Balik ti tajug incu kuring lulumpatan. Terus bébéja. Hariweusweus. Nyaritana dibarung pepeta. Lucu. Maklum karék lima taun jalan. "Abah, tadi mah Si Uhé solatna béda ti batur," pokna. "Béda kumaha, Cu?" cekéng téh bari ngusapan sirahna. "Muhun. Dina tahiyyat ahir, ramona ngacung dua. Pan, kedahna mah curuk wungkul nya, Bah?!" ceuk budak kawas nu bingung.
Kolébat beungeut bapa Si Uhé nu maot di Pasar Malam lima taun katompérnakeun.