Saémbara Ngarang Fikmin Kapahlawanan – Novémber 2011
Godi Suwarna | Saptu, 26 Januari 2013 23:35
Kapahlawanan [Gambar/Ilustrasi: Istimewa]
Fiksimini basa Sunda tambah murudul, tambah arédun. Rupa-rupa téma, rupa-rupa gaya. Dina jaman werit medalkeun karangan, boh di médiamassa, boh dipedalkeun mangrupa buku, grup Fiksimini Basa Sunda minangka jalan kaluarna pikeun midangkeun karya. Kabandungan, lian ti para pangarang kahot nu geus dipiwanoh, tétéla réa pisan pangarang anyar nu karyana haradé nu maridang dina ieu grup. Pikeun leuwih ngaronjatkeun ajén inajénna, admin grup FBS seja ngayakeun saémbara ngarang fikmin.
-
Téma : Pahlawan, Kapahlawanan.
-
Karangan anyar, nu can kungsi dipidangkeun, boh dina média citak (koran, majalah, jsté), boh dina média éléktonik (wéb, facebook, twitter, jsté).
-
Karangan asli, lain terjemahan, lain saduran.
-
Karangan ulah kurang ti 50 kecap, ulah leuwih ti 100 kecap. Kecap kayaning: di mana, ti mana, éta diitung dua kecapeun. Kahadé ulah kérok ngitung. Kecap saperti “séwang-sewangan”, “kalan-kalan”, “kuda-kuda”, diétang sakecap. Kurang atawa leuwih ti éta, sanajan karya linuhung kapaksa bakal lebet kotak baé.
-
Unggal patandang ukur bisa ngirimkeun hiji karangan.
-
Saémbara dibuka tgl 18 Okt, ditutup tgl 1 Nov, diumumkeun tgl 3 Nov 2011, dina acara Diskusi Fikmin Sunda di UNPAD.
-
Karangan dikirim kana inbox Girang Pangajén: Nazarudin Azhar, Dadan Sutisna, Godi Suwarna. Suoados teu pabeulit sareng kintunan sanesna, fikmin saembara nu di-inbox ka Girang Pangajen mugia diserat kieu : Saembara # Judul # Eusi
-
Girang Pangajen moal cueut ka nu hideung, moal ponténg ka nu konéng, sabab upama kitu bakal dibendon karuhun.
-
Pihak admin teu kaci ngiluan kana ieu saémbara.
Girang Pangajén baris milih:
-
Pinunjul 1 hadiahna: LAPTOP ti Kang Ganjar Kurnia.
-
Pinunjul 2 hadiahna: Samsung Mini Galaxy Android ti Kang Ganjar Kurnia.
-
Pinunjul 3, hadiahna: Rp. 1.000.000,- (Sajuta rupia).
Artos hadiah disumbang penggemar fikmin nu alim disebat jenenganana. Kitu saheulaanan jumlah-jamléh hadiahna. Muga-muga bisa leuwih badag upama aya donatur séjén nu nyumbang kana ieu kagiatan nu sétuning mulya mungguh karuhun. Heuheu…
Prung padungdung, ‘Daaak..!