Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Wayang Bayangan

Kénging Godi Suwarna
Dipidangkeun dina lapak 03 Séptémber 2015 11:30:36

Pasosoré. Balik digawé. Bréh. Aya wayang golék. Ngagolér dina golodog. Dialak-ilik. Anoman. Sampingna ruwak-rawék. Awakna guladig. Teu puguh pulas. “Jih, wayang nu saha, nya?” manéhna ngagerendeng. Wayang disalabarkeun. Taya nu ngaku. Hararé-haré. Tungtungna, éta wayang dirawatan. Sampingna diganti. Disisieup. Ditunda luhureun bupét. Da puguh resep. Teu weléh ditatap, diusap. Bagja.

“Lalaaay! Sakitu geus dibungkusan ku karung!” tatanggana kukulutus. Pédah buah gedongna aya nu ngarewodan. Ukur sapeuting sasiki. Tapi angger jéngkéleun naker. Manéhna bati ngahuleng. Nénjo wayang asa beuki lingsig baé. Pulasna nyacas. Cahayaan. “Bangsaaat! Bangsaaat!” tatanggana kapireng gogorowokan. Subuh-subuh. Manéhna ngoréjat. “TV digubug! Kaburna ka ditu, tuh!” tatanggana hariweusweus. Tutunjuk.

Tingberetek. Tinggorowok. Nu ngarudag bangsat. Manéhna ngabelesat. Lumpat panghareupna. Bangsatna geus katémbong. Samar-samar. Kacaangan cahya bulan. Ngabecir mapay galengan. Beuki lila, beuki deukeut. “Wadaaaw!” Bangsat ujug-ujug titolonjong. Tikusruk kana kotakan. Bangsat keur kokoséhan bari gegerungan basa manéhna angsrog. Bréh. Wayang golék nanceb dina tonggong bangsat. Anoman. Panonna hurung. Moncorong.