Bérés dirapalan. Diriung anak, incu, jeung buyut. Para tamu ondangan mah ngahaja sina ngarantay dahareun. Marasmanan. Teu hararayang teuing kudu sasalaman jeung nu rék ngawilujengkeun. Kacapé-capé.
"Wilujeng Eyang..!" ceuk salah saurang buyut uing nu umurna 275 taun. "Wilujeng..! Ngiring bingah," salah saurang incu nu umurna 212 taun ngarangkul bari nyiuman pipi.
"Selamat, Béh..!" Si Bungsu nu karék 180 taun ngusapan sirah uing bangun deudeuh.
"Didu'akeun sing bisa ngawangun rumah tangga nu sakinah mawaddah warohmah," ceuk mitoha lalaki nu keur dilahun ku pamajikan.
"Dupi Ema di mana?" uing nanya ka sakadang mitoha.
"Indung manéh mah keur disusuan kénéh di kamar ku Si Cikal..!" jawab mitoha bari ngéng wéh léwéh da hayang ngolomoh peremén loli.