Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Ngédit Fikmin (hayang Nurutan Mang Nunu)

Kénging Tatang Sumarsono
Dipidangkeun dina lapak 30 Oktober 2014 09:33:32

Kapangpéngkeun kana lulurung waktu. (Asa mending kénéh nganjang ka mangsa jaga, nya? Urang ulah haben tibelat ka mangsa lawas). Bet tepung sareng salira, nu sok kasabit dina solawat, ka ahlul bait. (Alus waé tepung jeung saha-sahana mah.) Ngaheneng sotéh bawaning ajrih, pareng jonghok sareng kakasih Rasul. (Ungkara lebah dieu mah teu hayang ngédit, sieun kaweruh nu nyampak teu kurup, mana komo lamun hayang mapakan kaom jumhur). Cacak lamun jadi Kéansantang, ku hayang weruh kana getih sorangan. (Ah, dongéng atuh tamah. Ku naon sih bet nineung waé ka jaman buhun.) Naker salira dina kaludeung, untupan ngajak paluhung-luhung. (Mun enya rék ngajak paluhung-luhung, asa mending kénéh dina widang téknologi, ngarah puguh aplikasina.) Ah, da rumasa héngkér jeung épés méér. Pimanaeun. (Salah sorangan, naha atuh teu rancagé, ngedul diajar, jeung sok sérab ku gelar.) Salira surti, nepak taktak lalaunan, “Kula gé manusa biasa.” (Oméan deui ah ieu fikmin téh. Goréng.)