Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lembur Bulan

Kénging Godi Suwarna
Dipidangkeun dina lapak 12 Agustus 2015 15:24:23

Imah-imah panggung. Hateup-hateup injuk. Parentul di tonggong gunung. Lembur nu tingtrim. Kari-kari kudu pindah. Pamaréntah rék muka lahan keur perkebunan. “Geus tepi kana ugana,” ceuk Olot sabot gempungan. Urang lembur tingharuleng. Jararauh panineungan. “Ké peuting cuang ngalagé, ‘Dak!” Olot mungkas panglawungan. Laju ngencling mekel sintung. Nyepén handapeun tangkal kiara. Manteng.

Peutingna. Bulan burahay. Ronggéng gunung ngemprung. Urang lembur ngaréngklak di pakalangan. Simpé. Teu aréak-éakan kawas sasari. Nincak kawih Raja Pulang, Olot gé ngersakeun ngibing. Cimata patingborélak katojo cahya purnama. Halimun turun. Ngamparan lemah. Nu ngarigel beuki husu. Lir narapak dina méga. Laun-laun, bulu-bulu rarenung na saban awak. Coréléng. Buntutna patinggarebay.

Pabeubeurang. Tingkurunyung para patugas ti dayeuh. Aranjog ka Lembur Bulan. Tinghariul. “Mangkukna sayah ka dieu. Sidik lemburna di dieu. Tuh, tangkal kiara cirina,” ceuk nu maké topi laken. Tutunjuk. Bruh-bréh. Lembur téh bet taya tapak-tapakna acan. Ukur kembang warna-warni nu keur sumedeng maridang. Ngampar budeureun kiara. Dumalingding. Seungitna ka angin-angin.

*

(Ieu fikmin minangka pangjurung laku kanggé nu badé gempungan di “Lembur Cahaya,” Tasikmalaya, 5 September 2015, dina raraga milangkala FBS. Mugia nu sarumping fikminna sing dumalingding, seungitna sing dugi ka jaganing jaga. Bral...!)