Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Lalakon Ki Jago

Kénging Herdi Pamungkas
Dipidangkeun dina lapak 17 Désémber 2014 22:05:06

Méh unggal soré. Prak mah henteu. Kucaritaan wungkul nu ngagimbung hareupeun garduh ronda percaya. Gogodeg. Kumecrék. Komo lamun niténan dedegan mah. Kabadanan. Tegep rék ngaku jawara ogé. Lebah cangkéng teu weléh nyolégréng bedog. Kalakuan sahaok kadua gaplok. Gawéna ukur malak. Sentakna galak. Harita gé manéhna keur nyarékan Sarmin laklakdasar pédah kalékéd dipéntaan. Boroning méré jang maraban anak pamajikan gé teu cukup. Pikirna. “Ieu mangkeluk geus wani ngabangkang ka déwék!” cék Ki Jago bari tutunjuk. Nu disentakan ukur murungkut. Haténa hemar-hemir. Sok sieun jekuk ditonjok, ditalapung. Nu hadir taya nu wani cacarita sumawona andon bébéla. Gigis. Miris. Bati haté ngageremet. “Jadi silaing téh hayang ngajajal, heuhhh! Sok kadék awak déwék, pilih; kulit nu uduh, tulang nu rangu, rék ti tukang sok ti hareup jung!” srét ngalugas bedog. Keleweng cleb. Luhur lemah hareupeun Sarmin. “Kadék bincurang déwék!” ngadegungkeun. Nyel Sarmin ambek. Gap kana bedog. Hiuk, diheumbatkeun. Ki Jago ngadadak sepa. Nénjo gurilapna.