Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Koméntar Kanca • Godi Suwarna


Nu kasair ku FBS, Godi Suwarna geus nyerat 10.441 koméntar. Runtuyanana aya di handap, dumasar kana waktu panganyarna. Dipidangkeun per kaca 50 koméntar.
30 Januari 2013 23:29:38
Godi Suwarna ngoméntaran Fikmin "Panasaran" kénging Ahmad Siti Jamilah Hamudi

Ibrahim Farid:"Yaktos, kasar, Ang..! Sim uingah mun diadaban bakal langkung adab ti sasaha. Mun dituduh teu puguh siap jeun galunganana...! Teras ayeuna bade kumaha?"

30 Januari 2013 23:24:05
Godi Suwarna ngoméntaran Fikmin "Subuh" kénging Ki Hasan

:"Tah, sim uingah sok ngahaja mareuman listrik upami nuju purnama teh, Ki..! Kaleresan rorompok teh sisi sawah pisan. Ngampar samak di buruan. Ngawawaas jaman baheula ngabungbang. Tapi da mung sim uing sareng pun Bojo wungkul nu sok mulan teh. Pun Anak mah kalah; 'Nanaonan, Pa?' cenah..."

30 Januari 2013 22:42:08
Godi Suwarna ngoméntaran Fikmin "Panasaran" kénging Ahmad Siti Jamilah Hamudi

:"Ceuk nu ngarang ieu fikmin dina komenna di luhur :'Sok timbul awon sangki, Bah Uyuh.. Boa-boa nu knging bntang, nu knging komn sareng jempol satolombong mung orang YPK, Kuncn, Pupuhu mdia..'

Tepi ka kituna salira goreng sangkana ka admin. Betah keneh di dieu henteu..? Mun geus teu betah ku aing rek diremove, yeuh...!!!"

30 Januari 2013 22:28:42
Godi Suwarna ngoméntaran Fikmin "Subuh" kénging Ki Hasan

:"Segeeer, Ki..! Tos lawas teu ningal bulan, pasti bakal endah pisan. Karunya bulan teh, sok sanaos nuju ping opat las, bari langit lenglang, angger teu kawas jaman baheula, da ayeuna mah janten pias pisan, kagebah-gebah ku listrik nu tambih burahay bae..."

30 Januari 2013 22:11:23
Godi Suwarna ngoméntaran Fikmin "Lalampahan" kénging Irfan

:"Janten, ceuk uingah, ulah waka palay ngarang fikmin nu panjang. Kawitan ti nu pondok bari pepel. Teras ngised, saeutik-saeutik, ti fikmin ka fikmin. Tambih lami teras tambihan, panjangan, bari angger kedah pepel. Cobi tingal fikmin-fikmin awal sim uing dina web. Parondok, tacan wantun ngarang dugi ka 150 kecap. Wantun ngarang dugi ka 150 kecap teh ngawitan dina fikmin Tukang Parahu, sabada lima sasih diajar ti nu parondok heula..."

30 Januari 2013 22:02:23
Godi Suwarna ngoméntaran Fikmin "Lalampahan" kénging Irfan

:"Taaah, eta langkung muantaf, Ang..! Jempol pisan..."

30 Januari 2013 21:53:04
Godi Suwarna ngoméntaran Fikmin "Nu Kasilihkeun" kénging Yuharno Uyuh

:"Tegeeep, Aaaang...! Pondok tapi nyogok pisan kana tikoro, utamana pungkasanana...! Siiip dekh..!"

30 Januari 2013 21:50:20
Godi Suwarna ngoméntaran Fikmin "Lalampahan" kénging Irfan

:"Weiiis, etah, idena asoy pisan, Ang..! Kacipta, imah kahuruan, hartabanda ledis, pamajikan kitu peta. Gustiii...! Tapi, hubungan kareta jeung jalan carita asa kurang weweg, Ang...! Pikeun uing, ieu fikmin bisa dimimitian ti paragrap ka 3. Paragrap 1 - 2 tiasa wae dileungitkeun. Geura mangga raraoskeun, Ang..."

30 Januari 2013 21:39:56
Godi Suwarna ngoméntaran Fikmin "Saha ari Manéhna?" kénging Nyai Endit

:"Sim uing usul, upami tiasa mah revisi judulna, Nyai..! Asa teu raoseun..."

30 Januari 2013 21:38:29
Godi Suwarna ngoméntaran Fikmin "Cacaka" kénging Shohiba Nu'man

:"Nyaan, fikmin nu ieu mah plotna diwangun kalimah perkalimah teh lain bohong. Uing teu bisa neguh pisan rek ka mana leokna, kajaba terus nuturkeun kecap jeung kecap, kalimah jeung kalimah, nu rekep pakuat-pakaitna. Mun aya nu teu kalenyepan barang sakecap, komo mun teu ngarti kana kecapna mah, bakal lapur moal karampa jenglengan fikminna. Tegeeep, 'Jaaang...!"

30 Januari 2013 15:22:40
Godi Suwarna ngoméntaran Fikmin "Pacul" kénging Helmi Pakudjati

:"Taaah, uingah resep pisan kana ieu fikmin, Ang..! Ungkarana genaheun pisan, nyerep kana hate uing. atuh lalakonna karasa matak ngangresna..."

30 Januari 2013 13:20:50
Godi Suwarna ngoméntaran Fikmin "Lalaki Kalung Buldog" kénging Muhammad Moulya Yamada

Ahmad Siti Jamilah Hamudi:"Cobi pilari buku: PEPERENIAN, karangan Hadi Aks spk. wedalan penerbit Geger Sunten. Rada lengkep unak-anik tutungkusan karuhun teh. Ti kawit ngaran anak sato dugi ka caturangga kuda, aya..."

30 Januari 2013 13:17:35
Godi Suwarna ngoméntaran Fikmin "Lalaki Kalung Buldog" kénging Muhammad Moulya Yamada

Ki Hasan:"Duka kunaon, pun Anak mah resepeun pisan ngapalkeun nu karitu teh, Ki..!"

30 Januari 2013 13:16:49
Godi Suwarna ngoméntaran Fikmin "Lalaki Kalung Buldog" kénging Muhammad Moulya Yamada

:"Siiip dekh, Aaang..! Tos karaos fikminna. Yaktos, kantun teras ngasah basa Sundana...! Wilujeng bajoang...!"

30 Januari 2013 13:13:06
Godi Suwarna ngoméntaran Fikmin "Nu Nulis" kénging Éndah Dinda Jénura

:"Si Kuyank mah dina keur seuseutna mikmin ge bet bisa jadi fikmin nan hebring sekalee..!"

30 Januari 2013 12:32:06
Godi Suwarna ngoméntaran Fikmin "Nu Nulis" kénging Éndah Dinda Jénura

:"Eduuuun, Kuyaaank....!" (Sakitu we lanan)

30 Januari 2013 09:45:18
Godi Suwarna ngoméntaran Fikmin "Arransemen Panungtung" kénging Iwan Hanjuang

:"Aki-aki kawas urang mah ulah rusuh ateuh, Amang..! Matak ejekulasi dini..! Heuheu..."

30 Januari 2013 08:52:47
Godi Suwarna ngoméntaran Fikmin "Saha ari Manéhna?" kénging Nyai Endit

:"Siiip dekh, Nyai..! Si Nyai teh beuki pinter 'sumput belingna', fikmin nu matak ngahudang kapanasaran. Naon ateuh mangkeluk teh? Naha kembang malati bet muguran...? Atawa, boa eta mah teu penting. Nu penting mah kalimah panungtung: 'Aa, ulah mulih, nya? Abdi sieun!' Tah, Upami tos barosen ngobrol, da tos dua jam, keun bagean nu aya sajeroeun hotpans jeung sajeroeun calana sina guntreng paduduaan..." :D

30 Januari 2013 08:37:44
Godi Suwarna ngoméntaran Fikmin "Seken" kénging Tatang Supriadi Art

:"Teh Emah teh urang Sadananya tea, sanes? Da eta geuning nanyana mani disada kitu...!heuheu..."

30 Januari 2013 08:33:27
Godi Suwarna ngoméntaran Fikmin "Carpe Diem" kénging Budi Mugia Raspati

:"Haruuuh, eduuun...! Ungkarana 'nyariki', bruh-breh nu digambarkeunana, kawas dina film. Kapireng pisan simpe nu dipasieup ku sora cai dina wastafel Lalakon 'kilas-balik' nu biasana pikaboseneun, malah mun panjang teuing sok dianggap cacad komposisi, dina ieu fikmin mah jadi matak pogot macana. Hebriiing, 'Jaang Ubuuud...!"

30 Januari 2013 08:20:47
Godi Suwarna ngoméntaran Fikmin "Dongeng Kuda Jeung Domba" kénging Kang IsMaya

:"Haruuuh, ganti jaman, ganti kasab, ganti lalakon...! Leuheung Sakadang Domba mah, da rek dikurbankeun. Sakadang kuda? Asa tara aya nu kurban kuda mah, sanes? Tegeeep, Aaaang...!"

30 Januari 2013 08:15:50
Godi Suwarna ngoméntaran Fikmin "Dunungan Anyar" kénging Gaus Firdaus

:"Asoooy, Aaaang...! Nu ieu mah plotna ngentep seureuh pisan, ungkarana reuhreuy, kalem, 'terkontrol', lalakonna akrab jeung pamaca da boa kantos ngaralaman kawas kieu, dina hal nu beda-beda. Uingah ras ka jaman keur dines. Nya sok karieu we gawe teh..! Hehe..! Tegeeep, Aaaang..."

30 Januari 2013 03:56:47
Godi Suwarna ngoméntaran Fikmin "Kasus 3" kénging Maman Damiri

:"Taaah, nu ieu, Aaaang...! Nenggang ieu mah. Imajinatif. Aheng. Dongeng nu diaworkeun sinareng warta nu nuju haneut. Hebring pisan..!"

29 Januari 2013 23:10:33
Godi Suwarna ngoméntaran Fikmin "Nungguan Nu Ngarahuh" kénging Neneng Yatikurniati

:"Fikmin nan aheng, Bu Neng..! Siiip dekh...!"

29 Januari 2013 23:08:21
Godi Suwarna ngoméntaran Fikmin "Peuting" kénging Abah Sarjang

:"Haruuuh, linuuuuu, 'Baaah...!"

29 Januari 2013 22:43:48
Godi Suwarna ngoméntaran Fikmin "Muhrim Tulen" kénging Budi Dharsono

:"Siiip, Ang Bud..! Tambih karaos fikminna. Ang Bud teh kalebet 'murid enggal' nu nyongcolang pisan. Tos karaos bakal janten fikminer hebring upami leukeun mah. Yaktos, ulah waka hoyong ngarang fikmin panjang. Mending kieu we heula, parondok nanging pepel, kecap-kecapna taya nu mubah. Teras engke, beuki lami, tambihan kalimah-kalimahna, tapi angger kedah pepel kawas kieu. Seueur pisan fikminer nu sok palay langsung mikmin panjang, bari teu acan tiasa mepelkeun ungkara. balukarna, fikminna karaos ngayayay. Wilujeng bajoang..."

29 Januari 2013 16:09:48
Godi Suwarna ngoméntaran Fikmin "Sagagang Kembang Ros Beureum" kénging Nyimas Kanjeng Ratu Yuyu

:"Weiiis, fikmin nan misterius ti awal tepi ka ahir..! Pamaca terus-terusan 'dioconan', kawas ngaheureuyan ucing kumincir, gabrug sanah, gabrug sinih, nu diudagna angger luput. Ukur aya pasapon salaku 'tertuduhna'. Tapi piraku...! Tapi bisa bae da pasapon oge manusa. Tapi bet piraku teuing. Bisa wae...! Piraku..! jst. Hebriiing, Nyimaaas...!"

29 Januari 2013 15:42:31
Godi Suwarna ngoméntaran Fikmin "Laki Rabi" kénging Asep Komara

:"Ulah asa-asa, Ang Harmenn..! Sumangga teras surahan..."

29 Januari 2013 15:37:45
Godi Suwarna ngoméntaran Fikmin "Laki Rabi" kénging Asep Komara

"Pikeun pangarang mah karya nu model kieu teh kacida pisan perluna. Nya eta pikeun terus ngalatih imajinasi, sangkan bisa bung-beng, harampang, 'jarangjangan'. Tafsir sim uing di luhur lain hiji-hijina tafsir. Bisa rupa-rupa pisan. Prak, kotektak sakur kamungkinan plotna. Dina fikmin nu model kieu, bisa rea pisan pijalan caritaeunana. Ku kituna, urang tambah yakin yen fikmin teh, najan sauted, 'panjangna' moal eleh ku carpon atawa novel...."

29 Januari 2013 15:08:59
Godi Suwarna ngoméntaran Fikmin "Laki Rabi" kénging Asep Komara

Reni Nurhayati:"Narosna sanes ka pangarang, sanes ka Doraemon. Tapi ka diri sorangan. mun mendak karya nu kieu, pamaca nu kedah aktif nyurahan. Ulah palay dihuapan bae. Tiasa wae tafsir pamaca benten-benten. Teu sawios. Langkung seueur tafsir, eta karangan hartosna hebring pisan..."

29 Januari 2013 15:06:29
Godi Suwarna ngoméntaran Fikmin "Laki Rabi" kénging Asep Komara

:"Diwawaas deui ku uing: Sabada papisah sarengsena dialajar ngaji, Nyi Mojang jekekan teh jadi biduan dangdut da hade rupa hade sora, cengkokna pas keur jadi padangdut. Kituna teh kapaksa ku kaayaan kulawargana anu walurat, Bapana nu geus taya di kieuna, ninggalkeun indung jeung adi-adi nu barongkeakan. Gaul di dunya perdangdutan tarkam, ti panggung ka panggung, ti peuting ka peuting, maksakeun karep nyaluyukeun jeung lingkungan, nya kapaksa nyieun tato tea.

Sedeng si Jajaka, miang ti lemburna. Ngumbara ka kota, Jadi pangusaha sukses. Basa diondang ku sobatna nu hajat di lembur nanggap dangdut, si Jajaka tepung deui jeung Nyi Mojang. CLBK. Pruk nikah....

29 Januari 2013 14:46:44
Godi Suwarna ngoméntaran Fikmin "Laki Rabi" kénging Asep Komara

:"Kade Ang Asep, upami aya nu togmol naros kawas Neng Reni Nurhayati, omat ulah diwaler ku pangarangna. Keun, sina pamaca nu nyurahanana. mun bade oge, pangarang mah paling masihan tuduh jalan bari angger kedah disamarkeun..."

29 Januari 2013 14:42:28
Godi Suwarna ngoméntaran Fikmin "Laki Rabi" kénging Asep Komara

:"Asooooy, Aaaaang....! Ngageleser feleem pisan ti awal-awalna. Tungtungna nyidem misteri....! Tafsirna tiasa rupi-rupi pisan. Teu langkung nu maracana. Hebriiing, briing, briiing...!"

29 Januari 2013 14:31:53
Godi Suwarna ngoméntaran Fikmin "Modus Kuno" kénging Rudi Riadi

:"Rada kateguh tungtungna, 'Cik Gu...! Hehe..."

29 Januari 2013 14:19:59
Godi Suwarna ngoméntaran Fikmin "Alamo-surosowan" kénging Helmi Pakudjati

:"Sareng wandana deuih..! Macho banged dekh, kumaha we nu kagunganana. Ngan, uingah teu resep tungtung lalakonna. Diserbu pas keur gering..! Halaaah..."

29 Januari 2013 14:17:32
Godi Suwarna ngoméntaran Fikmin "Ihtiar Munggaran…" kénging Apoedy Sarah Ihsan

:"Karakter budak nu saayana we, Ang..! Temahna ka nu maca tiasa matak kayungyun, matak ngaleketey, matak ngagedean hate, sapertos nu salami ieu tos digarap ku Ang Apoedy. Kantun 'nyeukeutan', Ang..."

29 Januari 2013 14:14:48
Godi Suwarna ngoméntaran Fikmin "Alamo-surosowan" kénging Helmi Pakudjati

:"Asoooy, Aaaang...! Jim Bowie mah karesep sim uing pisan. baheula mah make jeung boge pesona sagala..! Hehe..."

29 Januari 2013 14:08:52
Godi Suwarna ngoméntaran Fikmin "Ihtiar Munggaran…" kénging Apoedy Sarah Ihsan

:"Karakter nu angger sareng beungkeutan kulawarga ge tos janten 'benang merahna', Ang..! Kantun teras bajoang milari pilalakoneunana..."

29 Januari 2013 13:46:59
Godi Suwarna ngoméntaran Fikmin "Ihtiar Munggaran…" kénging Apoedy Sarah Ihsan

:"Haruuuuh, Jang Ihsan mah ku rupi-rupi pisan, kalan-kalan matak kayungyun, ngagedean hate, kalan-kalan matak ngaleketey...! Siiip dekh, Ang...! Teras ulik lalakon Jang Ihsan, Sarpoed, Indung, Bapa. 'Pertahankeun' pasipatanana sewang-sewang. Kacipta mun tos dihijikeun jadi buku; lalakonna beda-beda, tapi angger aya benang merahna. Wilujeng bajoang, Ang..."

29 Januari 2013 03:29:08
Godi Suwarna ngoméntaran Fikmin "Tahiyat" kénging Abah Sarjang

:"Bae aingah rek disebut nepotisme, KKN, atawa nanahaeun bae oge, kuma karep. Nu puguh pisan mah fikmin 'Tahiyat' teh ruaar biasa. Sabada uing maca rebuan fikmin di ieu lapak, nya ieu fikmin realis nu kaasup petingan pisan. Teu bosen macana. Saban maca saban ngaleketey, ngembeng cimata.
Uing kungsi ngarang fikmin anu kieu, Bah:

KEMBANG BURUAN

Kalah sedih. Kalah guligah rk lebaran th. Bingung ngupahan Misye. Anak ngan hiji-hijina. Kurang kumaha. Baju sabebed. Sapatu teuing sabaraha pasang. Acan perenak-perenikna. Nyombo. Tapi anakna teu welh nguyung. Tara kitu biasana mah. Brag w. Prah jeung babaturan sa-TK-na. Nng, abdi cios wangsul njing! ceuk Bi Inah. Manhna ukur unggeuk. Rumahuh. Duh. Bangbaluh. Lain pdah rk ditinggalkeun ku pembantu. Da aya saurang deui nu moal mudik. TapiKangg buka masak naon, nya? ceuk Entin nu ngurunyung ti kamarna. Laaah, masak naon w atuh..! tmbalna. Horam mikir. Mikiran mnu wa ti mimiti bulan puasa. Nng Misye di mana, Tin? pokna. Nemb mah di musola! walon Entin bari tuluy ngalos ka dapur. Di musola? Keur naon wanci kieu? Panasaran. Gidig ka musola. Kasampak anakna keur ngajmprak. Nukangan. Kapireng gumerendeng semu nginghak. Tuhan kan baik, yaaa..? Beri aku tangan, dooong! Aku kan pngn salaman kaya orang lain! ceuk anakna nu buntung dua leungeunna.

Sabada uing mosting ieu fikmin, isukna kurunyung babaturan. "Haruuuh, Kang, maca fikmin nu tadi wengi, abdi asa dicabok kenca katuhu. Nyegruk..! Langsung salat abdi mah, kang!" kitu kira-kira cek eta babaturan. "Si Ujang masih sok ngahitar, Kang?' pokna deui. "Masih,' cekeng. Na atuh, manehna bet mere hitar buatan manca nagara, lengkep jeung cube-na, pangaji 10 jt-eun mah. Moal dibeja-beja Hendra S Marcusi , ngaran eta babaturan teh, da Abah ge pasti wawuh. Hehe...! Manehna teh putrana Pa Marcusi, suargi, pangarang Sunda nu kakoncara dina jamanna..

Alhasil, dina sastra mah ngarang carita religi teh teu kudu mamatahan batur bari direumbeuy ku dalil bae. Cukup ku kawas dina fikmin 'Tahiyat' we. Atawa kawas carpon jadulna Ddn Abdul Aziz nu judulna 'Memento Mori' (asana). Justru dina eta carpon, saliwat mah Den Aziz siga nu 'ngahujat' Nu Nyipta. Tapi, barang Gusti dikekeak kitu teh, justru tumuwuh kacinta uing ka Mantenna. Uing ngarumpuyuk bari nyegruk, Bah..!

29 Januari 2013 02:02:14
Godi Suwarna ngoméntaran Fikmin "Taya Ras Rasan" kénging Budi Dharsono

:"Siip, Ang...! Ulah kerep teuing we ngintunna. Palanggeran di ieu lapak, ngintun teh sadinten ulah langkung ti 3 fikmin. kumaha we nuang landong. Upami seueur teuing mah tiasa janten racun. Hehe..."

29 Januari 2013 01:19:48
Godi Suwarna ngoméntaran Fikmin "Taya Ras Rasan" kénging Budi Dharsono

:"Siiip, Aaang...! Pepel. Padet. Ungkarana lalugas. Langsung nigas mamaras...'

29 Januari 2013 00:53:38
Godi Suwarna ngoméntaran Fikmin "Kahade Hilap" kénging Budi Dharsono

:"Ari numutkeun padikana mah kedahna memang teu ngangge spasi, Mbi..! Tapi upami konsisten kawas Ang Budi mah teu sawios, cek sim uing mah. Da karaos upami teu ngangge spasi teh sok asa eungap. Tapi da ku nu sanes mah tiasa wae dilepatkeun..."

29 Januari 2013 00:44:17
Godi Suwarna ngoméntaran Fikmin "Kahade Hilap" kénging Budi Dharsono

:"Taah, eta, Mbi..! Tapi da konsisten Ang Budi mah, nyerat kekenteng, tanda seru, tanda tanya teh sok ngangge spasi..!"

29 Januari 2013 00:02:55
Godi Suwarna ngoméntaran Fikmin "Arca Domas 6" kénging Rohendi Pandeglang

:"Taaaah, asoooy, 'Rooo..! Beuki pikaresepeun nuturkeunana. Nu ieu mah pleus gosipna, yeuh..! Majuuu teruuuus...!"

28 Januari 2013 23:37:49
Godi Suwarna ngoméntaran Fikmin "Sapanjang Jalan Satapak" kénging Ahmad Fawzy Imron

:"Haha...! Percanten ari perkawis ngayas mah da tos pacabakan sadindintenna Yi Haji...! Upami manah Yi Haji teu teras ngayas, nya 'konser' na ge moal pajeng ateuh..! Hehe..."

28 Januari 2013 23:33:36
Godi Suwarna ngoméntaran Fikmin "Kahade Hilap" kénging Budi Dharsono

:"Weiiis, 'murid enggal'. Nanging karyana tos 'menjanjikan' kieu...! Wilujeng bajoang, Aaaang...!"

28 Januari 2013 23:26:47
Godi Suwarna ngoméntaran Fikmin "Sapanjang Jalan Satapak" kénging Ahmad Fawzy Imron

:"Siiip, Yi Haaaaj...! Tegeeeep dekh...! Tuh, pan ayeuna mah tehnik mikmin Yi Haj ge tos kacida majengna. Gemetna. Ngentep seureuhna plot. Genahna ungkara. Bruh-breh pisan rupining nu digambarkeunana. Nyerep naon nu aya dina hate tokohna. Teu percanten? Mangga bandingkeun sareng fikmin-fikmin Yi Haji nu awal-awal..."

28 Januari 2013 16:35:00
Godi Suwarna ngoméntaran Fikmin "Néang Tapak" kénging Dadan Sutisna

:"Lalakonna mah basajan pisan, malah boa geus guladig: Salaki-pamajikan nu keur getreng alatan timburu. Tapi edaaaas pisan. Beuki karasa ku ieu fikmin, yen anu utama dina sastra mah cenah lain naon anu dicaritakeun, tapi kumaha cara nyaritakeunana...."

28 Januari 2013 16:24:04
Godi Suwarna ngoméntaran Fikmin "Néang Tapak" kénging Dadan Sutisna

Rameli Agam:"Tapi, coba mun ieu fikmin ditarjamahkeun kana basa Enonesa. Pasti jadi kawas merak nu dicabutan buluna. Numatak, basa Sunda mah sakti mandraguna..."