Update: 06 Agustus 2016 02:59:25
Login ku Akun Facebook

Pangréana Fikmin

Pangaléwohna

Koméntar ti Kanca

Ahad, 19 Maret 2017 16:02
Yusuf S. Martawidénda: " Naha akun sim kuring dina web ieu janten aya dua. Nu hiji namina : Yusuf S Martawidenda Nun hiji deui namina : Yusuf S. Martawidénda nu hiji teu ngangge curek. Nuhiji deui ngangge curek dina e-na. TAPI NU LENGKEP DATA PROFILNA AKUN NU E-NA TEU NGANGGE CUREK HATUR..."
Salasa, 14 Maret 2017 16:22
Abdul Haris: " Alhamdulillah, kotrétan téh, tiasa katawis deui dina web. Hatur nuhun, Kang Dan...."
Kemis, 16 Fébruari 2017 12:29
Hamim Wiramihardja Coèlho: " Naha sesah geuningan bade ngeusian profil teh......."
Senén, 16 Januari 2017 06:47
Kang Mohen: " Sampurasuun..."
Ahad, 08 Januari 2017 23:29
Roni Rohendi: " Assalamualaikum, ngiring ngaderes palih..."
Rebo, 04 Januari 2017 07:41
Aris Siswanto: " ..."
Rebo, 04 Januari 2017 03:02
Elan Sudjanamihardja: " datang katimgal tarang tea meureun nya. nya bade ngiringan didieu yeuh da geuning ari nyiar pangarti mah tue aya watesna, boh umur atanapi tempat, sugan we aya paedah sareng mangpaatna. sim kuring ti aachen, jerman watesan ka walanda sareng belgia, elan sudjanamihardja, ari di aachen mah barudak mahasiswa nyarebatna..."
Ahad, 01 Januari 2017 22:33
Ridwan Melodian Plain: " Sampurasun..."

Kabayan & Titistulis

Kénging Godi Suwarna
Dipidangkeun dina lapak 13 Agustus 2014 10:35:08

Dina hiji mangsa. “Aing teu hayang diseungseurikeun!” omong Kabayan ka sasaha, bari ngalimba. Batur salemburna kalah tingséréngéh. “Aing keur sedih,” Kabayan nginghak. Batur salembur kalah saleuseurian. “Duuh, Gustiiii…” Kabayan nyegruk. Tuluy ngaléos. Duka ka mana.

Kabayan ngiles. Poé baganti minggu. Bulan baganti. Urang lembur jadi dur-der paraséa. Anak jeung bapa. Salaki jeung pamajikan. Tatangga reujeung tatangga. “Kabayan! Urang butuh Si Kabayan!” ceuk Mang Kuwu. Kabayan ditaréangan. Kapanggih-panggih ti para da ngadon nyumput di dinya.

“Jiiih, kantun tulang sareng bobos!” ceuk tatanggana. Urang lembur tingcakakak. “Cingan tabeuh igana. Pasti sada gambang!” omong nu séjén. Urang lembur tingbarakatak. Teu maliré Kabayan juuh cimata. Urang lembur saruka bungah. Peutingna talibra naker.

Isukna. “Kabayan ngagantung manéééh!” ceuk béwara tina toa. Lembur guyur. Jalma ngambreg ngadeugdeug nu ngagulantung. “Ituh, létahna ngambay, euy! Siga létah sapiii…!” ceuk tatanggana. Nu ngagimbung akey-akeyan. “Bengeutna héjooo! Kawas panto balédésaaa!” Nu ngagimbung ager-ageran. Gumuruh sora nu seuri. Ngaweuhan ka madhabpapat.

*
*
*

(Diropéa tina fikmin jadul: TITISTULIS. Dihaturkeun ka Mang Robin Williams, aktor komédi Amrik, nu janten kameumeut sim uing sakulawargi, saprak filmna, “Dead Poets Society” nan hébring pisan, janten tongtonan wajib di rorompok. Nguping wartos Mang Robin tiwas. “Bunuh diri!” saur médsos. Gustii…! Gustiii…! Aya ku téga ari Amang, nilar uing dijagat nu beuki riweuh kieu…!)