Nepangkeun ka Sadayana
Assalamu'alikum Wr. Wb.
Sampurasun!
WASTA asli mah Latif Saéful Islam. Nu ngageroan sok pirajeuneun nyebut, 'Tif!'. Tara ari nepi ka ngahaokan nyebut 'kasép' mah ka kuring téh, teuing kunaon teu ngarti. Urang leuweung kuring téh. Ah, enya. Rék nyebut urang kota da Ciseupan mah lain kota. Disebut perkampungan da kalér kidul kulon wétan leuweung geledegan. Bilih teu percanten mah dongkap baé ka lembur Ciseupan, RT 44/RW 11, Désa Cibuluh, Kacamatan Tanjungsiang, Subang. Ké urang ngaliwet sisi walungan, nya! Konték baé ka 0853 2023 9952. Sanés promosi yeuh punten. Héhéhé...
Babar di Subang. Dina poé kemis, ping 9 Méi taun 1996. Eta cenah aya anu panasaran, 'Ari sadidinten padamelan naon?' kawasna taya deui lintang ti nyiar élmu. Enya, da komo ari setatus pelajar mah. Kaleresan sakola téh di SMK Negeri 1 Subang, jurusan RPL (Rékayasa Perangkat lunak), angkatan taun ajaran 2011-2012.
Sok loba nu nyarita, cenah kuring mah pangaresep téh béda ti batur. Dina kalana batur mah gagalowan ngaromong basa alay, ari kuring cecelengkeungan ku basa Sunda. Ari batur resep hihitaran, kuring mah top kana kacapi. Batur resep lalajo band, ari kuring kalah sinuku tunggal nyakséni wayang golék. Ah, keun waé wé. Salahsahiji karesep kuring téh ngarang, komo ku basa Sunda mah. Enya, panglumpatan tina karesep, tungtungna kabita ningali batur ngarang, medal dina majalah. 'Ah, ari nyarita sapopoé basa Sunda mah maenya teu bisa ngarang sajudul-judul acan?' gerentes. Nya trét wé. Jadi tilu judul. Dikirim ka Manglé, ukur hiji nu katarima. Keun waé, sakitu gé geus ngarasa reueus ka diri sorangan. Enya, basa mimiti carpon ditarima ku Manglé téh bungahna moal bisa kagambarkeun ku carita sanajan sakumaha éndahna basa, moal kagambar ku impian sanajan éndahna lamunan. Pan ti harita pisan, beuki kahudang waé sumanget hayang jadi tukang ngarang siga batur téh.
Béhdieuna panggih jeung nu ngaranna fikmin. Sing sumpahna teu wawuh-wawuh acan ka nu ngaranna fikmin (harita mah). Mimiti maca fikmin karangan Kang Godi Suwarna anu judulna 'Titis Tulis'. Kuring tuluy mikir, 'Oh kieu Fikmin téh,' gerentes. Harita kénéh tuly trét nyieun fikmin. Diapungkeun kana Cakar Kuda, Alhamdulillah ngagimbung jempol, kuat heurinna. Hueheuheu.
Béhdieuna, rada kabita fifikminan. Pangpangna nyieun fikmin anu ngagulang-gapér carita wayang. Dihaja, méngpar tina tetekon, ambéh ramé. Nyaan wéh ramé (ceuk uing mah, duka ceuk batur).
Enya, sakitu tingkesan lalakon kuring téh. Pamugi (sugan jeung meureun) aya pulunganeunna. Cag. Hurip Sunda!(LSI).
( Tanjungsiang - Subang, 20 Juni 2013 )
No | Tanggal | Judul | Jml Koméntar | Jml Kecap | Petingan | Jml Karakter |
---|---|---|---|---|---|---|
31. | 28-12-2012 | Pituduh | 4 | 26 | 157 | |
32. | 25-12-2012 | Dahar Heula | 2 | 93 | 765 | |
33. | 14-12-2012 | Dua Panggung | 2 | 118 | 889 | |
34. | 12-12-2012 | Geuning Saré | 1 | 89 | 658 | |
35. | 29-11-2012 | Tobat | 0 | 103 | 709 | |
36. | 14-11-2012 | Sakeclak | 0 | 106 | 731 | |
37. | 11-11-2012 | Tina Ngaran | 0 | 126 | 888 | |
38. | 04-11-2012 | Rayagung | 0 | 77 | 573 | |
39. | 30-10-2012 | Sakeclak Cai | 0 | 99 | 660 | |
40. | 29-10-2012 | Mandeg | 0 | 100 | 665 | |
41. | 16-10-2012 | Gadung | 0 | 132 | 950 | |
42. | 05-10-2012 | Ngaran Pujangga | 0 | 137 | 997 | |
43. | 01-10-2012 | NgamumulÉ | 0 | 139 | 1.111 | |
44. | 23-09-2012 | Salah Carita | 0 | 102 | 782 | |
45. | 23-09-2012 | Lalakon Anyar | 0 | 97 | 714 | |
46. | 23-09-2012 | Meuli Pulsa | 0 | 155 | 1.138 | |
47. | 22-09-2012 | Bebeten | 0 | 178 | 1.294 | |
48. | 21-09-2012 | Anak Dalang | 0 | 226 | 1.745 | |
49. | 20-09-2012 | TrÉnggana | 0 | 93 | 712 | |
50. | 01-09-2012 | Pileuleuyan | 0 | 83 | 622 |