Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Asmaranista

Kénging Godi Suwarna
Dipidangkeun dina lapak 20 April 2015 17:04:39

Kemah geus ngadeg. Purnama ngempur di langit wening. Talaga boborélakan. Gogonjakan bari ngariung durukan. “Hitar! Mana hitar?” Hitarna digenjrang-genjréng. Der nyaranyi. Beuki peuting, beuki ramé. Aréak-éakan. Teu maliré talaga képlok caina. Beberekbekan. Aya nu mucunghul. Ngolébat ka lebah kémah nu beuki sahéng. Pencrongna hurung. Semu héjo. Ngawas-ngawas nu keur kémping.

Ruy-rey. Lalanjung. Kitu nu karasa sabada kémping. “Asa parias geuning. Gering?” Guru Olah Raga mariksa. Kapaksa mulang ti heula. Ngadon ngalempréh di enggon. Leng. Éling-éling keur dijiad ku Ajengan. “Kasandingan Nyi Gumiling,” ceuk Ajengan. Beuki mindeng ngimpi tepung jeung wanoja nu gamuleng. Beuki begang da méh tara barangdahar. Sok sarebel.

Ganti bulan. Beuteungna badis nu busung. Rerencepan dibawa ka rumahsakit. Dipariksa. Dokter gogodeg. Tuluy ngaléos. Teu lila, ngurunyung deui jeung dokter-dokter lianna. Diriung-riung. Digulanggapér. Tinggerendeng. Garogodeg. “Kumaha Pun Anak téh, Dok?” bapana lah-lahan nanya. Dokter tingharuleng. Bangun hareurin ku létah. “Reuneuh geuning Si Ujang téh,” walon Dokter. Sorana halon kacida.