"
  51. Asep Ruhimat: aya ku calakan raka prebu, saparagraf tapi tiasa ngebrehkeun tema sareng amanat, ginding pisan, siiippp pisan, carpon super bonsay teu kedah nyeepkeun manglambar-lambar.
  52. Godi Suwarna: Asep Ruhimat:"Nuju resep miksimini, yeuh...! Yu, ah, Yayi...! Diantos karya-karyana...! Supados langkung rempeg...!"
Ngeunaan Ieu Naskah:
Naskah lianna karya Godi Suwarna
  1. Tukang Parahu Xxi
  2. Si Éyank & Si Ayank
  3. Tukang Parahu Xx
  4. Serat Kasmaran
  5. “tom & Jerry”
  6. Tukang Parahu Xix
  7. Ucing Garong
  8. Eureup-eureup
  9. Kalangkang Peuting
  10. The Battle For Freedom
  11. Adam & BÉker
  12. DongÉng Rayagung
  13. Luwang-liwung
  14. Malem Minggu
  15. Tukang Parahu Xviii
  16. “tokééé..! Tokééé..! Tokééé..!”
  17. DÉsa Wisata
  18. Ringkang Sang Dangiang 2
  19. Tukang Parahu Xvii
  20. Tukang Parahu Xvi
  21. Halo-halo Bandung
  22. “open House”
  23. Tukang Parahu Xv
  24. Sanghiang Bedug
  25. Kembang Buruan
  26. Nu Tajil PoÉ Katujuh
  27. Kembang Api
  28. Tukang Parahu Xii
  29. Malem Minggu
  30. Tukang Parahu Xi
  31. Tukang Parahu X
  32. Tukang Parahu Ix
  33. Tukang Parahu Viii
  34. Tukang Parahu Vii
  35. Tukang Parahu Vi
  36. Tukang Parahu V
  37. Tukang Parahu Iv
  38. Tukang Parahu Iii
  39. Tukang Parahu Ii
  40. Tukang Parahu I
  41. Urang Sunda Nu Pamungkas
  42. “fatal Attraction”
  43. Lain Lalakon Petingan
  44. Nu Barusuh Manah
  45. Shohiba AnÉmer Fikmin
  46. Rampak Lodong
  47. Tembang Pamungkas
  48. Ringkang Sang Dangiang
  49. “The Skeletons Bar”
  50. Durma Mahayuda
  51. Lutung Gandrung
  52. Lalakon Awon
  53. Ashabul Kahfi
  54. I Miss You..!
  55. Jang AsÉp & Gatotkaca
  56. Gunjang-ganjing
  57. Parahu Nabi Enuh
  58. Pandawa Dadu
  59. Rotasi Sakeclak Cai
  60. Gambar Parahu Dina Kikisik
  61. Sabda Sang Utusan
  62. Ronggéng Gunung
  63. Dongéng Ti Nagri Kedok
  64. Lalakon Kadalon-dalon
  65. Murang-maring
  66. Jalan-jalan
  67. Kunyuk Gandrung
  68. Monalisa
  69. Rajah Pangemat
  70. Révolusi
  71. Berlin, Dina Hiji Peuting
  72. Serat Kasmaran
  73. Nagri Balai
  74. Die Berlinerin
  75. Sabot Ngalenyap
  76. Fikmin, Oh, Fikmin
  77. Kurusétra
  78. Pangarang
  79. Rajapati
  80. Ringkang
  81. Kamar Pangantén
  82. Roméo, Oh, Roméo…!
  83. Kembang Buruan
  84. Déwi
  85. Hulu Peda
  86. Jihad
  87. Titistulis
  88. DÉWI
  89. DI STASION
  90. PIWURUK
  91. TENGAH PEUTING
  92. PRESIDEN
  93. KABOGOH
  94. DAYEUH
  95. DEWI