Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

(53) Jang Odin & Hariring Peuting

Kénging Godi Suwarna
Dipidangkeun dina lapak 29 Novémber 2014 08:13:40

Odin lilir tengah peuting. Di saung huma. Cihcir ngencring sisi gawir. Ngayun-ambing. Kapireng nu tinggerendeng. Di buruan. “Cing, kumaha ceuk Aka, Kakang Gilang bakal kawin ka Halimah?” Sora Putri Nurmaya. Dareuda. Jempling. Odin ngahéphép. Maling déngé. “Kana kitu, Putri!” Kadéngé Si Colat némbal. Antaré. Kawih cihcir patempas jeung caricangkas. Hawar-hawar.

Odin ngahuleng. Rus-ras. Enya. Karasa pisan kanyaahna. Geténna. Bélana. Nurmaya. Nu geus lawas ngajauhan. Ngajaga anggang. Saprak Odin jeung Halimah hahadéan. “Kakang Gilang jeung Halimah. Enya. Nurub cupu. Kami teu ngabibisani. Ngan, ieu haté teu daék léah, Aka…” Sora Nurmaya gumeter. Sada cihcir beuki jicir. Niir jejemplinging peuting. Odin ngaheruk.

Nurmaya kapireng nginghak. “Sabaaar, Putri! Naon rupa nu karandapan, pamuga aya hikmahna,” Si Colat gumerendeng. Sorana leuwih ngaweuhan batan séah walungan di birit lembur. Jempé sawatara lila. Caricangkas melas-melis. “Amit, Aka! Kami rék mulang ka Selamaya!” Tungtungna, Nurmaya teu burung teteg. Kadéngé nu gumeleber. Sada jangjang ngapak peuting. Ngawang-ngawang. Jempling.