Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

PÉsta Juhlas Agustusan

Kénging Godi Suwarna
Dipidangkeun dina lapak 16 Agustus 2015 07:18:00

Halodo karék sabulan. Cikahuripan ngorotan. Hog-hag nu parebut cai. “Waspadalaaah! Anjing édan digulaaaan!” Mang Saman gogorowokan. Ditutur-tutur ku pamajikanana. Nu bangun sabar kacida. Pasrah kana dodoja. Nya kitu, saban nincak usum katiga, Mang Saman sok ngagigihan. Jang Ulis gogodeg. Ras ka kulawarga Mang Saman nu barongkéakan. Nu walurat kabina-bina. Watir.

Bulan katilu halodo. Cikahuripan ngolétrak. Kebon-kebon ngabaketrak. Sawah-sawahna bareulah. Paila kagila-gila. Dur-der. Nu galungan di solokan. “Praaang! Priiing! Ledis jeung haté-haténaaa!” Mang Saman ceuceuleuweungan dina apél Agustusan. Basa urang Ciburial tawuran jeung Cibuncelik. Sora nu patinggorowok. Tingjarerit. Sora dogdog. Kendang penca. Gumuruh. Pamong désana pakepuk. Nyapih. Jang Ulis kalah ngayekyek.

Peutingna. Kapireng sora kohkol dititirkeun. Jang Ulis curinghak. Balédésa didaruruk. Jang Ulis ngaberetek. Muru nu ngabela-bela. Reg. Rénghap-ranjug. Reureuh hareupeun imah Mang Saman. Handapeun bandéra rawék, Mang Saman saanak-anak kasampak balakécrakan. Tingharereng. Beuleum daging sumelengseng. Rét kana nyiru. Gebeg. Aya sirah wanoja nu guyang getih. Bangun pasrah. Jang Ulis ngalenggerek.