Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Koméntar Kanca • Ki Hasan


Nu kasair ku FBS, Ki Hasan geus nyerat 3.948 koméntar. Runtuyanana aya di handap, dumasar kana waktu panganyarna. Dipidangkeun per kaca 50 koméntar.
03 Fébruari 2013 11:22:47
Ki Hasan ngoméntaran Fikmin "Teu Tulus" kénging Aming T Firdaus

Mun ketikan rada leuwih apik. Mantap yeuh!

03 Fébruari 2013 11:16:52
Ki Hasan ngoméntaran Fikmin "Dasar Kudu Kanyahoan" kénging Budi Dharsono

Mantap Gan!

02 Fébruari 2013 16:43:20
Ki Hasan ngoméntaran Fikmin "Lalampahan Tangkal Kaboa" kénging Iwan Hanjuang

Hehehe. Lain Kang Rudi, ari jaman Kangjeng Prabu gumelar, geus marake tulisan Laten kitu? Eta wancahan S-A-N-C-A-N-G, mani aheng kitu.

02 Fébruari 2013 12:42:37
Ki Hasan ngoméntaran Fikmin "Nyolong Badé" kénging Rohendi Pandeglang

Nya ari tukang hukum mah da geus aya panduanana. Kitu deui tukang akademik. Numatak dina tulisan akademik, tara ditulis tah sabangsaning gelar teh, salah sahiji tujuanana sangkan obyektif kana eusi tulisan, teu kapangaruhan ku gelar akademikna. Prinsipna: Najan kaluar dina bujur hayam, mun endog cokot; Najan kaluar tina bujur nu geulis, naon wae ge singkahan.

02 Fébruari 2013 10:40:26
Ki Hasan ngoméntaran Fikmin "Nyolong Badé" kénging Rohendi Pandeglang

"Teuing urang Sunda wungkul, teuing sarerea." Ceuk tukang psikologi mah, sarua wae cenah kitu, lain uteuk urang Sunda wae. Sabab alam pikiran urang, lamun manggih informasi anyar, kapangaruhan ku pangaweruh nu geus nyampak dina uteuk urang samemehna.

02 Fébruari 2013 07:46:04
Ki Hasan ngoméntaran Fikmin "Handapeun Linduh Angsana" kénging Abah Sarjang

Uing kungsi maca duka warta koran duka artikel, ngan geus heubeul, nu kasusna mirip pisan jeung ieu carita. Malah alesan nu dipake ku si lalaki ge asa sarua: bersih jaba gratis. Tokohna urang sabrang. Kulantaran si wanoja asa ditipu, manehna nyusun siasat, ngondang si lalaki sakumaha biasana. Sanggeus balangah, rengse nuntaskeun hajatna, si lalaki ditelasan. Si wanoja saterusna lapor sorangan ka pulisi.

02 Fébruari 2013 06:36:49
Ki Hasan ngoméntaran Fikmin "Handapeun Linduh Angsana" kénging Abah Sarjang

Beuki dieu katingalina beuki loba kanca nu resep make EMOTIKON dina komen. Jigana perlu aya tinimbangan, pakait jeung hal ieu:
1. Sacara teknis maparkeun gambar emotikon teh perlu memori leuwih gede dibandingkeun jeung make teks tulisan;
2. Kanca FBS teh enyut wilanganana;
3. Aktifitas postingan jeung komentar kawilang luhur;
Ku hal eta mun tambah loba nu make emotikon bisa ngurangan performace kana tayangan FBS dina pakakas nu dipake, misalna tambah ngeyeted. Jigana hal ieu perlu dijadikeun bahan tinimbangan sarerea.

02 Fébruari 2013 00:44:41
Ki Hasan ngoméntaran Fikmin "Handapeun Linduh Angsana" kénging Abah Sarjang

Mantap. Mindeng manggihan topik jangji sulaya jiga kieu teh. Umumna sok dipungkas ku episod si wanoja katempuhan sorangan. Bari pasrah, malah nepi ka peunggas harepan pisan. Boa perlu dicoba nyodorkeun alternatif sejen, wanoja nu leuwih gagah perkasa. Jigana asik oge mun si jajaka nusina perlaya, dina congo balati nu malespati. Hehehe

01 Fébruari 2013 18:00:18
Ki Hasan ngoméntaran Fikmin "Èdna" kénging Dewi Ratna Damayanti

Edna teh wanojana. Jigana upama jalu mah kana Aden, eta teh. Hehehe

01 Fébruari 2013 17:11:16
Ki Hasan ngoméntaran Fikmin "Sakeclak Cihujan" kénging anjeunna.

Malah Kang Entjep Sunardhi, ceuk uingah upama bade nepikeun kamandang kana hiji postingan teh, teu perlu pupuntenan sagala. Ngarah teu panjang teuing jajampean parancahna. Ari kamandangna ukur saencret, misalna. Uing mah sok ngaasumsikeun sakur postingan nu ngapung ka lapak group diskusi, eta teh kaci pisan dikomentaran. Sacara implisit pangarang tos ngidinan dikomentaran, mana diapungkeun ka lapak ge. Numatak uingah arang langka pupuntenan rek ngomentaran teh. Hehehe

01 Fébruari 2013 16:48:52
Ki Hasan ngoméntaran Fikmin "Sakeclak Cihujan" kénging anjeunna.

Ih puguh resep we uingah Kang Entjep Sunardhi. Justru tina guntreng bakal mendak 'second opinion'. Malah ceuk uingah hade dibiasakeun guntreng jiga kieu teh. Ngarah tiasa ngeuyeuban ku kamandang ti tiap nu maca. Ngaliwatan guntreng urang tiasa ngalatih nyodorkeun kamandang bari make argumentasi nu logis. Kulantaran uingah sapopoe pagaliwota sareng mangpirang bangsa, malah jadi rada wajib guntreng teh. Upama teu guntreng teh sok tinggaleun kareta.

01 Fébruari 2013 16:20:11
Ki Hasan ngoméntaran Fikmin "Sakeclak Cihujan" kénging anjeunna.

Kang Yuharno Uyuh, Teh Dewi Ratna Damayanti, kadang-kadang sok mindeng manggih filem setingna teh ukur dina sarohangan eta-eta keneh. Nyobaan noong lalakon bari teu ingkah jauh.

01 Fébruari 2013 15:59:30
Ki Hasan ngoméntaran Fikmin "Sakeclak Cihujan" kénging anjeunna.

Hehehe. Gumurih mah Kang Iwan Hanjuang, sanggeus 40 poe hudang ngajuru.

01 Fébruari 2013 15:50:47
Ki Hasan ngoméntaran Fikmin "Sakeclak Cihujan" kénging anjeunna.

Janten Kang Entjep Sunardhi, rada aya riset leuleutikan pikeun ngagambarkeun lalakon sakeclak cihujan teh, boh ngahaja motoan nyalira cai nyangkrung dina sarigsig, oge noongan hasil rekaman di studio kanggo ngadamel film sareng game digital.

01 Fébruari 2013 15:44:16
Ki Hasan ngoméntaran Fikmin "Sakeclak Cihujan" kénging anjeunna.

Kitu deui, Kang Entjep Sunardhi, lebah milih "humiliwir", uing noong rarangken "um" asa langkung pas pikeun ngagambarkeun aktivitas nu dilakukeun ku pelaku tunggal. Janten anginna teh teu pati gede teuing, ukur sahiliwir, nu ngagiring cai sakeclak lambat-lambat ngarayap, jiga gerakan "slow motion". Sabab upama anginna badag teuing mah, eta cai sakeclak teh bakal gancang muragna. Geura mari kita toong, kumaha cara batur mikawanoh lalampahan cai sakeclak:
Water Drop at 2000 Frames per Second
https://www.youtube.com/watch?v=P9wnmRa-Nrg

01 Fébruari 2013 15:35:11
Ki Hasan ngoméntaran Fikmin "Sakeclak Cihujan" kénging anjeunna.

Tah "ngiciprit" mah Kang Entjep Sunardhi janten asa kurang realistik nggambarkeunana. Kapan sakeclak cihujan nu nyangsang dina sarigsig teh, saluyu sareng sifat fluida, henteu nangkod ngorondang dina luhureunana tapi ngagayot ngagulawing lebah handapna. Lebah dieu ge ngahaja teu milih "tinggulayun" nu ngagambarkeun seueur barang nu ngagulayunna. Kulantaran mung motret nu sakeclak tea, dituturkeun lalampahanana, janten milih "gumulayun".

01 Fébruari 2013 15:02:50
Ki Hasan ngoméntaran Fikmin "Sakeclak Cihujan" kénging anjeunna.

Pangangguran 'ta mah Nyimas Kanjeng Ratu Yuyu, nyawang sireum mandi cihujan.

01 Fébruari 2013 14:56:15
Ki Hasan ngoméntaran Fikmin "Sakeclak Cihujan" kénging anjeunna.

Jigana mah Kang Hady Prastya, teu beda jeung diajar naek sapedah. Boseh we terus, gowes, sing mindeng ngaboseh. Tong sieun tigebrus. Tangtuna ge sagala rupa ge moal aya nu instan. Kajaba Mie Gelas. Tinggal ninyuh cipanas. Hehehe

01 Fébruari 2013 14:52:14
Ki Hasan ngoméntaran Fikmin "Titiran" kénging anjeunna.

Muhun Kang Entjep Sunardhi. Sakalieun di kantin ge, golejra sok tingeleber gigireun meja.

01 Fébruari 2013 11:18:18
Ki Hasan ngoméntaran Fikmin "Sakeclak Cihujan" kénging anjeunna.

Tangtu kana kitu, Kang Ddn Abdul Aziz. Kana ngolahna panginten nya. Da dina sains sareng teknologi ge, cai nu katinggal teu sapira, bisa disulap jadi peso bedah nu tohaga upama diolahna tohaga mah.

01 Fébruari 2013 10:54:32
Ki Hasan ngoméntaran Fikmin "Sakeclak Cihujan" kénging anjeunna.

Sonten Teh Kokom Komariah. Noongan nu lalindeuk we. Nu aya disabudereun. Toongan nu aya di dapur geura. Aya pangarang Amrik bangsa India, nu ngalalakonkeun bungbu dapur, diserat janten novel "The Mistress of Spices" nepi ka difilemkeun sagala.

01 Fébruari 2013 10:48:21
Ki Hasan ngoméntaran Fikmin "Sakeclak Cihujan" kénging anjeunna.

Muhun, nitenan mikrokosmos, nu aya disabudereun, Abah Sarjang. Nu teu sapira ceuk urang-urang teh, jigana sapira pisan keur mahluk sejen mah. Paingan karuhun baheula, kana remeh sakitu gemetna.

01 Fébruari 2013 10:47:24
Ki Hasan ngoméntaran Fikmin "Sakeclak Cihujan" kénging anjeunna.

Matak endah geuning dititenan mah, barang nu jiga teu sapira teh, Kang Ddn Abdul Aziz. Sok ngahaja mun tas hujan teh, ngagigiwing kamera. Anteng ditungguna nepi ka ngaburayot. Sakeclak, sakeckeclakna teh matak waas nitenanana.

01 Fébruari 2013 10:25:03
Ki Hasan ngoméntaran Fikmin "Sakeclak Cihujan" kénging anjeunna.

Lah ieu mah tulisan basajan we, Ki Sunda Sawawa. Dumeh lapak tiiseun. Lunga-lengo nempoan hujan, bari kutrat-kotret.

01 Fébruari 2013 10:23:31
Ki Hasan ngoméntaran Fikmin "Sakeclak Cihujan" kénging anjeunna.

Kang Rudi Al-Fajri, uing kungsi maca lalakon proses kreatif salah saurang pangarang urang kulon. Manehna ngalalakonkeun. Pikeun bisa ngadeskripsikeun hiji kajadian teh kadangkala perlu eksperimen cenah. Manehna melak toge. Dititenan unggal poe. Kumaha tumuwuhna eta siki jadi kacambah, nepi ka kaluarna daun. Kitu cenah.

01 Fébruari 2013 10:12:51
Ki Hasan ngoméntaran Fikmin "Sakeclak Cihujan" kénging anjeunna.

Noongan nu deukeut-deukeut we ieu mah, Kang Rudi Al-Fajri. Nu kadongkang bari ngopi, sanggeus hujan pasosore. Ngadon anteng neuteup, sesa hujan nu tinggulayun dina sarigsig. Handapeunana ngabring sireum beureum, muru kana tangkal nangka.

01 Fébruari 2013 10:11:17
Ki Hasan ngoméntaran Fikmin "Sakeclak Cihujan" kénging anjeunna.

'licencia puitika' meureun, lain 'politica', Kang Nasrul Jatnika

01 Fébruari 2013 09:48:48
Ki Hasan ngoméntaran Fikmin "Sakeclak Cihujan" kénging anjeunna.

Kang Nasrul Jatnika, tina /gulayun/ make sisipan /um/, kuduna mah /gumulayun/ ngan asa kurang genah sorana. Jadi we di /gumalayun/-keun

01 Fébruari 2013 09:35:49
Ki Hasan ngoméntaran Fikmin "Cangkang Andalemi" kénging Nasrul Jatnika

Keun antep, Kang Apoedy Sarah Ihsan, sina nyiar sorangan. Hehehe

01 Fébruari 2013 08:52:10
Ki Hasan ngoméntaran Fikmin "Cangkang Andalemi" kénging Nasrul Jatnika

Enya eta maksud teh, nu taya na kitab koneng teh, loba perkara nu taya rengkolna na kamus. Hehehe

01 Fébruari 2013 08:31:48
Ki Hasan ngoméntaran Fikmin "Cangkang Andalemi" kénging Nasrul Jatnika

Matakna kudu rada gaul ge, Kang Nasrul Jatnika. Moal aya dina kitab koneng nu kieu mah. Hehehe

01 Fébruari 2013 07:58:22
Ki Hasan ngoméntaran Fikmin "Cangkang Andalemi" kénging Nasrul Jatnika

balada kawe mongol ieu mah

01 Fébruari 2013 06:53:39
Ki Hasan ngoméntaran Fikmin "Campala" kénging Iwan Hanjuang

Tah kitu ajakan Kang Nasrul Jatnika geura, Kang Rohendi Pandeglang. Karunya sakitu geus janggotan teu apal kana panggung wayang. Sina mekel sarung keur ngagulayun kolongeun panggung. Hehehe

01 Fébruari 2013 06:47:06
Ki Hasan ngoméntaran Fikmin "Titiran" kénging anjeunna.

Enya jigana eta, Kang Nasrul Jatnika, alatan tatangkalan nu kahot nahunan, ayana di sabudereun kampus. Sedengkeun dipilemburan geus langka lingkungan jiga kitu teh.

01 Fébruari 2013 06:33:56
Ki Hasan ngoméntaran Fikmin "Titiran" kénging anjeunna.

Duka kunaon. Eta manuk baretah di lingkungan kampus, Kang Nazarudin Azhar. Pedah upluk-aplak kitu, luasna 1177 hektar. Jigana alatan tangkal kai nahun jaranggotan rajeg sabudereun wangunan. Bari tara aya nu ngagunasika. Manuk liar jiga nu laindeuk. Mangpirang rupa manuk recet unggal isuk, unggal sore.

01 Fébruari 2013 03:53:53
Ki Hasan ngoméntaran Fikmin "Titiran" kénging anjeunna.

Nya kaci wae Mbi Chymepm disurahan kitu ge. Hehehe. Nyanggakeun kana kamandang sewang-sewang.

01 Fébruari 2013 03:51:56
Ki Hasan ngoméntaran Fikmin "Kanibal" kénging Abah Sarjang

Abah Sarjang, ieu fikmin jalan caritana rada mirip sareng fikmin Mbi Chymepm. Utamana bagean awalna. Ari si Mbi mah sahinasna saluyu jeung carita nu ilaharna. Ari dina naskah salira mah diropea deui, jadi leuwih orsinil. Utamana dina pungkasanana. Nya bisa kamaklum, da puguh diangkat dina carita rakyat nu sumebar dimamana. Nu ieu geura:
===

Klong Ww
Knging Mbi Chymepm
Dipidangkeun dina lapak 22 Januari 2013 10:20:53

Tibeurang knh, Nyi Engkah geus sengar-sengir, bari lkskng, teu genah cicing. Nyi, tos karaos? Tanya Bi Munah. Muhun, Bi! Mung reuhreuy knh. Jawab Nyi Engkah, bari geus hs ngalngkah. Ulah leuleumpangan diluar atuh! Mana sareupna, Pamali! Ceuk Bi Munah, bari ngalos muru pancuran, nu deukeut ka tajug.
Wanci geus ngagayuh kapeuting. Kang! Pilari ayeuna, Ema paraji th! Nyi Engkah ngajurungkeun. Los, indit. Bakating kurusuh, nepika poho teu mawa obor, pankr g kalah diculkeun diluhureun bako.
Lebah pngkolan. Handapeun tangkal waru doyong, aya nu nanya: Man ngamana, Nyang? Atoh teu kudu jauh nang. Ah! Geningan! Ema paraji! Itu pun bojo, tos saborosoteun! Bring, balik. Setepina ka imah. Teu tata pasini, bus! Si Ema asup ka pangkng . Euleuh! Ngeningan, ngeus nolol! Hok, ayeuna ng, minyil! Ceuk ema paraji. Teu sawatara lila. Goar! Kaaaang! Jep! Jempling. Kapireng ku salakina, aya nu ceplak dijero kamar.

01 Fébruari 2013 03:46:27
Ki Hasan ngoméntaran Fikmin "Campala" kénging Iwan Hanjuang

Kang Nasrul Jatnika, dina itung-itungan kolot baheula, tiap jalma teh sok dipapandekeun kana karakter tokoh-tokong pawayangan. Ngan uing poho deui buku catetanana, kaburu teu kapuluk haritra teh.

01 Fébruari 2013 03:38:23
Ki Hasan ngoméntaran Fikmin "Campala" kénging Iwan Hanjuang

Na hese-hese teuing Kang Nasrul Jatnika. Geura kawin deui we atuh. Heug nanggap wayang. Bisi panasaran mah.

01 Fébruari 2013 03:34:03
Ki Hasan ngoméntaran Fikmin "Titiran" kénging anjeunna.

Hehehe. Duka tah Mbi Chymepm. Naon kira-kira nu ngalangkang dina emutan Mbi, sanggeus rengse macana.

01 Fébruari 2013 01:02:26
Ki Hasan ngoméntaran Fikmin "Campala" kénging Iwan Hanjuang

Hehehe, rada kaliwat maca komen Abah Sarjang yeuh.

01 Fébruari 2013 00:42:30
Ki Hasan ngoméntaran Fikmin "Campala" kénging Iwan Hanjuang

Naha make teu percaya sagala kana Ratu Adil, Kang Iwan Hanjuang, Abah Sarjang. Na matak naon, mun pada arapal yen Ratu Adil teh karakterna hade, nya pek we sing daraek jaradi Ratu Adil sorangan. Teu kudu nungguan batur jadi Ratu Adil atuh. Hehehe

01 Fébruari 2013 00:01:09
Ki Hasan ngoméntaran Fikmin "Rambut Kusut" kénging Teti Taryani

Duka lebah dieu "nu neang" perlu dibedegulkeun nulisna, atawa kaci jiga kitu we. Mun noong konteksna mah, jiga teu disumputkeun "nu neang" teh. Boa perlu bedegul.

31 Januari 2013 15:31:25
Ki Hasan ngoméntaran postingan kénging Wawan Irawan

Tah kitu, Teh Neneng Yatikurniati, Mbi Chymepm, Kang Helmi Pakudjati, mending silih bejaan ku papada fikminer, tong nungguan admin wae, lieur moal kasiwer. Hehehe

31 Januari 2013 15:21:39
Ki Hasan ngoméntaran postingan kénging Wawan Irawan

Ngabejaanana, Teh Neneng Yatikurniati, kudu jentre. Make conto geura bari diebrehkeun naon maksudna. Sok hese nyambungna ari teu make conto teh.

31 Januari 2013 15:17:26
Ki Hasan ngoméntaran Fikmin "Kurudung Pulas Bulao" kénging Ki Sunda Sawawa

Lain maksud teh, da sapanjang nu katitenan ku uing mah, naon nu dicaturkeun di ieu lapak teh, ukur pakait jeung urusan kurung-karang fiksimini. Nya kangaranan ngarang mah sarua wae dina basa naon oge. Kitu-kitu keneh. Numatak rada kerung, manggih babasan "bag-bagan kasundaan" teh.

31 Januari 2013 14:04:45
Ki Hasan ngoméntaran Fikmin "Panasaran" kénging Ahmad Siti Jamilah Hamudi

Rek naon nu diasahna atuh, Kang Iwan Kustiawan, ari euweuh asaheunana mah. Hehehe

31 Januari 2013 14:00:13
Ki Hasan ngoméntaran Fikmin "Kurudung Pulas Bulao" kénging Ki Sunda Sawawa

Ari "bag-bagan kasundan" teh naon, Ki Sunda Sawawa?

31 Januari 2013 11:42:08
Ki Hasan ngoméntaran Fikmin "Kanibal" kénging Abah Sarjang

Hehehe. Cobi sing telik Mbi Chymepm, bandingkeun pungkasanana, geura. Bakal katara kumaha gehelna si Abah Sarjang.

31 Januari 2013 10:31:16
Ki Hasan ngoméntaran postingan kénging Kuncen Fbs

Nuhun Kang Ddn Abdul Aziz koreksina.