Tos asar nembé uih sakola. Nuju calik ditéras, ngalaan sapatu, aya Uu masihan idangan. "Yeu Néng, pasihkeun ka Ema, Uu salametan bumi!" saurna. Énggal-énggal lebet,
"Ma...Ema...ieu dipasihan idangan ti Uu," mapah rusuh ka pawon. Jeduk. Nabrak si Aa.
"Naon atuh senéng jeung lulumpatan? Naon éta na pipiti? Ningali!" ngarebut.
"Ulah ih...ieu mah kanggo Ema saur Uu gé!" lumpat deui. Paudag-udag.
Bréh, Ema, nuju mesékan roay di saung kebon.
"Ema...ieu...pipitina badé dicandak ku si bo-a," nyorowok.
"Kadieu kadieu aya naon? Oh...ti saha? Huapan ku Ema nya." Gék, calaralik di saung. "Eh, tadi teh naon pipiti? Teu kenging nyebat kitu nya. Pamali, bésék kituh!" saur Ema. Duaan papelong-pelong. Teu ngartos. Rét kana tutupna. Aya seratan 'Ma Iti'.