Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

(50) Jang Odin & Novel Cinta

Kénging Godi Suwarna
Dipidangkeun dina lapak 09 Oktober 2014 06:13:06

Poé Minggu. Pabeubeurang. Langit lénglang. Odin saparakanca ngagaredig. Nu manggul hitar. Nu ngélék samak. Pauntuy-untuy di jalan satapak. Naranjak ka pasir Kinanti. Néang mojang nu geus ti heula mariang. “Aingah, lalémbon pisan! Gancang laleumpangna, ‘Kangbro!” Daris nyorowok di hareup. Teu sabar. Odin nyuruntul. Nyusul. Hayang geura patepung jeung Néng Halimah.

Jog ka penclut. Tingrarandeg. “Jiiih, ka marana, nyah?” Daris molohok. Odin kukulintingan. Alak-ilik. Pasakeun patingtalambru. Kastrol nagen dina hawu. Néng Halimah saparakanca duka teuing di marana. Daris celak-celuk. Suwung. Odin guligah naker. Rus-ras. Ka siluman-sileman. Musuh kabuyutanana. Ka Randuajag. Ka Gintunglutung. Sawadiabaladna. Nu sok ngabarongohan. Odin nyaringcing. Luak-lieuk bari babacaan.

“Hoyaaaah!” Kapireng nu ngabétahkeun. Bareng. Tingrarénjag. Bruh-bréh. Mojang-mojang horéng nyaramuni. Ayeuna keur jalumigrah. Bungah pédah bisa ngalejokeun. Tingcikikik. Salusurakan. Ngarancunan bari tuluy nyalampeurkeun. “Landong kesel,” Halimah ngaharéwos. Ngasongkeun buku. Sabada balakécrakan. Sabot Daris keur ngahitar. Odin diuk rada anggang. Muka buku. Bréh. Aya amplop semu kayas. Nyelap dina novel Cinta.